1 SAMUEL 2:22 - PATHIEN LEKHABU THIENGTHO (BSI)

²² Chun, Eli chuh ahung têk ten ta a; Israel te chunga a chapate thilhih chengcheng leh Lalpa hona puon-In kawtbul a numei nasem haw ana kuolpih sek thuu a hun he ta a.

1 SAMUEL 2:22 ပူးပေါင်းရင်းမြစ်များ

PAWTDAWKNA 38:8

Khutichun, amah chun Lalpa um na puon-In kawtkhak bula nasem numeite hun piekkhawm sumeng lim-et te chuh lakhawm in, sumeng kuong leh a luihna chuh a siem a.

EZEKIEL 22:26

A thiempute chun le nasatak in ka dân a bawhsieu a, ka thil zek haw a subuok u a, thil zek leh thil maimai a khenchuom him puou a, thil buok leh thil thieng kikhiekna le kuomah a sinsak puou; ka Chawlhni te chuh a ngaidau u a, khutichun a lak u ah sukminsiet in ka um ahi.

1 SAMUEL 8:1

Chun, hiti hi ahi a, Samuel chu ahung upa ta a, a chapate chu Israel te chunga vaihawm in a siem a.

THILSIEMBUL 37:2

Zie hi Jakob inkuonte chanchin ahi. Joseph chuh kum sawm leh sagih a upa ahih in a suohpihte tawh ganhawn a ching u a; amah chuh naupang ahi nalai a; a pa zite Bilhah leh Zilpah chate kawmah a um a. A suohpihte thilhih chuh a pa kawm achun a gen zel sek hi.

1 SAMUEL 2:23

Tichun, a kawm u ah, “Bang zieka zie tawbang thil hi bawl na hiu hi? mipite chengcheng apat hin na thil phalo bawl dân hawu ka na he a.

1 SAMUEL 3:13

A chate’n Pathien a gensietnau gitlohna chu hezing ngâla, a khap loh ziekin a insung chu kumkhuo a dingin vaihawm khum ding ka hi tih ka hilh ta ngâl a.

THILSIEMBUL 35:22

Israel chuh zie gama chuh a um lai in, Reuben in a pa mei Bilhah chuh a va kuolpih a: Israel in zie chuh a zata a Chun. Jakob chapate chuh sawmlenih ahiu a.