1 SAMUEL 17:12 - PATHIEN LEKHABU THIENGTHO (BSI)

¹² Chun, David chu Juda gama Bethlehem a Ephrath mi, amin Jessai, chapa ahi a, chapa giet a nei a; amah chu Saul hunlai chun têk tak ahi ta a, kum tamtak ahi tai.

1 SAMUEL 17:12 ပူးပေါင်းရင်းမြစ်များ

THILSIEMBUL 35:19

Tichun, Rachel chuh a thi a, Ephrath lampi achun a vui a, Ephrath chuh tu a Bethlehem kiti hi ahi.

2 SAMUEL 23:1

Jessai chapa David chu Pathien in mi thupi takin a siem a; Jakob Pathien chun leng dingin a tel a, Israel chate dingin la hawihtak tak a phuok a. Ziehaw hi David thugen nunung pên te chu ahi.

SAM LEHKHABU THE PSALMS 132:6

Ngaitie, a Thugawlh chanchin chu Ephrath ah I heu a: Jearim gammâng lak achun I mu tau a.

MIKA 5:2

Himahleh, Aw nang Bethlehem Ephrathah, Juda gamsung a khawpi te laka neupen na hi a, himahlele, nang apat in Israel te vaihawm ding tungdawk ing ka, a phunggui malai pek apat a sût a um ngêi chuh.

MATTHAI 1:6

Jessai in leng David a hing a; chuleh, David in Uria zi apat in Solomon a hing a.

MATTHAI 2:1

Chun, leng Herod a lal laia, Juda gama Bethlehem khuo a Isu a hung pien in, ngaitie, suohlam apat in miching te Jerusalem khuo ah a hung u a,

MATTHAI 2:6

‘Nang, Bethlehem, Judai gama um, Juda khawpi laka hin na neupen hiel puoi! Nang apat in vaipuo khat hung pawt ding ahi ngâl a; Ka mi Israel te ching ding pa chuh,’ tih hi” a tiu a.

RUTH 1:2

Zie pa min chuh Elimelek ahi a, a zi min chuh Naomi ahi a; a chapate nih min chuh Mahlon leh Kilion ahi a, Bethlehem-Juda a Ephrath mi ahiu. Moab gam achun a chieh u a, zie chun a um zing tau a.

RUTH 4:17

Chun, a inveng numeihaw chun a min a sau a, “Naomi a ding in chapa a hung pieng a,” ti’n a min dingin Obed a sau a; amah chuh David pa Jessai pa ahi.

RUTH 4:22

Chun, Obed chun Jessai a hing a, chun, Jessai chun David a hing hi.

1 SAMUEL 1:1

Ephraim tâng gam Ramathaim-zophim khawpi achun pasal khat a uma, a min chu Elkanah ahi; amah chu Jeroham chapa ahi, amah chu Elihu chapa ahi, amah chu Tohu chapa ahi, amah chu Ephraim mi Zuph chapa ahi.

1 SAMUEL 16:1

Khutichun, Lalpa chun Samuel kawmah, “Israel te leng dinga ka deih tâk loh Saul ziek hin bang chana na lungkham ding? Na saki chu thau thun dim inla, chieh in, Bethlehem mi Jessai kawma hun sawl ding ka hi; a chapate laka khat leng dinga ka tel tâk ziekin,” a ti a.

1 SAMUEL 16:18

Tangvalte laka khat chun a dâwng a, “Ngaitie, Bethlehem mi Jessai chapa khat ka mu kha a, amah chu kingkang tum thiem tak, mi hangsan tak, kido mi, thugen thiem tak, melhawih tak ahi a; chun a kawma le Lalpa a um hi,” a ti a.

1 SAMUEL 17:11

Chun, Saul leh Israel sepaihte chengcheng chun zie Philistia pa thugen chu a het phet un a taisieua, a lau mah mah mai tau a.

1 SAMUEL 17:58

Chun, Saul chun a kawmah, “Kuo chapa na hi, tangval?” a ti a. Chun, David in a dâwng a, “Bethlehem mi, na suok Jessai chapa ka hi,” a ti a.