1 SAMUEL 17:36 - PATHIEN LEKHABU THIENGTHO (BSI)

³⁶ Na suok hin sakeibaknei leh savawm a that kha gêl gêl ta a: chun, zie zektan loh Philistia pa hi le amau chu bang zieng lo ding ahim, Pathien hing sepaihte a cho ngâla,” a ti a.

1 SAMUEL 17:36 ပူးပေါင်းရင်းမြစ်များ

1 SAMUEL 17:10

Chun, Philistia pa chun, “Tuni hin Israel sepaihte ka cho ahi; ka kisuolpih ding mi ei pieu in,” a ti a.

ZEKARIA 12:3

Himahleh, zie hun chuh a hungtun tieng leh, Jerusalem chuh suongtum gik tak tawbang in siem ing ka ting, kuo namte hitaleh, a dawpkang guo taphawt chuh amau leh amau kisuliem un tin. Tichun, khawvel a nam chengte chu amah do dingin kipunkhawm un au.

ZEKARIA 2:8

Nanguh hun khawihkhate chuh, Ka mit naucha khawihkha ahi ngâl u a,” ti’n. Khutichun, Bangkim hihthei Lalpa chun, a mite delh zak haw namte kawma ding chun, zie thu haw hi tawh ei sawl ahi.

EZEKIEL 32:19

A kawm u achun: “Melhawihna a kuo a na khelh um? Chieh suk inla, zektan loh te lak achun kuol zieng un, na tih ding ahi.

ISAI 36:18

‘Lalpa’n ei hukdawk ina,’ ti a Hezekia’n ahun thep khâk leh chingthei un, Namte pathien apat mawng mawng in a gam u chuh Asuria lengpa apat in a hukdam kha ngei uh a ahim?

ISAI 36:15

Hezekia chun, ‘Thawnlo in Lalpa’n ei hukbit intin; zie khawpi hi Asuria Leng khut ah piek in um puo’n a,’ ti’n gen mahleh, Hezekia gen ziekin Lalpa chuh gingcha nuom diek kiu in.

ISAI 10:15

Himahlele, Lalpa chun, “Heicha chun a mang pa chuh a uon khum dinga ahim? Thing-âtna chun a ât pa chuh a nuoisieh dinga ahim? Khetbûk in a dawm pa chuh a dawm zaw dinga ahim? mawlh in mi a mang thei puo a, mi’n mawlh a dawp zawk uh ahi ngâl a,” ti’n.

1 SAMUEL 17:26

Chun, David chun a kienga dingte kawm achun, “Zie Philistia pa that a Israel te minsietna lamang pa ding chun bang hihsak ahi dem? Zie zektan loh Philistia pa hi kuo ahim, hingzing Pathien sepaihte a vak cho viel a?” a ti a.

1 SAMUEL 14:6

Chun, Jonathan chun a gâlvan chawipa kawm achun, “Hung tie, zektan loh haw sepaihte umna akhun va chieh dii ti; Lalpa’n ei dingin thil a hih mawh die; atam ahim atawm ahim manga hukdam dingin Lalpa chu bangmah cha’n a dal thei puoh ngâla,” a ti a.

1 SAMUEL 17:35

ka delh a, ka suol a, a kam apat chun ka hukdawk sek hi: chun, ei na suol guo a a hung kipat tieng leh a baksam in ka mana, ka suol a, ka that sek hi.

1 SAMUEL 17:37

Chun, David chun, “Sakeibaknei khut apat leh savawm khut apat ei hukdawkpa Lalpa chun zie Philistia pa khut apat hin ei hukdawk ina,” a ti a. Chun, Saul chun David kawmah, “Chieh ta leh, Lalpa’n hun umpih hen,” a ti a.

1 SAMUEL 18:17

Chun, Saul in David kawmah, “Ngaitie, ka chanu upazaw Merab hi na zi dingin hun pie’ng ka ting; hangsan takin ei panpih phawt mai inla, Lalpa kidona haw chu do in,” a ti a. Saul chun, “Ka khut chu a chunga thâk hi kihen la Philistia te khut chu thâk hizaw hen,” a ti a a ngaihtuoh ziekin.

1 SAMUEL 31:4

Ziephet chun Saul chun a gâlvan puo-pa kawm achun, “Na chemzâm satdawk inla, ei sun let zieng ah; khutilochun zie zektan loh te hi hung untin un, ei sunlet untin un, nunsie taka kichepna’n ei nei kha’n au,” a ti a. Himahlele a gâlvan puo-pa chun a hih nuom puoh a; a lauh mah mah ziekin. Khutichun, Saul chun amah chemzâm ngêi chu a kilak a, a bawh ta a.

EZEKIEL 28:10

Nam dang mite khut achun zektan loh thih in thi’n la; ka pau ta ngâla,” Lalpa Pathien chun a tii.

2 KHANGTHUBU 32:17

Tichun, Israel te Lalpa Pathien sulungna lam leh a gensie lam in lehkha a zik a, “Gamtin, namtin pathien te’n ka khut apat in a miteu-a hukdawk theih loh mah bangin, Hezekia Pathien inle ka khut apat in a mite hukdawk hiel puo’n a,” ti’n.

DANIEL 5:23

Van Lalpa chung achun na kikawihsang zaw ta a; a Ho-In a umlebelte chuh na masangah a hun chawi u a, zie chuh nang leh na miliente leh na ziteu leh na meiteu tawh uain dawnna’n na mang u a, dangkaguote, sanate, sumeng te, thikte, thingte, leh suonghaw a siem pathien, mu theilo, za theilo leh ngaitha thei lote chuh na limbawl zaw tau a. Pathien, na hin leh thih ding hun guonggalh sakpa leh na thilhih chengchenga hun enkawlpa chuh na zah ta puoh a.