1 SAMUEL 12:21 - PATHIEN LEKHABU THIENGTHO (BSI)

²¹ bangmah a mattheihloh, hun panpih thei leh hun hukdawk thei le hilo zui in petsan kiu in, bangmahlo ahi ngâl u a.

1 SAMUEL 12:21 ပူးပေါင်းရင်းမြစ်များ

HABAKKUK 2:18

Milim pathien hih bang phatchuomna ahi? A siemtu chun a lim a siem ahi a; dangkati te sulsul a kisung; lepchieh sinsak mai ahi a; A siempa chun a thilsiem chuh aleh-ginchak a, milim pau theilo ahi ngâla.

JEREMIA 16:19

“Aw Lalpa ka hatna leh ka kulhpi, lungkham ni a ka kihumbitna; kâwlmawng apat in namte hung u’ntin, kei uh ei suonte chun lepchieh thil panna bei; phatchuomna neilo tihloh chuh bangmah goluoh a nei puou hi,” hung ti’n au.

JEREMIA 10:15

Bangmah lo mai ahiu a, kithep na maimai ahiu hi. Gawt a hih tieng u leh mangthai vek un au.

JEREMIA 14:22

Nam dangte pathien lak ah guoh zuk sak thei a um u? Ahihleh, van in guohpi a zuk sak thei hi? Zie thil haw chengcheng hi nang hih hilo ahi? Nang achun ka kinepnau ka nga ngâl u a.

DAN NIHNA 11:16

Chingthei takin um un, khutilochun, na lunggil u chuh thep in um intin, petmang in, pathien dang haw na sema ho in um kha’n lau.

1 KORINTH 8:4

Chun, milimte kawma thillat nek thu achun: vannuoi ahin milim chuh bangmah ahih loh zieu leh, Pathien khat chauh a um hi tih I heu hi.

JONA 2:8

Bangmahlo mai milim hote chun nanga a ginumnau chuh a haihsan tau a!

JEREMIA 2:13

Ka mite’n thil phalo nih a hih ta ngâl u a, kei hinna tuikhuk ei taihsan u a; tui kitin na ding tuikhuk a lai u a, a tuikhuk laih u chuh a khi, tui kiting theilo ding chuh!

ISAI 46:7

A liengko u a kawih dawkin a puu a, mun khat ah a kawih uh a; zie chun a ding a, himahleh, a umna mun apat chun a kichawn thei puoi. Mite’n amah chuh sam mahleu, a dâwng thei puoh a, a buoinau apat in le a hukdawk thei diek puoi.

ISAI 45:20

Namtin laka suokcha sunte haw, hung khawm unla, ei hun naih tiem u! a suokcha sunte haw, nangmau haw chiet ki-enchien dingin hung khawm un! Thing milim siemkawm kichawih a, hukdam theilo hiel pathien kawma paucham te chun bangmah a he puou ui!

JEREMIA 10:8

Amau chuh mi mawl leh mingawl ahiu a, milim pathien teu apat chun ngawlna a sinsak u a.

JEREMIA 2:5

Lalpa chun hiti hin a tii: “Na pileputeu in kei ahin dikloh na bang a muu hi? Kei apat in gamla tak ah a chieh mang u a; thil thulimlo a delh u a, bangmah lo mai a hung hih u hi,

ISAI 41:29

Ngaiun, kithepna maimai ahiu a; bangmah hihtheih a nei puou a, a milim pathiente chuh bangmahlo leh hawmngawn ahiu ui,” ti’n.

DAN NIHNA 32:21

Pathien hilo thil in ei chawk thikthusieu a, A milim pannabei hawu in ei chawk lungnau hi. Nam le ting lote mang in a thikthuu susie’ng ka ting; Nam ngawl tak mang in chawk lungna’ng ka.

NASEPTE 14:15

“Pute haw, ziehaw hi bang dinga hih? Kei u le, na nungchang bang uh pu mihiem ka hiu a puo! Zie thil manloh haw hi nungngat a, van te, lei te, tuisuohgiet te leh, a sunga um chengcheng tawh siempa, Pathien Hing lam na hung ngat theihna dingun, Chanchin Pha ka hun tut na hiu hi.

DAN NIHNA 30:17

Ahih ziekin, na lungthim un, a kiheimangsan a, na limsak loh u a, pathien dang haw ho ding leh a nau sem dinga hîp mang a, na um u chun,

2 LENGTE 17:15

Chun, a thuguot te, a pileputeu kawma a thugawlhte, a kawm u a a thu hetsakteu chuh a khawksa nuom puou a; thil manloh maimai a pawm u a, bangmahlo mai a hung hi tau a; a chungchâng thuu a Lalpa’n, “Na kimvel u a namte hih bang chun hih kiu in,” a na tihsa, namte hih dân chu a zui u a.

JONA 2:9

Himahleh, ken vang, na kawmah kipah thugen ing ka, Na kawmah kithawihna lân ing ka ting: ka thutiem chuh hih guitung ing ka. Hukdamna chuh Lalpa a ahi ngâl a!” ti’n.