1 SAMUEL 17:26 - PATHIEN LEKHABU THIENGTHO (BSI)

²⁶ Chun, David chun a kienga dingte kawm achun, “Zie Philistia pa that a Israel te minsietna lamang pa ding chun bang hihsak ahi dem? Zie zektan loh Philistia pa hi kuo ahim, hingzing Pathien sepaihte a vak cho viel a?” a ti a.

1 SAMUEL 17:26 ပူးပေါင်းရင်းမြစ်များ

2 LENGTE 19:4

Asuria leng in Pathien hing gensie dingin Rabshakeh a hun sawl a. Lalpa na Pathien chun zie ho sietna thu leh gensietna thu chu hun za’n, zie tawbanga gente chu gawt hen. Zieziekchun, Pathien kawmah, ka mipite hinhawih a umsunte ding chun paucham in,’ a tii,” a tiu a.

2 KHANGTHUBU 32:17

Tichun, Israel te Lalpa Pathien sulungna lam leh a gensie lam in lehkha a zik a, “Gamtin, namtin pathien te’n ka khut apat in a miteu-a hukdawk theih loh mah bangin, Hezekia Pathien inle ka khut apat in a mite hukdawk hiel puo’n a,” ti’n.

NEHEMIA 5:9

“Na thilhih u hi a pha hiel puoi, I melmateu leh namdangte ei muhsit na ziek hin I Pathien uh na kihchak zawk dinguh hilo ahim?” ka ti a.

SAM LEHKHABU THE PSALMS 44:13

Nangin ka vel u a mihaw gensiet in nei um saka, Ka nai tuom u a mi haw muh sit leh nuihsan in nei um sak ta ngâla.

SAM LEHKHABU THE PSALMS 74:18

Aw Lalpa, zie hi hezing in, melma chun a hun gensie a, Nam ngawl chun na min a gensieu kha.

SAM LEHKHABU THE PSALMS 79:12

Aw Lalpa, nangmah a hun gensiet nau kha, Ka kimvel u a te angsung ah a leh sagih in din kit in,

ISAI 37:23

Kuo ahi na sukminsiet a na gensiet chuh? Kuo chungah ahim na aw na suksan a na mit na chung hah? Israel Pathien Thiengtho chung ngêi ah ahi.

JEREMIA 10:10

Himahleh, Lalpa chauh Pathien dik ahi a, Pathien hing, kumlekhuo a lal ahi. A lungnat ni’n lei a kilîng a; Namte chun na lungnatna a thuok zo puou hi.

JEREMIA 9:25

Ngaitiem u, ni chuh a hungtung hi tih hi Lalpa kamsuok ahi, “Zektan hi ngâla, zektan loh banga umte chuh gawt ding ka hi, a tii.

JEREMIA 9:26

Aigupta, Juda, Edom, Amon mipite leh Moab te, chuleh gamthip a cheng baksam met muih chengcheng chuh zektan loh ahiu a, Israel inkuonte chengcheng le lunggil zektan loh ahiu hi.”

EZEKIEL 28:10

Nam dang mite khut achun zektan loh thih in thi’n la; ka pau ta ngâla,” Lalpa Pathien chun a tii.

DANIEL 5:23

Van Lalpa chung achun na kikawihsang zaw ta a; a Ho-In a umlebelte chuh na masangah a hun chawi u a, zie chuh nang leh na miliente leh na ziteu leh na meiteu tawh uain dawnna’n na mang u a, dangkaguote, sanate, sumeng te, thikte, thingte, leh suonghaw a siem pathien, mu theilo, za theilo leh ngaitha thei lote chuh na limbawl zaw tau a. Pathien, na hin leh thih ding hun guonggalh sakpa leh na thilhih chengchenga hun enkawlpa chuh na zah ta puoh a.

DANIEL 6:27

Amah chun a humbit a, a hukdawk a; lei leh van a hin melchiknate leh thilmakte a hih a; amah hi sakeibaknei thilhih theihna apat a Daniel hukdawkpa chuh ahi,” ti’n.

DANIEL 9:16

Aw Lalpa, na diktatna chengcheng ziekin na lungnatna leh na lung-awihloh na chuh na khawpi Jerusalem, na tâng thiengtho apat chun kiheimang dingin ka hun ngên hi; ka gitlohnateu ziek leh ka pateu manlohna ziekin Jerusalem leh na mite hi ka kimvel u a mite chengcheng lak ah gensiet a hung hi tai.

JOEL 2:19

A pauchamnau a dâwng a, “Tuhin buhte, uain te, leh olive thaute hun pie ding ka hi a; tichun, lungbih takin um ta’n lau. Nam dangte chun hun musit ta puo’n au.

DAN NIHNA 5:26

Taksa nei taphawt mei apat a Pathien hing aw I het guol u a he a, hing nalai kuo a um?

1 THESSALONIKA 1:9

Mipite haw chun, nang haw ka hung vehthak lai a nei na lawp dân u leh, Pathien hing leh diktak ho dinga, milim pathien apat na kihei kit danteu leh,

JOSHUA 3:10

Pathien hing chuh na lak u ah a um hi tih na hetna dingun, na masang u ahin Kanaan mite, Hit mite, Girgash mite, Amor mite, leh Jebus mite hi nawhdawk teitei ding ahi tih he’n lau.

1 JOHAN 5:20

Chun, Pathien Chapa chuh a hung a, het theihna ei piei tih I heu a, khutichun, Pathien diktak chuh I he tau hi. A Chapa Isu Krista tawh I kipumkhatna zal uh chun, Pathien diktak chu tawh kipumkhat in I hing uh ahi. Amah chuh Pathien diktak a hi a, kumsawt hinna le ahi.

1 SAMUEL 11:2

Chun, Ammon mi Nahash chun a kawm u ah, “Hiti hin ahi na kawm u a thu ka thun ding chu: na mit changlam chengcheng uh kheuhdawk vek ding hi’n tin; zie chuh Israel mi chengcheng a dinga minsietna hi’n a,” a ti a.

1 SAMUEL 14:6

Chun, Jonathan chun a gâlvan chawipa kawm achun, “Hung tie, zektan loh haw sepaihte umna akhun va chieh dii ti; Lalpa’n ei dingin thil a hih mawh die; atam ahim atawm ahim manga hukdam dingin Lalpa chu bangmah cha’n a dal thei puoh ngâla,” a ti a.

1 SAMUEL 17:10

Chun, Philistia pa chun, “Tuni hin Israel sepaihte ka cho ahi; ka kisuolpih ding mi ei pieu in,” a ti a.

1 SAMUEL 17:30

Chun, amah chu a kiheimangsan a midang kawmah a gen ngei mah a gena; chun, mipite chun a masanga a dâwn guol u khan a dâwng kit u a.

1 SAMUEL 17:36

Na suok hin sakeibaknei leh savawm a that kha gêl gêl ta a: chun, zie zektan loh Philistia pa hi le amau chu bang zieng lo ding ahim, Pathien hing sepaihte a cho ngâla,” a ti a.

1 SAMUEL 31:4

Ziephet chun Saul chun a gâlvan puo-pa kawm achun, “Na chemzâm satdawk inla, ei sun let zieng ah; khutilochun zie zektan loh te hi hung untin un, ei sunlet untin un, nunsie taka kichepna’n ei nei kha’n au,” a ti a. Himahlele a gâlvan puo-pa chun a hih nuom puoh a; a lauh mah mah ziekin. Khutichun, Saul chun amah chemzâm ngêi chu a kilak a, a bawh ta a.