1 SAMUEL 13:5 - PATHIEN LEKHABU THIENGTHO (BSI)

⁵ Chun, Philistia mite chu Israel te do dingin a kikhawm khawm tau a; kidona kangtalai singthum, sakawl chung chuthiem sang gup leh sepaih tuisuohgiet panga pîlnel zah hiela tam ahiu a: a hung kuon to u a Beth-aven suohlam a Mikmas ah panmun a khawh tau a.

1 SAMUEL 13:5 ပူးပေါင်းရင်းမြစ်များ

1 SAMUEL 14:23

Khutichun zie ni chun Lalpa’n Israel te chu a hukdawk a, Bethaven khel lam tung hielin a kido pek tau a.

JOSHUA 11:4

Chun, a sepaih haw chengcheng leh mi tamtak, a tam zieu chuh tuisuohgiet panga pîlnel zah hiel ahiu a, sakawl leh kangtalai tamtak tawh a kuon dawk tau a.

JOSHUA 18:12

Chun, mâllam panga a gamgiu chuh Jordan apat in ahi; chun, gamgi chuh Jerikoh pang ah mâllam pang ah a chieh to zel a, chun, tumlam panga tâng gam ah a chieh to zel a; chun, gamgi chuh Beth-aven gamthip ah a tâwp hi.

HOSEA 10:5

Samari khawpi a chêngte chuh lau untin, Bethel a bâwngno lim um tâk loh ziek chun nasa takin lungkham un au. Amau haw leh thiempu, milim nasemte chuh kap un au. A sanateu, a lopinateu chuh paihthaka a um tieng chu leh lungkham in mau un au.

HOSEA 5:8

Gibeah khuo achun kidona pengkun mût unla, Ramah khuo achun kigalginna chuh mût un: Bethel achun lauhna aw suoh unla. Kidona achun lut in aw Benjamin te haw!

HOSEA 4:15

“Israel, nang chun nawhchizuok chîng mah leh chin, Juda vang chuh gilo kihen; Gilgal ah Pathien ho ki’n la, Bethel ale va chieh to diek kiu unla, ‘Lalpa a hin zing bang hin,’ ti’n le kipautiem diek kiu in.

JEREMIA 15:8

Luipi pîlnel sanga tamzaw’n a meithai teu hih pung ing ka ting, a tangvalteu chuh a vanglai tak un a hihsie ding sun lai takin sawl ing ka ting; a nuteu chung achun lunggimna leh tizatna a chunguh ah thakhat in ka tunsak ta a.

ISAI 48:19

Na suonteu chuh luipi pîlnel banga tamin um untin; chun, na suonlepak teu chule suongchang guola tam hung hiu in tin, amin u chuh thaihmang hita puo’n tin, ka masang apat hin sukmangthai in um ta puo’n au,” ti’n.

2 KHANGTHUBU 1:9

Tuhin aw Lalpa, ka pa David kawma na thutiem kha sukpitit hi hen la; leia leivui zah hiela tam mipite chung ahin leng in nei siem ta ngâl a.

VAIHAWMTE 7:12

Chun, Midian te, Amalek te leh khawsak chate chengcheng chuh phaicham achun khaupe bang mai in a hawn in a um u a, a sangawngsau teu chuh simsen guolloh in tuisuohgiet panga pîlnel bang hiel in a tam a.

JOSHUA 7:2

Chun, Joshua’n Jerikoh khuo a pat in Bethel suohlam Beth-aven kawma Ai khuo achun mi a sawl a, a kawm u ah, “Va chieh unla, gam hun en tiem u,” ti’n a gen a. Chun, mite chuh a va chieh to u a, Ai khuo chuh a va enthau a.

THILSIEMBUL 22:17

Vana aksi zah leh tuisuohgiet panga pîlnel zah in na suonte chuh hun supung ngêi ngêi ing ka, tih leh, na suonte chun a melmateu kulh kawtkhak bul chanin luoh in au.

ROME 9:27

Isai inle Israel mite thu kikopih in, “Israel mite chuh tuisuohgiet pîlnel zat in tam mahleu le, a gawt mâwkte mai chuh hukdam in um un au.

1 SAMUEL 7:13

Khutichun Philistia mite chu a guollah tau a, Israel te gamsung achun a lut kit kha ta puou a; chun, Lalpa khut chun Samuel damsung cheng Philistia mite chu a dal zing ta a.

1 SAMUEL 13:2

Chun, Saul chun Israel mi sangthum a teldawk a; sangnih chu Mikmas leh Bethel tâng gam ah Saul kawmah a um u a, chun sangkhat chu Benjamin gama Gibeah ah Jonathan kawmah a um u a, chun, adang chengcheng chu a In lam chiet u ah a sawl kit veka.

1 SAMUEL 13:11

Chun, Samuel chun, “Bang ana hih na hi ta?” a ti a. Chun, Saul chun, “Mipite chun ei chiehmang san tau a, nang chulah ni tep sung chun na hung ta puoh a, chun Philistia te chulah Mikmas ah a kikhawm khawm luilui zieng tau a.

1 SAMUEL 17:1

Chun, Philistia te chun kido dingin a sepaihteu a sam khawm u a; Juda gama um Sokoh ah a kikhawm khawm u a, Sokoh leh Azekah kikala um Ephes-Dammim mun ah panmun a khawh u a.

2 SAMUEL 17:11

Kei lemguot dân chu a hih leh Israel mite chengcheng chu Dan apat in Beer-sheba tieng hielin tuisuohgiet a pîlnel zah hiel in na kawmah kisamkhawm suok henla; chun, kido na achun nangmah ngêi le va chieh inla.

1 LENGTE 20:27

Chun, Israel chate chu a kisim u a, nek dingte a lakhawm u a, do ding chun a kuon tau a; Israel chate chuh kelno tawmcha hawn nih bang phetin a ma âng u ah a va kikulh uh a; Suria te vang chuh a gam a gam in a dim uh a.

ISAI 10:28

Melma sepaihte chun Ai khawpi a lau a, Migron khuo a hawhpai u a! A thuomphuo teu chuh Mikmas ah a nusieh u a!

1 SAMUEL 14:52

Khutichun, Saul damsung chengcheng chun Philistia te tawh nasatak mai in a kido sek u a; chun, Saul chun mi thahat ahim, mi hangsan ahim a muh taphawt chuh a la zel sek hi.