1 SAMUEL 2:10 - PATHIEN LEKHABU THIENGTHO (BSI)

¹⁰ Lalpa dote chu phieh dimdem in au, Vana pata vanpi git in do intin: Lalpa chun kâwlmawng tiengin vaihawm in tin; A leng chu hatna pien tin, a thaunuh ki chu dawmsang ina,” a ti a.

1 SAMUEL 2:10 ပူးပေါင်းရင်းမြစ်များ

2 SAMUEL 22:14

Lalpa chun van apat a hâl gi dul dul a, Chungnung pên pa chun a aw a suoh a.

2 SAMUEL 7:13

Amah chun keia dingin Ho-In sa’n tin, a lalchutphah chu kumlekhuo a dingin hih det ing ka.

2 SAMUEL 7:8

“Zieziekchun ka suok David kawmah, Sepaihte Lalpa chun hiti hin a tii, ‘Belam tatna muna na belam chin lai chun ka mi Israel mite chunga lawiupa dingin ka hun la a:

JOB LEHKHABU THE BOOK OF JOB 40:9

Pathien bangin bân na nei a ahim? Amah tawbang in vanpi git guolin aw na suoh thei dem?

SAM LEHKHABU THE PSALMS 132:17

Zie tak a chun David ki chuh seldawk sak ing ka: Ka sathau nuh a ding in thaumei ka guot ta a.

SAM LEHKHABU THE PSALMS 148:14

Amah chun a mite ki chuh a dawmsang a, a mi ginum chengte chun pakchau henla; Israel chate a tel chuom te chun, Lalpa chuh pakchau in!

SAM LEHKHABU THE PSALMS 2:2

Lei chunga lengte a hel u a, vaihawmte chuh a kihokhawm u a, Lalpa leh a thaunuh chuh a kalh u a,

SAM LEHKHABU THE PSALMS 2:6

“Kei mah mawng in ka tâng thiengtho Zion achun, Ka leng siem chuh ka chut sak tai” a ti a.

SAM LEHKHABU THE PSALMS 2:9

Amau haw chuh thik tiengkhut in suphel ing ka ting, Beldengte’n bel a paih gawp tawbang in paih gawp inla,” a ti a.

SAM LEHKHABU THE PSALMS 20:6

Lalpa’n a sathau a nuhpa hi a hukdam hi tih tun chuh ka he tai A khut changlam hukdam na tha chun A van thiengtho apat khun a ma’n hun dâwng ina.

SAM LEHKHABU THE PSALMS 20:7

Khenkhat in kangtalai a kimuonpih u a, khenkhat in sakawl a kimuonpih u a: Himahleh, ei hawn vang chuh Lalpa I Pathien min u chuh sam zawi tiu.

SAM LEHKHABU THE PSALMS 21:1

Aw Lalpa, lal chuh na hatna a hin lawp in tin uh, Na hukdamna ahin a kipâk na mai zên ding e!

SAM LEHKHABU THE PSALMS 28:8

Lalpa chuh a mite hatna ahi a, Sathau nuh a umpa ding chun hukdamna kulhsang ahi.

SAM LEHKHABU THE PSALMS 45:7

Diktatna chuh na deihchuom a, nunsietna chuh na haw a; Zieziekchun, Pathien, na Pathien chun, na lawite sanga nasa zawn Kipahna sathau a hun nuh ta hi.

SAM LEHKHABU THE PSALMS 89:17

Nang chuh a hâtnau lopina na hi ngâla; Na deihsakna ziekin ka kiu hi limbawl in um in a.

SAM LEHKHABU THE PSALMS 89:24

Mahleh ka muon-um na leh ka zahngaihna chuh amah kawmah um ina; Ka min ziekin a ki chu limbawl in um ina.

SAM LEHKHABU THE PSALMS 89:25

A khut chule tuisuohgiet achun ngak sak ing ka ting, A khut changlam chu luipi chung haw achun.

SAM LEHKHABU THE PSALMS 96:13

Amah chuh hung ding ahi a, Lei vaihawm dingin amah chuh hung ding ahi ngâla: Khawvel chuh diktak in vaihawm sak intin, Mi cheng cheng a thutak in vaihawm sak ding ahi.

SAM LEHKHABU THE PSALMS 98:9

Khawvel vaihawm dinga hung Lalpa masang achun: Khawvel hi diktat takin vaihawm sak intin, Khenchuom neilo in mi cheng cheng hi vaihawm sak ina.

PAWTDAWKNA 15:6

“Na khut changlam chuh, aw Lalpa, thilhih theihna’n a lopi a, Na khut changlam chun, aw Lalpa, melma chuh a sunel vek ta a.

THUGENPA 11:9

Khangdawngte haw, na vanglai niteu achun kipâk unla. Na vanglai nite achun na lungthim kipâk hen, na hih nawp cheng hih inla, na lungthim in a nawp dân cheng chuh zui inla, na mitin a etnawp phawt chuh en in. Himahlele, zie thil haw cheng chuh Pathien in vaihawmna a hun sulang ding ahi tih hezing in.

THUGENPA 12:14

I thilhih chengcheng uh, a sie leh a pha le, a gûka thilhih cheng le Pathien in ei vaihawm sak ding ahi ngâl a.

ISAI 29:6

Van gite, inling te, thawm nasatak te, chinpei te, huihpi te, leh thil katum sek meikuong te mang in Sepaihte Lalpa’n hun gawt ding ahi.

ISAI 32:1

Ngaitie, leng khat chuh diktat takin vaihawm in chu’n tin, a miliente chun vaihawmna diktak in vaihawm un au.

ISAI 45:24

“Lalpa chauh ah dikna leh Hatna a um hi,” ti’n gen un tin, himahlele, kei ei do taphawt chuh vang muolpho un au.

EZEKIEL 29:21

Zie ni chuleh Israel inkuon dingin kikehdawk sak ing ka ting, a lak u ah chun na kam hun kat sak ing ka ting; tichun, Lalpa chuh ka hi tih he’n au,” ti’n.

MATTHAI 25:34

Zie phat chu leh Lalpen chun a changlama mite kawm achun, ‘Ka pa vangsakte haw, hung un la, khawvel kisiem tûng apat nang u dinga guotsa chuh luoh un.

MATTHAI 28:18

Tichun, Isu chuh a kawm u ah a hung a, a kawm u ah, “Lei leh van a thuneihna chengcheng ka kawma piek ahi tai.

LUKE 1:69

A suokpa David suona kipat chun, Hukdamna ki ei siem sak ta ngâla.

LUKE 19:27

Tuhin, zie ka melmate, a chung u a, vaihawm dinga ei deih lote hi hun pui unla, ka masang ngeia hin that un,’” a ti a.

NASEPTE 10:38

Nazareth Isu chungchâng thu khah, khati a, Pathien in a chunga Thagau Thiengtho leh thilhih theihna a vuk zie thu haw kha. Amah chuh thilpha hih leh, Diabol bawlsiet chengcheng hihdam in, muntin a fang viel sek a, Pathien a kawma a um ziekin.

NASEPTE 4:27

Zie khawpi a hin, na Suok Thiengtho, na thau nuh Isu do ding chun, Herod leh Pontia Pilate tawh, Jentel te leh Israel mipite chuh, a kigawm khawm tak zet uh ahi.

2 KORINTH 5:10

Mitin in, sapum a thil bawlte, a sie a pha, I bawl bang uh a, I muh chiet theihna dingun; Krista vaihawmna chutphah masanga kilak chiet ding I hi ngâl u a.

VAIHAWMTE 5:31

Khutibang chun, Aw Lalpa, na melmate chengcheng chuh mangthai vek u hen la, Amah hehpihte vang chuh hattak a chieh, nisa bang hi hitau hen,” ti’n la a sau a. Chun, gamsung chuh kum sawmli sung gâlmuong in a um tai.

1 SAMUEL 12:13

“Zieziekchun tuhin en un, na deih u leh na tel uh lengpa hi! Lalpa chun leng a hun siem sak na hi tau hi.

1 SAMUEL 12:17

Tuni hi buh-ât hun ahi paw maw? Van gitsak ding leh guoh zuk sak dingin Lalpa chu sam ing ka ting; tichun leng na nget u hi Lalpa mitmuh a nasa taka hihkhiel na hiu hi tih he’n na tin un, hun mu’n lau,” a ti a.

1 SAMUEL 12:18

Khutichun, Samuel chun Lalpa chu a sama, Lalpa chun zie ni chun van a gitsak a, guoh a zuk sak a; tichun mipite chun Lalpa leh Samuel chu a lau mah mah tau a.

1 SAMUEL 12:3

Ngaiun, zie hin ka um hi: Lalpa leh sathau a nuh pa masang ahin ka phatlohna gen tiem u le; Kuo bâwngchal ka chuh kha? Kuo sabiltung ka chuh kha? Kuo ka dawha bawl kha? Kuo ka pawngbawl kha? Ka mit ei sukdûk sak dingin kuo khut apat gawlhgukna ka la kha? Hun pekit vek ing ka,” a ti a.

1 SAMUEL 15:28

Chun, Samuel chun a kawmah, “Tuni apat hin Lalpa’n Israel gam hi ahun lâksak ta a, nang sanga phazaw na invengpa a pie tai.

1 SAMUEL 16:1

Khutichun, Lalpa chun Samuel kawmah, “Israel te leng dinga ka deih tâk loh Saul ziek hin bang chana na lungkham ding? Na saki chu thau thun dim inla, chieh in, Bethlehem mi Jessai kawma hun sawl ding ka hi; a chapate laka khat leng dinga ka tel tâk ziekin,” a ti a.

1 SAMUEL 7:10

Chun, Samuel in hâlmang thilpiek a piek lai tak chun Philistia mite chun Israel te chu do guon a hun naih uh a: himahlele, zie ni chun Lalpa’n Philistia mite chung achun nasatak in van a gitsak ta dul dul mai a, chun, a buoi chiei chuoi zieng tau a; Israel te ma achun a guollah tau a.