1 SAMUEL 19:11 - PATHIEN LEKHABU THIENGTHO (BSI)

¹¹ Saul chun David In lama a na châng a; zingkal a a na that dingin mi a sawl a: chun, David zi, Mikal chun, “Tu zan a hih na hinna humbit dinga na taihmang loh chun zing leh thah hi ding na hi,” ti’n a hilh a.

1 SAMUEL 19:11 ပူးပေါင်းရင်းမြစ်များ

VAIHAWMTE 16:2

Chun, Samson zie hin a hung hi ti’n Gaza mite chuh a hilh u a. Tichun a ûmkimvel tau a, khawpi kulh kawtkhak bul achun zan khuo’n a châng tau hi. Zan khawvak in thipkêi in a châng u a, “Khuo hung vak kit phawt leh, tichun, amah chuh that hitiu,” a kitiu a.

1 SAMUEL 19:20

Chun, David va pui dingin Saul chun mi a sawl a: chun, thiemgaute thugen lawk lai tak leh a chung u a Samuel lawiupa a um a va muh phet un Saul misawlte chung achun Pathien Thagau a hung tunga, amau chun le thu a genlawk tau a.

2 SAMUEL 3:13

Chun, David chun, “Aw le na kawm ahin thu gawlh ing ka; amahvang chuh nang apat thil khat hun ngek ing ka, zie chu ziehi ahi, ei kimuhpih dinga na hung tieng leh Saul chanu Mikal na hun puih masak loh chun ka mel mu thei puo’n la,” a ti a.

1 SAMUEL 20:31

Jessai chapa hi zie leia hi a um lai chan sukdet hi puo’n la, na gam le. Zieziekchun, kintak in sap sak zieng inla, ka kawmah hun puih sak ah, a thih tei ding ahi,” a ti a.