1 SAMUEL 18:23 - PATHIEN LEKHABU THIENGTHO (BSI)

²³ Chun, Saul suokte chun zie thu haw chu David a hilh u a. Chun, David chun, “Mi chagah leh kuomah ngaihsan mang loh kei tawbang ding hin lengpa mâkpa va hih chu thil baihlam hi’n na heu a ahim?” a ti a.

1 SAMUEL 18:23 ပူးပေါင်းရင်းမြစ်များ

1 JOHAN 3:1

Ngaitiem u, Pa’n ei hehpihna a nasa na e! “Pathien chate,” ti a, ei minvawh tak uh hi; khutibang chuh I hi him ui. Zieziek hin khawvel in ei uh ei het loh uh ahi, amah chuh a het loh ziekun.

THUCHINGTE 14:20

Mi chagah chuh a invengte ngêi in le a mudah a, himahleh mi hausa chun vang guolpha a hau sek hi.

SAM LEHKHABU THE PSALMS 119:141

Mineu leh mi muhsit ka hi a: Mahleh na hilhgaihna thu haw chuh ka hengilh kha puoi.

1 SAMUEL 9:21

Chun, Saul chun a dâwng a, “Israel nam laka a neupen, Benjamin nam hilo ka him? Chun, ka inkuon u le Benjamin nam a inkuon chengcheng laka neupen hilo ahim? Khutichuh hi ngâl a bang zieka ti a chu ka kawma thu gen na him?” a ti a.

THILSIEMBUL 29:20

Tichun Jakob chun Rachel nei ding chun kum sagih na a sem ta a: himahlele, a lungsiet bêk ziekin ni sawtlo cha bang phetin a hêi.

THILSIEMBUL 34:12

Man leh thilpiek chuh bang zat hitaleh gen unla, na tih bang bang un hun pie’ng ka: abang hitaleh nungak chuh zi’n ei neihsak phawt mai un,” a ti a.

1 SAMUEL 18:18

Chun, David chun Saul kawmah, “Kuo ka hi a, chun Israel gam ahin ka inkawte leh ka pa inkawte chu bang a hiua ahi lengpa mâkpa ka va hih zieng na ding chuh?” a ti a.

1 SAMUEL 18:22

Khutichun Saul chun a suokte chu thu a pie a, “A gûk in David hopih unla, ‘Ngaitie, lengpa chu na chung ah a kipâk mah mah a, a suokte chengcheng inle ahun hehpih ui; zieziekchun lengpa mâkpa’n um in,’ tiu in,” a ti a.

1 SAMUEL 18:24

Chun a suokte chun, “David in hiti hin a tii,” ti’n Saul a hilh u a.

THUCHINGTE 29:5

A invengte pahchak lêm thawhte chun amah keng ngeia dinga lên thâng kizak ahi.