1 SAMUEL 14:20 - PATHIEN LEKHABU THIENGTHO (BSI)

²⁰ Khutichun Saul leh a kawma mipi umte chengcheng chu a chieh khawm u a, kidona achun a chieh tau a; chun, ngaitie, amau leh amau chemzâm in a kisattuoh lak lak zieng tau a; a buoi in a pheng buoi tau a.

1 SAMUEL 14:20 ပူးပေါင်းရင်းမြစ်များ

2 KHANGTHUBU 20:23

Ammon te leh Moab sepaih te chun Seir tânga cheng te chu a do u a, nasa takin a that u a, a suchimit vek tau a, Seir tânga mite a thah zawh phet u chun, amau leh amau kisumang dingin a kisuol tau hi.

VAIHAWMTE 7:22

Chun, mi zathum te chun pengkun a vak mût phet u chun, Lalpa’n a melmateu sepaih haw chuh amau leh amau chemzâm in a kisattuoh sak ta a; tichun, sepaihte chuh Zerara lama Beth-shita tiengin, Tabath kienga Abel-meholah gamgi tiengin a taisie tau hi.

ISAI 19:2

Chun, Aigupta mite chuh, Aigupta mite mah do dingin chawktho ing ka ting, tichun, mitin in amah suohpih do in, mitin in amah invengte do in, kikâp un au; khuo leh khuo kido untin, gam leh gam kido un au.

1 SAMUEL 14:16

Chun, Benjamin gama Gibeah a Saul sepaih gâlvengte chun a vak gâl et u leh, ngaitie, mipite chu kibawhpai lem lum khawp in lehlam lehlam ah a taizak gui gui mai tau a.

EZEKIEL 38:21

Ka tâng chengcheng ah Gog dona dingin chemzâm sam khawm ing ka ting, mi cheng chemzâm chun a suohpihpa do ina, Lalpa Pathien chun a tii.

1 SAMUEL 9:16

“Zing leh tuhun vel hin Benjamin gam a pat in pasal khat hun sawl ding ka hi a, ka mi Israel te chunga lawiupa hiding in thau nuh in na tin, amah chun Philistia mite khuta pat in ka mite hukdam ina: a kiko thawm uh ka kawm ahung tun tâk ziekin ka mite chu ka ngaihsak ahi,” ti’n ana gen ta a.

1 LENGTE 20:21

Chun, Israel leng Ahab chu a va pawt a, sakawl leh kangtalaite chuh a va do a, a va that lemlum zieng ta a.