1 SAMUEL 13:7 - PATHIEN LEKHABU THIENGTHO (BSI)

⁷ Hebrai mi khenkhat vang chu Jordan kan in Gad leh Gilead gam ah a tai u a; Saul vang chu Gilgal ah a um zinga, mipite chun lau a kilîng kawmin a zui uh a.

1 SAMUEL 13:7 ပူးပေါင်းရင်းမြစ်များ

THIEMPUDANTE 26:17

Nang haw hun do ing ka ting, zawhin um un na tin uh, nang haw hun mudahte’n na chungu ah vaihawm un au; tiza mah mah un na tin uh, kuomah delh loh in taisie’n lau.

DAN NIHNA 20:8

“Lawiupate chun mipite kawm achun, ‘A lau leh a lungkie na um u? A In lam ah chieh kit hen a unaute le a lungkiek lohna dingun,’ tih beh nalai u hen.

DAN NIHNA 28:25

“Lalpa chun na melmateu zawh dingin hun siem intin; amau va do dingin lampi khat hawh in kuon in na tin un, a mau ah lampi sagih ah taizak inlau; lei chunga gam tin cheng ah thehzak in um inlau.

DAN NIHNA 3:12

Zie chung khan zie gam chuh I luoh u a; Amon phai guom panga Aroer mâllam gam cheng chuh, Gilead tânggam kimkhat leh a sunga khawpi chengcheng pum in, Reuben suonte leh Gad suonte chuh ka pie a;

JOSHUA 13:11

Chun, Gilead gam leh Geshur te leh Maakah te gamgi chin leh Hermon tâng chengcheng leh Bashan gam chengcheng, Salekah khuo tiengin;

JOSHUA 13:8

Chun, Manasseh nam kimkhatte leh Reuben namte leh Gad namte chuh Jordan suohlam panga khan a chanvo dinguh Mosi’n a piek chuh a na chang tau a, Lalpa suok Mosi ngêi in a na piek tâk bang khan.

VAIHAWMTE 7:3

Zieziekchun, mipite zak ah, ‘Na lak u a kuole lau leh kilîng ta chuh vaikit henla, Gilead tâng akipat hin vaikit u hen,’ ti’n,” a ti a Ziephet chun, mipi singnih leh sangnih a vaikit tau a, singkhat a um nalai u a.

1 SAMUEL 13:8

Samuel in a na guot dungzui in ni sagih a na ngaka; himahlele Samuel chu Gilgal achun a hung ta puoh a; tichun mipite chun a taihzak san tau a.

1 SAMUEL 17:11

Chun, Saul leh Israel sepaihte chengcheng chun zie Philistia pa thugen chu a het phet un a taisieua, a lau mah mah mai tau a.

1 SAMUEL 31:7

Chun, guom gâl langkhat lama Israel mi um, te leh Jordan khel lama umte’n, Israel sepaih haw chu a taisieua, Saul leh a chapate le a thiu hi tih a het phet u chun khuo haw chu nusieh in a taimang tau a; chun, Philistia te chun a va luoh tau a.