1 SAMUEL 13:6 - PATHIEN LEKHABU THIENGTHO (BSI)

⁶ Chun, Israel te chu nawhdawng in a um ui tih a kihet phet u chun, (mipite chu a lungdawng mah mah ngâl u a) mipite chu kâwlhâwm haw, hambawk lak haw, suongpi pang haw, kulh haw, kawkhuk haw poh ah a kisel u a.

1 SAMUEL 13:6 ပူးပေါင်းရင်းမြစ်များ

VAIHAWMTE 6:2

Chun, Midian te chuh Israel te sang chun a hung hatzaw tau a, tichun, Midian te lauh ziekin Israel chate chuh tânga kawkhukhaw leh kawlpuk haw achun a kisel tau a.

HEBRAI 11:38

Ziete haw ding chun khawvel hi umna hâwi a hi puoi! Gâltai bang mai in, thalek leh tânghaw achun a vak viel viel u a; kawlpûk haw leh kawkhuk haw achun a cheng sek uh a.

PHILIPPI 1:23

A kal lak a hin a lawhna helo a um mai ka hi; chieh dawka Krista kawma um nawpna ka neih ziekin, zie chuh a pha zaw mah mah ngâl a.

ISAI 42:22

Himahlele, a mite chuh suoma um leh, guom sunga kie tha a hi vek uh a, suongkul a sel mang in a um u a; lâksak leh puok mang in a um u a; a panpih ding khat chale a um puou hi.

2 SAMUEL 24:14

Chun, David chun Gad kawmah, “Dinmun tizat-um tak mah ah ka ding a, ka lung a zing mah mah zieng a; Lalpa khut ah puklut phawt mai leng; a zahngaihna chu a nasa mah mah mai ngâla. Mihing khut achun vang ei puklut sak dah tei tei in,” a ti a.

1 SAMUEL 24:3

Chun, lampi a belam huong haw umna chu a va tung a; zie chun kâwlhâwm le a um a, Saul chu kihuihthah dingin a luta. David leh a mite chu zie kâwlhâwm sung lama chu um ahiu a.

1 SAMUEL 23:19

Ziephet chun, Ziph mite chu Gibeah a Saul kawm achun a chieh to u a, “David chu ka kawm u ah, Jeshimon sim lama Hakilah tânga Horesh a kulh haw a kisel zing hilo ahim?

1 SAMUEL 14:11

Chun, a nih un Philistia sepaihte panmun a umte chu a va kimuhsak u a: chun, Philistia te chun, “Entiem u, Hebraite a kiselnau leihawm apat ahung pawt veu,” a tiu a.

VAIHAWMTE 20:41

Tichun; Israel chate chuh a hung kihei phet u chun, Benjamin suonte chun lamdang a sau a; a chung u a thil phalo hung tung ding ahi tih a he tau a.

VAIHAWMTE 10:9

Chun, Amon suonte chun Judate, Benjamin te, Ephraim suonte do dingin Jordan gâl a va kai u a; tichun Israel chate chuh a lungkham mah mah tau a.

JOSHUA 8:20

Chun, Ai khuo mite’n a nung lam u chuh a vak et u leh, ngaitie khawpi chuh meikhu van lama khu to vuohvuoh in a mu tau a, a khawilam lam ale taih theihna a nei ta puou a;

1 SAMUEL 7:7

Chun, Philistia te chun Mizpah a chun Israel te a kikhawm ui tih a het phet un Philistia lengte chu Israel te do dingin a kuon to uh a. Chun zie chuh a het phet un Israel te’n Philistia mite chu a lau u a.

1 SAMUEL 13:15

Chun. Samuel chu a kipana, Gilgal apat chun Benjamin gama Gibeah khuo ah a va chieh ta a. Chun, Saul chun a kawma mipi umte chu a sima zagup vel ahiu a.

1 SAMUEL 14:22

Zie tawbang mah chun Ephraim tâng gama Israel mi kiselgute chengcheng khan le Philistia te a taisieu hi tih a hun het phet un, kidona a chu hung pang in hah delh in a delhzui pih tau a.

JEREMIA 41:9

Chun, Ishmael in Gedala tawh a thah khawmte luong a paihnau kawkhuk chu leng Asa’n Israel leng Baasha a lauh ziek a a laih ahi. Nethania chapa Ishmael in zie chuh a mithahte luong in a sudim a.

EZEKIEL 33:27

“Hiti a hi a kawm u a na gen ding ahi, ‘Lalpa Pathien chun hiti hin a tii: A hi’n a ka hin sung chuh, khawpi siesa nunga umte chuh chemzâm in puk tei tei intin un, gamtalai-laka umte chuh gamsate nêk zawh dingin pie’ng ka ting, kulhpi leh kâwlhâwm sunga umte chuh hipi’n thi’n au.

1 SAMUEL 31:7

Chun, guom gâl langkhat lama Israel mi um, te leh Jordan khel lama umte’n, Israel sepaih haw chu a taisieua, Saul leh a chapate le a thiu hi tih a het phet u chun khuo haw chu nusieh in a taimang tau a; chun, Philistia te chun a va luoh tau a.