1 SAMUEL 2:2 - PATHIEN LEKHABU THIENGTHO (BSI)

² “Lalpa guola thiengtho khatchale a um puoi; Nang tawbang himhim a um puoi, I Pathien u tawbang suongpi himhim a um puoi.

1 SAMUEL 2:2 ပူးပေါင်းရင်းမြစ်များ

2 SAMUEL 22:32

Lalpa hilo Pathien chu kuo ahim? I Pathien uh lo chu kuo a Suongpi um?

ISAI 44:6

Lalpa, Israel mipite Tandawkpa leh vengpa, Bangakai hihthei Lalpa chun hiti hin a tii, “Kei a Masapen leh a Nunung pên, Pathien khat chauh ka hi a. Kei tihloh Pathien dang himhim a um puoi.

SAM LEHKHABU THE PSALMS 86:8

Aw Pathien, pathien lak ah nang tawbang a um puou hi; Na hih tawbanga hih le a um diek puou hi.

SAM LEHKHABU THE PSALMS 89:8

Aw Lalpa, sepaihte haw Pathien, Aw JAA, nang tawbang mihat kuo a um a? Na muon um na chu na kimvel ah a um ngâl a.

PAWTDAWKNA 15:11

“Aw Lalpa, pathien haw lak ahin nang bang hi kuo a um? Thienthona lama lopi leh, Pahchak tâk hihna lama zahum leh, thilmakte hih sek, Nang tawbang kuo a um?

1 PETER 1:16

“Nanguh na thientho dinguh ahi, Kei ka thiengtho ngâl a,” tih zik a hi kha.

JEREMIA 10:6

Aw Lalpa, nang tawbang kuomah a um puoh a, Na lopi a, na min chuh thilhih theihna’n a lopi hi.

ISAI 57:15

“Chungnung pên Pathien lopi, chawihsân a um, kumlekhuo a hing zing Amin Thiengtho kiti chun hiti hin a gen hi: ‘Mun sang leh Mun Thiengtho achun ka chênga, kingainiemte leh lunggil kisik vulvul te hihhalh ding leh lungthim thasie te chuh suhalh dingin.’

DAN NIHNA 3:24

“Aw Lalpa Pathien, na suok hi na lopina leh na khut hât chuh na muhsak pan ta a; lei leh van a le, na thilhih haw tawbang leh na thilhih thupi tak tawbang hih thei bang pathien a um?

THIEMPUDANTE 19:2

“Israel mipi, kikhawmkhawmte chuh hopih inla, a kawm u ah, ‘Na thientho dinguh ahi; Kei Lalpa na Pathien u hi ka thiengtho ngâl a.

ROME 15:4

Pathien Lehkha thu apat, thuokhatna leh lungbihna mu a, kinepna I neih theihna dingun malaia zik ta cheng chuh, eihaw ei sinsakna dingin zik ahi ngâl a.

ISAI 44:8

Ka mite haw, lau kiu in! Malai apat in tuni gei hin thil hungtung dingte ka genlawk puoh a ahim? Nang haw hi ei hetpihte na hiu hi tih na he ngâl uh a. Pathien dang a um himhim em? Ahi, Pathien dang himhim a um puoh a, khat chale a um lam ka he puoi,” ti’n.

ISAI 40:18

Aleh, Pathien chuh kuo tawh na tehkal ta dingu? a hihloh leh, bang tawbang lim tawh na tehkal ding u?

ISAI 6:3

Sepaihte Lalpa chuh “A Thiengtho ie, A Thiengtho ie, A Thiengtho ie! Lei chung pumpi hi a lopina’n a dim hi,” ti’n a kidâwng tuoh, a kidâwng tuoh u a.

SAM LEHKHABU THE PSALMS 111:9

Amân a mite kieng ah tatna a hun sawl a; A thuthun chuh kumlekhuo a ding in a guot a. A min chuh a thiengtho in a zahum hi.

SAM LEHKHABU THE PSALMS 99:5

Lalpa ka Pathien u chuh chawiân unla, A keng bula chun chibai bûk un: Amah chuh thiengtho ahi.

SAM LEHKHABU THE PSALMS 89:6

Van dum akhun Lalpa tawh tehkal theih ding kuo a um a ahim? Van mite laka khun Lalpa tawbang kuo a um?

DAN NIHNA 32:39

Kei, Keimah ngêi hi, Amah chuh ka hi, he tau in, Kei tihloh pathien dang a um puoi; Ka sulum seka, ka suhing sek; Ka suliem seka, ka sudam sek; Ka thilhih ei dal thei kuomah a um puoi.

DAN NIHNA 32:4

“Amah suongpi chuh, a thilhih a phabukim; A umdan chengcheng a dik: Pathien ginum, adiklo hih lo, Thudik leh pha Amah ahi.

SAM LEHKHABU THE PSALMS 99:9

Lalpa I Pathien u chuh pakchau unla, A tâng thiengtho a chun ho un: Lalpa I Pathien u chuh a thiengtho ngâla.

SAM LEHKHABU THE PSALMS 73:25

Van a khun nang tih loh kuo ka nei em? Lei ah nang lo ngâl ka deih a um puoi.

SAM LEHKHABU THE PSALMS 71:19

Aw Pathien, na diktatna chun van a su a; Aw Pathien, nang thil lopi takte hih pa, Nang tawbang hi kuo a um?

SAM LEHKHABU THE PSALMS 71:3

Kei dingin bitna suongpi, kulhpi dettak hung hi’n; Nangin kei ei hukdam din thupiek na pie a; Nang chuh ka suongpi leh ka kulhpi na hi ngâla.

SAM LEHKHABU THE PSALMS 18:2

Ka Pathien, ka suongpi dettak ahi a, amah chuh ka kisêlna ahi. Ka phaw leh, ka hukdamna kileh ka insang ahii.

DAN NIHNA 32:20

‘Kiselmangsan ing ka, Bang a hung suok um, en ka,’ a tii. Khang ngaihnabei, ginumlo chate ahiu.

DAN NIHNA 4:35

Lalpa chuh Pathien ahi tih na het theihna dingun na kawm u a suklat ahi a; amah tih loh adang himhim a um puoi.

ROME 4:8

Lalpa’n manlohna nei a a san loh chuh a hamphau hi,” ti a a gen guol khan.

2 SAMUEL 7:22

Zieziekchun Aw Lalpa Pathien, nang chu na lopi a, ka bil u a ka zak dân un nang tawbang himhim a um puou a, Nangmah lo ngâl Pathien dang himhim le a um puou hi.

2 SAMUEL 22:3

Ka suongpi Pathien, amah chu gingcha’ng ka; ka phaw leh ka hukdamna ki, ka insang leh ka kihumbitna ahi; ka hukdampa, nangin kipawngnawhna lak apat nei hukdawk sek a.

1 LENGTE 8:23

“Aw Lalpa, Israel Pathien, nang tawbanga a ângsung a a lunggil chengchenga tawiviel zing a suokte dinga a thugawlh guitun saka lungsietna nei zing thei, chunglam van a leh nuoi lam lei ahin Pathien dang mawngmawng a um puoi.

SAM LEHKHABU THE PSALMS 18:31

Lalpa tihloh Pathien dang kuo a um hi? I Pathien uh tihloh chuh kuo suongpi a um hi?

SAM LEHKHABU THE PSALMS 99:3

Amau chun na min lopi tak leh lauh-um tak pakchau hen; Amah chuh a thiengtho ngâla.

THIEMPUDANTE 11:44

Kei hi, Lalpa na Pathien uh ka hi a, zieziekchun, kihihthiengtho un, kei ka thiengtho ngâl a. Lei chunga chêng a bawka vak thawh chi himhim chun kisubuok kiu in.

THIEMPUDANTE 11:45

Kei hi, Lalpa na Pathien uh hi dinga, Aigupta gam apat a hun puidawkpa chuh ka hi. Na thientho dinguh ahi, Kei ka thiengtho ngâl a.

DAN NIHNA 4:39

Zieziekchun, tuni hin na lunggil un vawp unla, chunglam van a leh nuoi lam leia hin le Lalpa chuh Pathien ahi tih heu in; adang himhim a um puoi tih heu in.