1 SAMUEL 17:37 - PATHIEN LEKHABU THIENGTHO (BSI)

³⁷ Chun, David chun, “Sakeibaknei khut apat leh savawm khut apat ei hukdawkpa Lalpa chun zie Philistia pa khut apat hin ei hukdawk ina,” a ti a. Chun, Saul chun David kawmah, “Chieh ta leh, Lalpa’n hun umpih hen,” a ti a.

1 SAMUEL 17:37 ပူးပေါင်းရင်းမြစ်များ

SAM LEHKHABU THE PSALMS 63:7

Nang chuh ei panpihpa na hi ngâl a, Na thalim nuoi achun kipâk in lasa’ng ka.

1 KHANGTHUBU 22:11

“Khutichun, Ka chapa, Lalpa chu na kawmah um hen la, lamzang zel inla, na chungchâng thu a na gen masak tâk bang khan, Lalpa na Pathien Ho-In chu hun sa’n.

1 SAMUEL 20:13

Chun, ka pa’n na chungah thil phalo hih nuom ta leh, ka hun hilh loh a lungmuong taka na chieh theihna dinga ka hun thâk loh chun, Lalpa’n Jonathan hi a nawp nawp lawh henla, zie sanga chu nasazaw’n le; chun, Lalpa chu na kawmah um hen, ka pa kawma a um sek guolin.

1 SAMUEL 7:12

Khutichun, Samuel chun suong a la a, Mizpah leh Shen kikala chun a phut a, “Hiti tieng hin Lalpa’n ei na panpih ahi” ti’n a min dingin Eben-ezer a sa a.

SAM LEHKHABU THE PSALMS 138:3

Ka hun uou ni’n nang in nei dâwng a, Ka hinna hihhat in nei tîlkhoh a.

1 KHANGTHUBU 22:16

Simsen guolloh sanate, dangka te, sumeng te, thik te, bawl zieng ngâl in, Lalpa chu na kawmah um hen,” a ti a.

2 SAMUEL 10:12

Hangtakin um unla, I miteu leh I Pathien khawpiu huk in kimek tak hitiu; chun Lalpa phasak bang zelin hi hen,” a ti a.

SAM LEHKHABU THE PSALMS 77:11

Lalpa thilhih haw kha hilhchien ing ka ting; Malai pek a na thilmak haw kha ka hetzing ding ziekin.

1 SAMUEL 26:25

Ziephet chun, Saul chun David kawmah, “Ka chapa David, vangsak in um in: thil thupi tak tak hun hih in na tin, zo zel inla,” a ti a. Khutichun David chu a chieh zela, chun, Saul chu a mun lam ah a vaikit ta a.

1 SAMUEL 24:19

Mi’n a melma mu henla hileh bit takin a thahdawk nuom dinga ahim? zieziekchun tuni a ka chunga na thilhih ziek hin Lalpa’n thilpha’n hun dinthuk hen.

SAM LEHKHABU THE PSALMS 11:1

Lalpa achun ka ginna ka nga sek a: Bangti dana ka hinna kawm ahin: “Tang lam a chun, vacha bangin lengmang un.

1 SAMUEL 17:36

Na suok hin sakeibaknei leh savawm a that kha gêl gêl ta a: chun, zie zektan loh Philistia pa hi le amau chu bang zieng lo ding ahim, Pathien hing sepaihte a cho ngâla,” a ti a.

1 SAMUEL 17:38

Chun, Saul chun David chu amah gâlvan in a van a, dangka guo lukhuk a khuksak a; phaw puonâk a âksak a.

DANIEL 3:17

Ka Pathien uh, a na ka sep sek u chun hâltuina meipi apat in ei hukdawk thei ngâla, na khut apat inle, Aw lengpa, ei hukdawk mai ina. hâltuina mei apat in le ei hukdawk tei in a.

JOSHUA 1:17

Thil bangkima Mosi thu ka zawp bang u khan, nang thu le zawp zel ung kau; Lalpa na Pathien chuh Mosi kawma a um bang khan na kawm ahin um hen.

RUTH 2:4

Tichun ngaitie, Bethlehem apat in Boaz chuh a va chieh a, buh âtte kawm achun, “Na kawm u ah Lalpa um hen,” a ti a. Chun amau chun, “Lalpa’n hun vangsak hen,” ti’n a dâwng u a.

SAM LEHKHABU THE PSALMS 118:6

Lalpa chuh kei lama pang ahi; lau puo’ng ka: Mihing in bang ei lawh thei die?