1 SAMUEL 17:47 - PATHIEN LEKHABU THIENGTHO (BSI)

⁴⁷ Chun, zie tak a hungkhawmte cheng hin Lalpa chun chemzâm leh tiengcha’n a hukdam puoi tih hethei in au; kidona hi Lalpa a ahi ngâla, chun, amah chun ka khut uh a nang ei pie ding ahi,” a ti a.

1 SAMUEL 17:47 ပူးပေါင်းရင်းမြစ်များ

ZEKARIA 4:6

Chun, amah chun ka kawmah, zie hi Zerubabel kawma Lalpa thu chuh ahi: “Hatna hilo in, thilhih theihna le hi diek lo in, Ka thagau thilhih theih na zawk in la uo! Bangkim hihthei Lalpa chun a tii.

HOSEA 1:7

Himahleh, Juda inkawte chuh vang lungsiet ka ting, thalpi ahim chemzâm ahim, kidona ahim, sakawl ahim sakawl chung chuong mi ahim a amau haw hukdawk lo in, kei Lalpa a Pathien u hin hukdawk ing ka,” a ti a.

1 SAMUEL 14:6

Chun, Jonathan chun a gâlvan chawipa kawm achun, “Hung tie, zektan loh haw sepaihte umna akhun va chieh dii ti; Lalpa’n ei dingin thil a hih mawh die; atam ahim atawm ahim manga hukdam dingin Lalpa chu bangmah cha’n a dal thei puoh ngâla,” a ti a.

ROME 8:31

Zie thu haw achun banga I gen tâk ding u leh? Pathien ei u lama a pan chun kuo a ei do thei ding?

2 KHANGTHUBU 14:11

Chun, Asa chu Lalpa a Pathien kawmah a paucham a, “Lalpa chauh lo chu mi hattak a pata hatlo panpih ding a um puou hi; Aw Lalpa ka Pathien uh, ei pan pih in; nangmah muong in na min in zie mipite hi ka hun do uh ahi. Aw Lalpa, ka Pathien uh na hi a, mihing in nang hun zawh kinem kiheh,” a ti a.

ROME 8:37

Khen lo e! ziehaw chengcheng achun, ei hehpihpa vang chun, lopi taka zote I hiu hi.

ISAI 9:7

A gam lien zel intin, a vaihawmna leh chamna chun tâwp tik ni nei puo’n a. David lalchutphah leh a lalgam ah chu’n tin, bawt dawk ding leh sudet dingin diktak leh kitûp takin vaihawm ina, tu apat kumlekhuo’n, Sepaihte Lalpa phatchuomngaihna chun zie chuh hih ina.

SAM LEHKHABU THE PSALMS 46:11

Sepaihte Lalpa chuh ka kawmah a um a; Jakob Pathien chuh I kulh insang uh ahi. Selah

1 SAMUEL 18:17

Chun, Saul in David kawmah, “Ngaitie, ka chanu upazaw Merab hi na zi dingin hun pie’ng ka ting; hangsan takin ei panpih phawt mai inla, Lalpa kidona haw chu do in,” a ti a. Saul chun, “Ka khut chu a chunga thâk hi kihen la Philistia te khut chu thâk hizaw hen,” a ti a a ngaihtuoh ziekin.

2 LENGTE 5:15

Tichun, amah leh a lawite cheng chu Pathien mi umna lam achun a vaikit tau a, a masangah a va ding u a, a kawmah, “Tuhin, Israel Pathien tih loh hi, lei chung chengcheng achun pathien dang a um puoi, tih ka he tau hi; zieziekchun, lungsiet takin hepu, kipahman hi la tie!” a tiu a.

JOSHUA 10:8

Chun, Lalpa’n Joshua kawmah, “Amau chuh kihcha hiel ki’n, na khut ah ka pie tai; a lak uh a mi kuomah na ma a ding thei um hiel puo’n au,” a ti a.