1 SAMUEL 17:52 - PATHIEN LEKHABU THIENGTHO (BSI)

⁵² Chun, Israel te leh Judate chu a kipan u a, a kiko u a, Philistia te chu Gath leh Ekron kulhkawt tieng hielin a delhzui tau a. Chun, Philistia te haw chu Shaaraim lampi tungtawn in Gath leh Ekron tiengin, a puk zeng zung mai tau a.

1 SAMUEL 17:52 ပူးပေါင်းရင်းမြစ်များ

JOSHUA 15:11

Chun, gamgi chuh mâllam pang Ekron pang ah a chiehdawk a, Shikeron ah a chieh sak uh a, chun, Baalah tâng ah a chieh zel a, Jabneel ah a pawt a; tichun gamgi chuh Tuisuohgiet ah a tâwp hi.

2 SAMUEL 23:10

Chun, amah chu a kipan a, a khut a kham a, a chemzâm chuh tu thei lo hiel khawp in Philistia te a that a: zie ni chun Lalpa’n nasa takin a zawh sak a; chun, mipite chu a nung ah gâllâk thil la ding chauh in a hung vaikit u a.

VAIHAWMTE 7:23

Chun, Israel te chuh Naphtali apat leh Aser apat in a hung khawm u a, Midian te chuh a delhzui tau a,

1 SAMUEL 17:53

Chun Israel te’n Philistia te a delh u chu a haihsan u a, a hung vaikit u a, a giehmun u chu a buluh tau a.

1 SAMUEL 5:8

Khutichun Philistia lengte chengcheng chu a samkhawm u a, a kawm u ah, “Israel te Pathien bawm hi bang lawh ding I hi tau em?” a tiu a, Chun, Gad khuo mite chun, “Israel te Pathien bawm chu kei uh kawmah puoklut hi hen” ti’n a dâwng uh a. Tichun Israel te Pathien bawm chu zie chun a chawn tau a.

1 SAMUEL 5:10

Khutichun Pathien bawm chu Ekron ah a thak dawk tau a, a vatun phetin Ekron khuo mite chu “Israel te Pathien bawm chu eihaw leh I miteu sulum dingin I kawm u ah ahun puo tau hi” ti’n Ekron khuo a mite chu a kiko zak tau a.

1 LENGTE 20:21

Chun, Israel leng Ahab chu a va pawt a, sakawl leh kangtalaite chuh a va do a, a va that lemlum zieng ta a.