1 SAMUEL 18:17 - PATHIEN LEKHABU THIENGTHO (BSI)

¹⁷ Chun, Saul in David kawmah, “Ngaitie, ka chanu upazaw Merab hi na zi dingin hun pie’ng ka ting; hangsan takin ei panpih phawt mai inla, Lalpa kidona haw chu do in,” a ti a. Saul chun, “Ka khut chu a chunga thâk hi kihen la Philistia te khut chu thâk hizaw hen,” a ti a a ngaihtuoh ziekin.

1 SAMUEL 18:17 ပူးပေါင်းရင်းမြစ်များ

1 SAMUEL 25:28

Na suoknu gitlohna hi lungsiet takin ngaidam in: Lalpa’n ka lalpa chu insung dettak tundin sak ngêi ngêi intin, ka lalpa chu Lalpa kidona dopih ahi ngâl a; na damsung chengin nang ah gitlohna muh ding um puo’n a.

1 SAMUEL 18:25

Chun, Saul chun, “David kawmah hiti hin tiu in, ‘Lengpa chun lengpa melmate phuba lâkna dingin Philistia te zek vun zakhat tihloh chu man bangmah a deih puoi,’ tiu in,” a ti a. Saul chun David chu Philistia te khut ah thi leh tih a lunggulh pên ahi ngâl a.

1 SAMUEL 17:25

Chun, Israel te chun, “Zie mihing hung pawt pa kha na muu hi? Israel te cho dinga hung pawt ahi kha; kuole amah that taphawt chu lengpa’n nasa takin suhausa’n tin, a chanu pie’n tin, chun, a pa inkuon chu Israel gam ahin zalen takin umsak ina,” a tiu a.

1 SAMUEL 18:21

Chun, Saul chun, “A awkna thâng ahung hih theihna ding leh Philistia te’n a chunga khut a thâk theihna dingun amah hi pie ding ka,” a ti a. Zieziekchun Saul chun a nihvei na dingin David kawmah, “Tuni hin ka mâkpa hiding na hi,” a ti a.

1 SAMUEL 17:47

Chun, zie tak a hungkhawmte cheng hin Lalpa chun chemzâm leh tiengcha’n a hukdam puoi tih hethei in au; kidona hi Lalpa a ahi ngâla, chun, amah chun ka khut uh a nang ei pie ding ahi,” a ti a.

SAM LEHKHABU THE PSALMS 55:21

A kam chuh nawituikhal bangin a nâl a, Himahleh, kidona lungthim a pu zing u a; a thugen u chuh sathau sangin a nâl zaw a, himahleh, chemzâm zuk dawk sa ahi ngâla.

SAM LEHKHABU THE PSALMS 12:2

Mitin in a vengteu kawmah lepchieh thu mai a gen a gen sek u a; Kipahchak na lêm mûk leh lepbawlna lunggil pun thu a gen sek u a.

2 SAMUEL 12:9

Bangati a Lalpa thu chu ngaidau a, a mitmuha thil phalo na hih tâk mai? Hit mi Uria chu chemzâm in na that a, a zi chu na zi dingin na lâksak a, amah chu Amon suonte chemzâm in na that a.

2 SAMUEL 11:15

Chun, lehkhathâk achun, “Uria chu gâl khawkna pen ah pan sak unla, a thah u a a thih theihna dingin thah thau in,” ti’n a zik a.

DAN NIHNA 17:7

Amah sulum ding chun hetpihte chun khut tha masau intin, zie zawh chuleh mipite chun tha’nau. Khutia chuh na lak u apat a zie thil phalo chuh na sukbeih dinguh ahi.

KISIMNA 32:29

Chun, Mosi chun a kawm u ah, “Gad suonte leh Reuben suonte, kido dinga kigalvan chengcheng te hin Lalpa masang a Jordan lui a hun kaihpih u a, gam chuh na lak u chun, Gilead gam chuh amau luoh dinga na piek dinguh ahi.

KISIMNA 32:27

amahvang chuh, na suokte kido dinga kigalvan chengcheng te hin na gen bang chun Lalpa a ding in Jordan gal ah gâl va do ung kau,” ti’n a gen u a.

KISIMNA 32:20

Khutichun, Mosi chun a dâwng a, “Na gen bangtak u a na hih u chun, Lalpa umna zie mun apat ngêi hin galdo dingin kisau un.

KISIMNA 21:14

Zieziekchun Lalpa galdona bu achun, “Vaheb khawpi Supha a um, leh Arnon luiguom te,

1 SAMUEL 14:49

Saul chanute nih min chu ziehaw hi a hiu; a upa zaw min chu Merab ahi a, a naupang zaw min chu Mikal ahi:

1 SAMUEL 17:36

Na suok hin sakeibaknei leh savawm a that kha gêl gêl ta a: chun, zie zektan loh Philistia pa hi le amau chu bang zieng lo ding ahim, Pathien hing sepaihte a cho ngâla,” a ti a.

1 SAMUEL 18:27

David leh a mite chu a kipan u a, Philistia te zanih a va that u a; chun David chun a zek vun uh ahun chawia, khutichun lengpa mâkpa ahih theihna dingin lengpa chu kimtak in a pie a. Khutichun Saul chun a chanu Mikal chu zi’n a neihsak ta a.

1 SAMUEL 30:26

Chun, Ziklag khuo a tun phetin David chun gâllâk thil khenkhat chu, “Zie hi, Lalpa melmate apat gâllâk thil kila, kipahman in ka hun thâk hi,” ti’n,

2 SAMUEL 6:16

Chun, hiti hi ahi a, Thuthun bawm David khuo a a lut lai chun Saul chanu Mikal chun tukvan apat in a na en a, Lalpa masanga David chawm leh lam chu a vak mu a, a lunggil in a na musit ta a.

THUCHINGTE 26:24

Mi muhdah chîng chun a mûk in a selgu sek a, a lunggil chun vang a vawp sek hi.

THUCHINGTE 26:25

Thu pha tak a gen in le gingcha diek ki’n, a lungthim achun thil kihdak-um sagih a selgu zing ngâl a.

THUCHINGTE 26:26

A mi muhdahna chuh selgu hâmhâm mah leh; a gitlohna chuh vantâng het in kiphuong ding ahi ngâla.