1 SAMUEL 18:8 - PATHIEN LEKHABU THIENGTHO (BSI)

⁸ Chun, Saul chu a lungna mah mah a, thu kigen chun a sukipak hiel puoh a; “David chu a sing lam a that in a ngai u a, kei vang chu a sang lam chauh a that in ei ngai u a: lalgam tih loh ngâl bang danga a neih beh ding um nalai?” a ti a.

1 SAMUEL 18:8 ပူးပေါင်းရင်းမြစ်များ

1 SAMUEL 15:28

Chun, Samuel chun a kawmah, “Tuni apat hin Lalpa’n Israel gam hi ahun lâksak ta a, nang sanga phazaw na invengpa a pie tai.

THUCHINGTE 13:10

Chapona chun kinakna a tun a, himahleh, thuhilhna phatak a zawp vang chuh pilna ahi.

JAKOB 4:5

A hihloh leh, Thagau, eimau a a chen sak chun, thik kham hiela ei deih uh ahi tih hi, Pathien Lehkhabu’n mawk in gen ina tih na gingchau hi?

ESTHER 3:5

Chun, Haman chun Mordekai chuh a masanga khupdin a bawkkhup lo ding a hi tih a het phet chun a lungna mah mah ta a,

1 SAMUEL 20:31

Jessai chapa hi zie leia hi a um lai chan sukdet hi puo’n la, na gam le. Zieziekchun, kintak in sap sak zieng inla, ka kawmah hun puih sak ah, a thih tei ding ahi,” a ti a.

THUCHINGTE 27:4

Lungnat hi a nunsie a, thangtawm hi sietna ahi a, himahlele itthikna tawh tehkal kham ahi puoi.

THUGENPA 4:4

Sepgimna cheng leh, muh beh ding utchaknate hi ki-awhchâk tuohna zieka hung um ahi tih ka he tai. Ziehi le bangmahlo leh huih delh tawbang ahi tih ka he tai.

1 LENGTE 2:22

Chun, leng Solomon chun a dâwng a, a nu kawm achun, “Bangti dana Shunam mi Abishag hi Adonijah dinga ngên na him? Lalgam hile nget sak ngâl ngâl ta; Adonijah chu ka u ahi ngâl a; amah a ding leh thiempu Abiathar leh Zeruiah chapa Joab a ding chun le ngên ta,” a ti a.

1 SAMUEL 16:13

Khutichun Samuel chun sathau bawm saki chu a la a, a suohpihte laka chun sathau a nuh a; tichun zie ni apat chun Lalpa Thagau chu David chungah nasatak in ahung tung ta a. Khutichun Samuel chu a kipan a, Ramah khuo ah a chieh ta a.

1 SAMUEL 13:14

Himahlele, na lenggam chu bei ta’n a; Lalpa’n thu ahun piek na zuih loh ziekin Lalpa chun amah lunggil bang pu mi a hawla; amah chu a mipite chunga leng dingin Lalpa’n a guot tai,” a ti a.

KISIMNA 22:34

Balaam chun Lalpa Vânsâwlchâk kawmah, “Ka na gilo ahi tai, ei dal dingin lampi ah na ding hi tih ka he puoh ngâl a; zieziekchun diklo na sak chun vaikit mai ing ka,” a ti a.

KISIMNA 11:1

Chun, mipite chuh Lalpa chungah a phunchiek tau a, zie chun Lalpa a sukipak hiel puoh a; Lalpa’n zie chuh a het phet in a lungnatna chuh a kuong dawk ta a, a lak u chuh a kâng ta a, giehbuk mawng lam chuh a kângtum vek tai.

1 SAMUEL 18:9

Khutichun Saul chun zie ni a kipat chun David chu a mu nuom ta puoh a.

1 SAMUEL 19:1

Khutichun, Saul chun a chapa Jonathan leh a suokte chengcheng chu David that dingin a hilh a.

THILSIEMBUL 37:8

Chun, a ute chun a kawmah, “Nang cha hin maw ka chung u a vai na hawm ding? Nang cha hin maw ka chung u a thu na neih mai ding?” a tiu a. Tichun a mang ziek leh a thugen ziek chun amah chuh a mudah zaw diek tau hi.

THILSIEMBUL 37:11

Chun, a ute chun amah chuh a mitthîp u a; a pa vang chun a thugen chuh a lungthim ah a vawp zinga.