1 SAMUEL 14:45 - PATHIEN LEKHABU THIENGTHO (BSI)

⁴⁵ Chun, mipite chun Saul kawm achun, “Israel te laka zie hukdamna lopitak siempa Jonathan hi maw a thih ding? Himaizen lo e! Lalpa hinna sâlin ka gen ui, a samzang khatchale tuol ah kie puo’n a: tuni hin Pathien a seppih ahi hi” a tiu a. Khutichun mipite chun Jonathan chu thilo dingin a hukdawk tau a.

1 SAMUEL 14:45 ပူးပေါင်းရင်းမြစ်များ

NASEPTE 27:34

Zieziekchun, an ne dinga ka hun sawl na hiu, na hung hât theihna dingun. Na lak u a kuoma’n na samzang khat chau le mansak lo ding na hiu hi,” a ti a.

LUKE 21:18

Himahlele, na luchang u a na samzang khat u le mangthai puo’n a.

2 SAMUEL 14:11

Chun, numei chun, “Hepu, ka inkawte ka chapa thihna zieka phuba lâkna mawhpuo chengcheng chun ka chapa dangte that a thil gilo lienzaw sem a hih loh na dingun Lalpa na Pathien kawmah ngên in,” a ti a. Chun, David in, “Na chapa samzang khat le tuol ah kie puo’n a, ti’n Lalpa hing zing min salin ka gen hi,” a ti a.

1 LENGTE 1:52

Chun, Solomon chun, “Mi taksan um tak a hihna a suklat phawt chun a samzang khat chale tuol ah kie puo’n a; amahvang chuh, lungthimsie a nei hi tih hetna a um chun thi tei in a,” a ti a.

2 KORINTH 6:1

Chun, kei u hi Pathien naseppihte ka hiu a, chun, nang u chun, Pathien hehpihna chuh bangmahlo a na kawih mai lohna dingun ka hun nget na hiu hi.

MATTHAI 10:30

Himahleh, na luchang u a na sam zang khat cha nasan le sim suok a puo.

THUPHUON 19:14

Vana sepaihte chun patngat puon ngim tak, vam tak silh in, sakawl kâng chunghaw a chuh chu’n a zui uh a.

THUPHUON 17:14

Ziete haw chun Belamno chuh do un tin; himahleh Belamno chun, a telte, leh amah nungzui ginumte chu tawh amau chuh zo unau; amah chuh Lalte Lal leh, Lengte Leng a hih ziekin,” ti’n.

NASEPTE 21:19

Chun, Paul in amau haw a chibai zawhin, a zenvielna Pathien in manga, Jentel te laka thil a hihsak cheng chengte chuh, a din a den in a gen a.

NASEPTE 15:12

Tichun, mi chengcheng chuh a thip kêi tau a, Barnabas leh Paul in, Pathien in amau manga Jentel te laka melchikna leh thilmak a hih thute a gen sung cheng u chuh a ngaithau a.

1 KORINTH 3:9

Kei u chuh, Pathien naseppihte ka hiu a, nang haw Pathien lo ma chuh na hiu ui. Chun, Pathien insakte le na hiu hi.

ROME 15:18

Jentel te. Pathien thu zawp ding leh, thunung dinga puihna dinga Krista’n keimah manga, a thilhihte chuh hangsan takin ka gen ngam ahi.

NASEPTE 14:27

Tichun, Antiokei khuo a tun nung u chun, Sapchuom mipite chuh a sam khawm u a, Pathien in amau haw manga thil a hih cheng chengte leh, Jentel te dinga taksanna kawt a hawn sak ziehaw chuh a gen u a.

ISAI 13:3

Lalpa ngêi chun a mi suon-um leh a sepaih ginchak takte chuh kidona thiengtho do ding leh, a chunga lungnate gawt dingin a sam dawk tai.

NEHEMIA 9:27

Zieziekchun, amau haw sugimthei dingin a melmateu khut ah na pie a; a lungkham lai u a a hun sap u khan van apat in na ngaitha a; tichun, na lainatna lien tak chun a melmateu laka hukdawk ding in mi na pie a.

2 KHANGTHUBU 19:11

Chun, ngaiun, Lalpa lam thu taphawt achun thiempu lalpen Amaria chu na lawiupau ahi a; chun, gamsung vaihawmna lam thu cheng achun Judate inkuon chunga vaihawm Ishmael chapa Zebadiah a hi: Levi te le na lawiupau ahiu ui ti’n. Hangtak in hih unla, Lalpa’n miphate umpih ding ahi,” ti’n thu a pie a.

1 SAMUEL 19:5

A thih ding lam lam gel lo in Philistia pa kha a that a, Lalpa’n Israel te chengcheng hukdamna lopitak a sep dawk sak ta a: zie chu nangin le na mu a na kipahpih mah mah kha la; zieziekchun zie tawbang mi pawikhawih lo chung achun bang pên ziek in em thil na hih khelh a, a ziek bangmah umlo a David chu na thah ding?” a ti a.

1 SAMUEL 14:23

Khutichun zie ni chun Lalpa’n Israel te chu a hukdawk a, Bethaven khel lam tung hielin a kido pek tau a.

1 SAMUEL 14:46

Ziephet chun Saul in Philistia te a delh chu a haihsan ta a; chun, Philistia te chu amau mun lam ah a chieh tau a.

1 SAMUEL 11:13

Chun, Saul chun, “Tuni khelkhel hin vang kuomah suklup ding ahi puoh ie; tuni hin Lalpa chun Israel te lak ah hukdamna a hun siem dawk ta ngâla,” a ti a.