1 SAMUEL 15:11 - PATHIEN LEKHABU THIENGTHO (BSI)

¹¹ “Saul lenga ka na siem chu ka kisik ahi; ei zuihna apat a a kinunghei a ka thupiekte a zawp loh ziekin,” a ti a. Chun, Samuel chu a lungna a, zankhuo’n Lalpa chu a sama.

1 SAMUEL 15:11 ပူးပေါင်းရင်းမြစ်များ

THILSIEMBUL 6:6

Tichun, lei ahin mihiem a na siem tâk ziekin Lalpa chuh a kisik a, a lunggil a nat lawh ta a.

THILSIEMBUL 6:7

Tichun Lalpa chun, “Ka mihiem siem hi lei chung apat hin sumangthai mai ing ka; mihiemte, gamsate, bawka vak ganhingte, chung leng vachate natieng in ka na siem tâk ziekin ka kisik hi,” a ti a.

2 SAMUEL 24:16

Chun,Lalpa vânsâwlchâk in Jerusalem hihsie dinga a khut a vak zak leh Lalpa’n thil phalo a hih chu a kisik a, mite hih mangthai guo vânsâwlchâk kawm achun, “A hun ta ie, na khut tha ta ki’n,” a ti a. Chun, Lalpa vânsâwlchâk chu Jebus-mi Araunah buhphuol kawm achun a um a.

1 LENGTE 11:9

Chun, Solomon chun Lalpa chu a sulungna ta a, a kienga nihvei hiel kilak Lalpa Israel Pathien a kipata a kiheimang tâk ziekin.

1 KHANGTHUBU 10:13

Khutichun, Saul in Lalpa thu a zawp nuom puoh a, Lalpa chunga a gitloh ziek leh, Lalpa dawng lo a, thitha zawlnei te a dawng a, phunsan a a dawt ziekin a thi ta a.

1 KHANGTHUBU 21:15

Chun, Pathien in Jerusalem khuo hihsie dingin vânsâwlchâkte a sawl a, a vak hihsiet ding kuon tak u chun, Lalpa chun a vak en a, thil phalo hih a guot chu a lung a hei a, tichun, mipite hih mangthai vânsâwlchâk kawm achun, “Hih ta ki’n, zie kha a hun tai!” a ti a. Lalpa vânsâwlchâk chu, Jebus-mi, Ornan buhphuol a chu ding a hi a.

JOB LEHKHABU THE BOOK OF JOB 34:27

Amah apat a a petmang ziekun leh, A dante a khawksak loh ziek un.

SAM LEHKHABU THE PSALMS 109:4

Ka hehpih na chuh ei gensiet na’n a mang u a: Mahleh kei chuh amau a ding a paucham dingin ka kipie chak kêi hi.

SAM LEHKHABU THE PSALMS 110:4

Lalpa a kihâksiel a, a lungthim kinungzuk ta puo’n a, “Nang vang chuh Melkisedek umdan banga kumsawt a thiempu na hi a,” ti’n.

SAM LEHKHABU THE PSALMS 119:136

Ka mittui hi lui tui tawbang in a luong tha a, Na dân a zuih loh ziek un.

SAM LEHKHABU THE PSALMS 125:5

Himahleh, a lampi kawina haw a kiheimang te vang chu, Lalpa chun thil hihkhielte chu tawh gawt khawm in a. Israel chung achun thamuonna um hen.

SAM LEHKHABU THE PSALMS 36:3

A kama thu pawt haw chuh gitlohna leh lepbawlna thu ngen a hi seka: Chingthei taka thilhih ding leh thilpha hih a haihsan tau a.

SAM LEHKHABU THE PSALMS 78:41

A vel velin Pathien a patep u a, Israel mithiengtho chuh a sunuok sek ui.

SAM LEHKHABU THE PSALMS 78:57

Himahleh, a kilehhei u a, a suonteu bangin gukhah takin a hih zaw tau a; Thalpi lung kâwi tawbang in a chieh kâwi u a.

PAWTDAWKNA 32:11

Himahleh, Mosi chun Lalpa a Pathien kawmah, “Lalpa, thilhih theihna nasatak leh, khut hattak a na mi, Aigupta gam apat a na hun puihdawkte chung ahin bangati a na lungnatna chuh sosak na hi?

PAWTDAWKNA 32:14

Tichun Lalpa’n a mite chungah thil phalo ahih guot chuh a kinungzuk ta a.

JEREMIA 11:10

A pileputeu, ka thu ngaitha nuom lote thulimlohna lam achun a vaikit u a; pathien dangte nasem dingin a chieh u a, Israel inkuon te leh Juda inkuonte chun a pileputeu kawma ka thugawlh chuh a bawhsie tau hi.

JEREMIA 13:17

Himahleh, na ngaihthak loh u chun na chapona ziekun ka hinna hi a gûk in kap in a. Ka mitthitui nasatak in luong zing in tin; Lalpa belam hawn chuh sala puih ahih tâk ziek un.

JEREMIA 34:16

Himahleh, na kisik kit u a. mitin amah suok te chiet, pasal hileh numei hileh, amau deih bang taka na pawtdawk sak u haw chuh na man kit u a, na thunuoi u a kawih in, suok in na um sak kit u a, zie chun ka min na suthanghuoi tau hi.

JEREMIA 9:1

Ka luchang hi tui hi henla, ka mit hi mitthi tuinak hile chuh aw! Ka mi, ka chanu thah a um te a ding chun sun le zan in kap ing ka.

JEREMIA 9:18

“Hung kinawh u henla, ei hung kah khum u hen. I mitthitui luonnau, I mitvun u a mitthi tui a pawt theih na dingin.”

EZEKIEL 18:24

“Himahleh, mipha chun a phatna a kiheimangsan a, thil gilo a hih a, migilote hih guola thil tenum a hih chun a hing dinga ahim? A thilpha hih chengcheng kha hetzing hita puo’n tin, ginum lohna zieka a thiemlohna leh gitlohna a hih ziek chun, ziehaw ziek chun thi ding ahi.

AMOS 7:3

Zie thu ahin Pathien chuh a kisik a, “Na thilmuh hi hungtung puo’n a,” a ti a.

JONA 3:10

Tichun, Pathien in a thilhih teu chuh a mu a, a lampi phaloteu chuh a haihsan ui tih a mu a. Khutichun, Pathien chun a lungthim ngaihtuohna chuh a sang ta a, hih tei ding ka hi ti a a gen guol khan a gawt ta puoi.

JONA 4:2

Lalpa kawmah a paucham a, “Aw Lalpa, ziehi ka gam u a ka um laia ka gen kha hilo ahim? Zieziek ahih Tarshis lama taimang zieng ka hi kha! Nang hi mi lungsiet thiem leh hehpih thiem Pathien, lungna vak lo; dettaka lungsietna nei zing Pathien, thil phalo apat kisik kit thei Pathien leh mi gawt zieng lo na hi tih ka he a.

ZEPHANIA 1:6

Kei ei kiheimangsan a, ei zui lote leh, amau haw pui dinga ei dawng lote chuh sumangthai ding ka hi,” ti’n.

MATTHAI 24:13

Himahlele, a tâwp tienga thuok ngâp ta chuh hukdam in um in a.

MATTHAI 5:44

Ken chuh ka hun hilh ahi: Na melmateu hehpih un la, a hun samsie te chuh paucham sak un la, a hun mudahte chuh bawlphau un la, bangmah a hun ngailote leh a hun sugimtheite chuh paucham sak un,

LUKE 6:12

Chun, tihi hi ahi a, Isu chuh a pawtdawk a, paucham dingin tângah a chieh a, Pathien kawmah zankhuo’n a paucham a.

HEBRAI 10:38

Himahlele, ka mi diktatte chun taksanna’n hing un au. A lak uh a kuole, a nungchawn u chun chuh, Ka lungthim in amau achun kipahna him him nei puo’ng ka,” ti a a gen guolin.

JOSHUA 22:16

“Lalpa mipi haw chengcheng in, Israel te Pathien chunga na hihkhelh uh hi bang ahi, tuni hin Lalpa chunga kiphin guo a maichâm siem in Lalpa chuh na kiheisan uh ahim?

1 SAMUEL 12:23

Zie mai chule hilo in kei ding vangin, nang haw dinga paucham haihsan a Lalpa chunga gitlohna hih ding chu thil hithei lo hiel ahi; lampi pha leh dik chu hun kâwkmuh zel zaw’ng ka.

1 SAMUEL 13:13

Chun, Samuel chun Saul kawm achun, “Na thilhih dân hi ngawlhuoi tak ahi: Lalpa na Pathien in thu a hun piek hi na zui lo ahi: Lalpa chun Israel te chung ahin na lenggam kumkhuo a dinga sukdet guo ahi a.

1 SAMUEL 15:10

Ziephet chun Lalpa thu chu Samuel kawmah ahung tung a,

1 SAMUEL 15:3

Amalek te do dingin chieh inla, a thil neih chengcheng uh sit himhim nei lo in nuoichimit suok kêi in; pasal leh numei, nausen leh nawicheplai, bâwngchal leh belam, sangawngsau leh sabiltung that suok kêi in, a tih ahi,” a ti a.

1 SAMUEL 15:35

Chun Samuel chun a thihni tiengin Saul chu a kimuhpih kit ta puoh a, ahih ziekin Samuel chun Saul chu a lungkham pih a: Chun, Israel te leng dinga Saul a na siem chu Lalpa a kisik hi.

1 SAMUEL 15:9

Himahlele Saul leh mipite chun Agag chu a hinghawih u a, belam laka athau pha pha, bâwngchal laka a hawih-hawih, athau-thau, belamno haw, chun, apha taphawt, ziehaw chu a that chimit nuom puou a: aphalo leh a deihloh tak phawt u vang chu a that suok kêi u a.

1 SAMUEL 16:1

Khutichun, Lalpa chun Samuel kawmah, “Israel te leng dinga ka deih tâk loh Saul ziek hin bang chana na lungkham ding? Na saki chu thau thun dim inla, chieh in, Bethlehem mi Jessai kawma hun sawl ding ka hi; a chapate laka khat leng dinga ka tel tâk ziekin,” a ti a.

1 SAMUEL 8:6

Himahlele a kawma, “Vai ei hawmsak ding leng ei pie’n,” a tih thuu chun Samuel chu a sukipak lo mah mah a.