1 SAMUEL 14:37 - PATHIEN LEKHABU THIENGTHO (BSI)

³⁷ Chun, Saul chun “Philistia te ka va do ding um? Israel te khut ah na pie die?” ti’n Pathien a dawng a. Himahlele, zie ni chun a dawng puoh a.

1 SAMUEL 14:37 ပူးပေါင်းရင်းမြစ်များ

1 SAMUEL 28:6

Chun, Saul in Lalpa a dawng a, ahih ziekin Lalpa chun mang ahim, Urim ahim, thiemgau ahim mang in a dâwng ta himhim puoh a.

1 LENGTE 22:15

Khutichun leng kawm a va tun chun, leng chun a kawmah, “Mikaiah, Ramoth-gilead do dinga va kuon ding ka him, va kuon lo ding?” a ti a. Mikaiah chun a dâwng a, “Va kuon inla, va lawhting in, Lalpa’n leng khuta pie ding ahi,” a ti a.

1 LENGTE 22:5

Chun, Jehoshaphat chun Israel leng kawmah, “Tuni hin Lalpa thu hungaih tadih in,” a ti a.

2 SAMUEL 5:23

Chun, David in Lalpa a vak dawt kit leh amah chun, “Va chieh to ki’n; a nung lam u ah chieh huol inla, thingtheimi kung zawn haw akhun va do in.

2 SAMUEL 5:19

Chun, David chun, “Philistia mite do dingin ka va chiehto die? Ka khut ahin amau haw chu nei pie dem?” ti’n Lalpa a dawng a. Chun, Lalpa chun David kawmah, “Va chieh to in; Philistia mite chu na khut ah hun pie ngêi ngêi ding ka hi,” a ti a.

1 SAMUEL 23:4

Ziephet chun, David chun Lalpa chu a dawng kita. Chun, Lalpa chun a dâwng a, a kawmah, “Kipan inla, Keilah khuo ah chieh suk in, Philistia te chu na khut ah hun pie’ng ka,” a ti a.

EZEKIEL 20:3

“Mihing chapa, Israel upa haw chuh va hopih inla, a kawm u ah, ‘Lalpa Pathien chun hiti hin a tii: Thu ei dawng dinga hung na hiu hi? A hing zing takzet ka hih guol hin, nang haw thu kidawtsak lo takzet ding ka hi’, Lalpa Pathien chun a tii,” ti’n.

1 SAMUEL 10:22

Khutichun Lalpa chu a dâwng kit u a “Mipa chu zie hin a hung hi?” a tiu a. Chun, Lalpa chun a dâwng a, “Ngaitiem u, thuomphuo laka amah leh amah kisel ahi,” a ti a.

VAIHAWMTE 20:28

Aron chapa Eleazar chapa Phinehas chuh a enkawl in a pang a). Mipite chun, “Ka suohpih pau Benjamin suonte chuh ka do kit ding um, ka haihsan mai ding um?” ti’n Lalpa a dawng u a. Chun, Lalpa’n, “Va do kit un, zing leh chuh na khut u a hun pie ding ka hi tai,” a ti a.

VAIHAWMTE 20:18

Chun, Israel chate chuh a kipan u a. Bethel ah a chieh to u a, Pathien a dawng u a, “Benjamin suonte do ding a chieh masa ding kuo a?” a tiu a. Chun, Lalpa’n, “Juda chieh masapen hen,” a ti a.

VAIHAWMTE 1:1

Chun, hiti hi a hung hi a, Joshua thih nung chun Israel chate chun, “Kanaan mite do dinga kei uh thasang a va kuon masapen ding kuo a?” ti’n Lalpa a dâwng u a.

1 SAMUEL 23:2

Tichun David chun, “Zie Philistia mite chu ka va do dem?” ti’n Lalpa a dawng a. Chun, Lalpa chun David kawmah, “Philistia te chu va do inla, Keilah khuo chu va humbit ah,” a ti a.