1 SAMUEL 17:43 - PATHIEN LEKHABU THIENGTHO (BSI)

⁴³ Khutichun Philistia pa chun David kawm achun, “Uicha neisa ahim, mawlh poh tawh nei hun zawt chu?” a ti a. Chun, Philistia pa chun a pathiente min lo in David chu hansie a buok a.

1 SAMUEL 17:43 ပူးပေါင်းရင်းမြစ်များ

2 SAMUEL 9:8

Chun, chibai a bûk a, “Kei uicha thi sanga le phachuom lo na suok hi bang ahi a na ngaihsak ahim?” a ti a.

2 SAMUEL 3:8

Khutichun, Ishboseth thugen chun Abner chu a sulungna mah mah ta a, “Uicha luchang mai ka hi a ahim? Tuni tieng hin na pa Saul inkuote leh a unaute leh a guolte chungah nunnemna ka sulang a, David khut ah ka hun pie puoh a; himahlele, nangin zie numei chunga gilo hin nei ngawh ta mai a.

1 SAMUEL 24:14

Israel lengpa chu kuo hawl in ahi ahung pawt? Kuo a na delh? Ui thisa delh in! Uihik delh in!

THUCHINGTE 26:2

Pielpa leng viel viel leh vachawng pem hattak guolin; a ziek um lo a mi hansie lawh chuh a guitung kha puoi.

2 LENGTE 8:13

Chun, Hazael chun, “Bangti’n zie bang thilhih thei chu ka hung hi dinga ahim? Bangmahlo ka hi ngâl a,” a ti a. Elisha chun a dâwng a, “Suria te chunga leng hung hi ding na hi tih Lalpa’n ei muh sak ahi,” a ti a.

2 SAMUEL 16:9

Khutichun Zeruiah chapa Abishai chun leng kawmah, “Bangati a zie uicha hin ka pu chu hansie a buok maimai? a lu va la di’ng ka,” a ti a.

THILSIEMBUL 27:29

Nam chuom chuomte’n na na sem u henla, Chi chuom chuomte’n chibai hun bûk u hen: Na suohpihte chungah lal in um inla; Na nu chate’n chibai hun bûk u hen: Hansie hun lawh ta chuh hansiet in um u henla, Vang hun pie ta chuh vangsak in um u hen,” a ti a.

KISIMNA 22:6

Zieziekchun lungsiet takin hung inla, zie mite hi hansie ei va lawh sak in, keia dingin a hât taluou a, ka thah u a, ka zawh u a, ka gam u apat hin nawhdawk thei kha mawh ding u! Aziek chuh mi na vangsak te chuh vangsak in a um zel sek ui tih leh, na hansiet taphawt chuh hansie buokkhum in a um zel sek ui tih ka hêi,” a ti a.

VAIHAWMTE 9:27

Chun, Sekem khuo mite chuh lo lam ah a va chieh u a, grep haw chuh a lo u a, a chil u a, guolvak a bawl u a, a pathien teu In ah a lut u a, a neu in a dâwn u a, Abimelek chuh musit takin a bawl tau a.

1 SAMUEL 14:12

Chun, gâlveng sepaih panmun a umte chun Jonathan leh a gâlvan chawipa chuh, “Ka kawm u ah hung to unla, thil khat hun na etsak ing kau,” ti’n a na gal sap u a. Chun, Jonathan chun a gâlvan chawipa kawm achun, “Ei hun zui to ah; Lalpa’n amau khu Israel te khuta a piek ahi tai” a ti a.

2 SAMUEL 16:5

Chun, leng David Behurim a tun chun ngaitie, Saul inkawte laka mi Gera chapa amin Shimei a hung pawt. a, samsie kawm kawmin a hung pawt a.

1 LENGTE 20:10

Chun, Benhadad in a kawmah mi a sawl kit a, “Ka nungzuite chengcheng hin Samari khuo leivui khutdim khat chiet a a chan u a ahihleh, pathiente chun a nawp nawp ei lawh u hen la, zie sanga nasa zaw chun le,” a ti a.

1 SAMUEL 24:15

Zieziekchun, Lalpa chu vaihawmpa hi henla, kei leh nang kal thu hi vai hawm henla, ka makhuo hi ei ngaihtuoh sak in ei genpih henla na khut apat in ei hukdawk hen,” a ti a.