1 SAMUEL 15:26 - PATHIEN LEKHABU THIENGTHO (BSI)

²⁶ Chun, Samuel chun Saul kawmah, “Hun vaihkit pih hiel puo’ng ka; Lalpa thu chu na deih puoh ngâla, chun, Lalpa’n le Israel te leng dingin ahun deih diek ta puoi,” a ti a.

1 SAMUEL 15:26 ပူးပေါင်းရင်းမြစ်များ

HOSEA 4:6

Ka mite chuh hetna tâksap zieka sukmangthai ahiu a, hetna na deih loh ziekin ken le ka thiempu nasem dingin ka hun deih ta puoi. Na Pathien dân na hengilh viela, ken le na chate hengilh ing ka.

1 SAMUEL 16:1

Khutichun, Lalpa chun Samuel kawmah, “Israel te leng dinga ka deih tâk loh Saul ziek hin bang chana na lungkham ding? Na saki chu thau thun dim inla, chieh in, Bethlehem mi Jessai kawma hun sawl ding ka hi; a chapate laka khat leng dinga ka tel tâk ziekin,” a ti a.

1 SAMUEL 13:14

Himahlele, na lenggam chu bei ta’n a; Lalpa’n thu ahun piek na zuih loh ziekin Lalpa chun amah lunggil bang pu mi a hawla; amah chu a mipite chunga leng dingin Lalpa’n a guot tai,” a ti a.

2 JOHAN 1:11

Kuole, thamuonna deihsak pa chuh, a thil phalo hih achun a tel ahi.

JEREMIA 6:19

Aw leisiet a na ngaitha’n zie mite chung ahin sietna hun tun ding ka hi. A ngaihtuoh na hawu gah ngêi chuh, ka thute chuh a ngaihsak puou a; ka dân te chula a paih tha kei u a.

1 SAMUEL 15:23

Helna hi phunsan a gitlohna tawh a kibanga, lochalna hi milim ho leh manlohna tawh kibang ahi. Lalpa thu na deihloh ziekin ama’n le leng dingin a hun deih diek ta puoi,” a ti a.

1 SAMUEL 15:31

Khutichun Samuel chun Saul chu a vaihkit pih ta a, chun, Saul chun Lalpa chu a ho ta a.

1 SAMUEL 2:30

Zieziekchun, Lalpa Israel te Pathien chun, “Ken na inkawte leh na pa inkawte chu kumkhuo’n ka masang ah um inlau ka na ti ngut a,” a ti a; himahlele, tuhin Lalpa chun, “Um hiel puo’n lau; ei limbawlte chu limbawl ing ka ting ei musitte chu ka ngaihnepte hiding ahi ngâl u a.

THILSIEMBUL 42:38

Chun, amah chun, “Ka chapa hi na kawm u ah hung suk puo’n a; a u, a thi ta a, amah mai hi ahi ta ngâl a; na chiehnau lampi ah vangsietna va tuok henla hileh, ka sam kâng hi lungkhamna’n thân a chiehsak ding na hiu hi,” a ti a.

NASEPTE 13:22

Chun, amah chuh a haihsak nung khan, a leng dingun David a siem ta a; Pathien in zie thu ding chuh hetsak in, ‘Ka deih guol cheng hih ding mi, ka lungthim bang pu, David, Jessai chapa ka mu tai,’ a ti a.

1 SAMUEL 28:18

Lalpa thu na nun loh ziek leh Amalek te chunga a lungnatna nasatak guola khah na thah suok kêi tâk loh ziekin tuhin zie thil hi na chunga a hih ahi tai.

2 SAMUEL 12:9

Bangati a Lalpa thu chu ngaidau a, a mitmuha thil phalo na hih tâk mai? Hit mi Uria chu chemzâm in na that a, a zi chu na zi dingin na lâksak a, amah chu Amon suonte chemzâm in na that a.

HOSEA 13:11

Lungkim lo kawmin leng ka hun pie a, lungna takin ka hun lâksak kit ta ahi.

2 SAMUEL 7:15

himahlele Saul kawm apat a ka lungsietna ka lâkmang bang khan amah vang chu nusieh puo’n a.