1 SAMUEL 15:24 - PATHIEN LEKHABU THIENGTHO (BSI)

²⁴ Chun, Saul chun Samuel kawmah. “Thil gilo hih kha ka na hita hi: Lalpa thupiek leh na thu chu ka na bawhsie ahi tai; mipite ka lau a, a thuu ka na zuih ziek ahi.

1 SAMUEL 15:24 ပူးပေါင်းရင်းမြစ်များ

2 SAMUEL 12:13

Chun, David chun Nathan kawmah, “Lalpa chungah thil ka hihkhiel tai,” a ti a. Chun, Nathan chun David kawmah, “Lalpa’n le na gitloh na chu a kawihmang tai; thi puo’n la.

THUCHINGTE 29:25

Mihingte lauhna hi thâng tawbang ahi a, himahleh, Lalpa a ginna ngate vang chuh bit in au.

KISIMNA 22:34

Balaam chun Lalpa Vânsâwlchâk kawmah, “Ka na gilo ahi tai, ei dal dingin lampi ah na ding hi tih ka he puoh ngâl a; zieziekchun diklo na sak chun vaikit mai ing ka,” a ti a.

THUPHUON 21:8

Himahlele, mi dawilawkte, gingchalote, kihdakumte, tuolthat te, mideihchak nuomte dawithiem te, milim hote, leh lepchieh chengcheng te chan ding chuh, mei leh kât a kâng dîl achun um ina; zie chuh thih nihna chuh ahi,” a ti a.

GALATI 1:10

Ahih leh, tuhin, mihiem sukkipah guo ka him, Pathien sukkipah guo? Mihiemte kawma challat ut ka hi leh? Khutibanga hih ka na guot zing chun, Krista suok hilo ding ka hi.

MATTHAI 27:4

“Mi diktat thisan ka matsak kha thil ka hihkhiel ahi,” a ti a. Amau chun la, “Zie chuh kei uh dingin banga khawk? Nangin na lawh lawh kilawh ah,” a tih san u a.

PAWTDAWKNA 23:2

Thil diklo hih dingin mipi chuh na mawk zuih ding ahi puoh a; mi thubuoi ale a hetpihtu a na pan tieng leh, a dik zaw thiemloh chan sak dingin a tam lam lama chuh na pan zieng ding ahi puoi;

JEREMIA 38:5

Tichun, leng Zedekia chun, “Ngaitiem u, amah chuh na khut u ah a um a puo; leng in nang haw deihloh lam bangmah a hih ding ahi puoi,” a ti a.

JOB LEHKHABU THE BOOK OF JOB 31:34

Mipi nasa takte kihchak ziek leh, Inkuonpihte muhsit ding ka lauh ziek a; Thip kêi leh vak dawk ngam lo a ka um chun.

1 SAMUEL 15:30

Khutichun amah chun, “Ka hihkhiel kêi tai: himahlele ka mipite upate leh Israel te ma a ei zahbawl dingin ka hun ngên hi; chun, Lalpa na Pathien ka ho theihna dingin ei vaihkit pih hâm in,” a ti a.

1 SAMUEL 15:15

Chun, Saul chun, “Amalek te a a hun lak uh ahi; Lalpa na Pathien kawma kithawihna dinga mipite’n belam pha pha leh bâwngchal pha pha a hinghawih uh ahi; adang chengcheng chu ka that chimit suok kêi ui,” a ti a.

1 SAMUEL 15:9

Himahlele Saul leh mipite chun Agag chu a hinghawih u a, belam laka athau pha pha, bâwngchal laka a hawih-hawih, athau-thau, belamno haw, chun, apha taphawt, ziehaw chu a that chimit nuom puou a: aphalo leh a deihloh tak phawt u vang chu a that suok kêi u a.

1 SAMUEL 2:29

Bang zieka ka umna mun a piek dinga ka guot, kei kawma kithawihna leh ka chanvo ding thilpiek chu na tawhden u a, kei sanga na chate na limbawl zawk a, nangmau kisukthauna dinga ka mi Israel te kithawihna a apha pha na mat uh ahim?” a ti a.

PAWTDAWKNA 10:16

Ziephet chun, Pharaoh chun Mosi leh Aron chuh kin takin a sap sak a, a kawm u ah, “Lalpa na Pathien u chung leh, nang uh haw chungah thil ka na hihkhiel tai.

PAWTDAWKNA 9:27

Chun, Pharaoh chun Mosi leh Aron chuh a sap saka, a kawm u ah, “Tuchung hin vang thil ka hihkhiel tai; Lalpa chuh mi diktat ahi a, kei leh ka mite hi vang a diklo ka na hiu hi.

THILSIEMBUL 3:17

Chun, Adam kawm achun, “Na zi thu na zawp a, thing khat, A gah na nek loh ding ahi, ti a thu ka hun piek khah na nek tâk ziekin lei hi nang ziekin hansie dawl ahi ta a; zieziekchun, na damsung chengin gim taka sem in a gah chuh ne ta’n la;

THILSIEMBUL 3:12

Adam chun, “Ei umpih dinga numei nei piek ngêi khan thinggah chuh ei pie a, ka nek ahi tai,” a ti a.

1 SAMUEL 26:21

Ziephet chun, Saul chun, “Thil ka na hihkhiel mah mah ahi hi; ka chapa David, hung kitin: tuni a hi ka hinna na mitmuha alul bêk ziekin bangmah hun lawh ta hiel puo’ng ka: ngaitie, thil ngawlhuoi tak ka na hih ta a, ka na hihkhiel ahi tai” a ti a.

SAM LEHKHABU THE PSALMS 51:4

Na chungah, na chung maicha ah thil ka hihkhiel a, Na mitmuh in thil gilo chuh ka na hih ta a. Na thugen in thiem na chansak thei a, Vai na hawma demna bei na hih theih na’n.