1 SAMUEL 12:20 - PATHIEN LEKHABU THIENGTHO (BSI)

²⁰ Chun, Samuel chun mipite kawm achun, “Laukiu in, zie thil phalo tak hi na na hih ngut tau a, ahihziekin Lalpa na zuihnau apat hin petmang kiu inla, na lungthim chengcheng un Lalpa na chu sem zawu in;

1 SAMUEL 12:20 ပူးပေါင်းရင်းမြစ်များ

DAN NIHNA 11:16

Chingthei takin um un, khutilochun, na lunggil u chuh thep in um intin, petmang in, pathien dang haw na sema ho in um kha’n lau.

1 PETER 3:16

Zie chuh nunnem tak leh zah tak kawmin hih un. Na sielepha hetnau chuh thieng takin vawp zing un, tichun, Krista nungzuite na hihna ziekuh a, na umdan phateu a hun gensietnau a chuh, a hun gensiete chuh sukmuolpho a a um theihna dingun.

JEREMIA 3:1

“Mi’n a zi ma hen la, amah taihsan in pasal dang nei leh; a pasal masa chun a na pawm kit dem? A gam chuh buok lawh hiel lo ding ahim? Nang chuh tamtak kawmah nawhchizuok bangin na khawsa a; khutisa chun ka kawmah na hung vaikit die? tih hi Lalpa kamsuok ahi.

SAM LEHKHABU THE PSALMS 125:5

Himahleh, a lampi kawina haw a kiheimang te vang chu, Lalpa chun thil hihkhielte chu tawh gawt khawm in a. Israel chung achun thamuonna um hen.

SAM LEHKHABU THE PSALMS 101:3

Thil phalo mawng mawng ka mitmuh achun kawih puo’ng ka: Chieh pet haw thilhih chuh ka haw a; Keimah ahin bek puo’n a.

SAM LEHKHABU THE PSALMS 40:4

Lalpa chuh muon bulpi pena nei a, Kiletsak te lama kiheilo a, pathien diklote zui lo mi chuh a hamphau hi.

JOSHUA 23:6

Zieziekchun, Mosi Dan lehkhabu a zik chengcheng haw hih changlam ahim, veilam ahim a na petsan loh na dingun chingthei tak leh hangsan takin pawm unla, hih un;

DAN NIHNA 31:29

Ka thih nung leh nasa takin kihihsieu in na tin, ka thupiek lampi apat hi petmang ding na hiu hi tih ka he ngâla; chun, tunung lam vangvang leh na chung u ah thil phalo hung tung ina; nangmau thilhih ngeia amah chuh châwk lungna a Lalpa mitmuh a thil phalo hun hih ding na hih ziekun,” ti’n, thu a pie a.

PAWTDAWKNA 23:25

Chun, Lalpa na Pathien u hi nei ho u chun, na chângthâk u leh na tuiteu chuh vangsak ing ka ting; chun, na lak u apat in natna lamang kêi ing ka.

PAWTDAWKNA 32:30

A zing chun Mosi’n mipite kawm achun, “Thil gilo huoisie tak mai na na hih tau a. Himahleh, tângah Lalpa ma ah va chiehto ing ka; na gitlohnau ahin ngaihdamna ka va siem thei kha mawh die,” a ti a.

1 SAMUEL 12:19

Chun, mipite chengcheng chun Samuel kawm achun, “Ka thih lohna dingun Lalpa na Pathien kawm achun na suokte dingin ngên in: zie thil phalo tak, leng ka na nget u hin ka gitlohna chengcheng uh behlap ka na hi tau hi,” a tiu a.

DAN NIHNA 10:12

Khaile, Israel mite haw, na laku a Lalpa na Pathien un a ngek chuh bangmah dang ahi puoh a, na phatna dingu a Lalpa na Pathien u lau a, a lampi chengcheng chuh hawh a, amah hehpih a, na lungthim chengcheng u leh na lunggil chengcheng u a Lalpa na Pathien na chuh sema,

1 KHANGTHUBU 28:9

“Chun, nang ka chapa Solomon, na pa Pathien chu na Pathien hi hen la, lunggil phabukim leh lungthim lawp takin a na chu sem in. Lalpa chun lunggil a en sek a, lunggil a tupte chengcheng chu a he suok hi. Amah na hawl chun mu’n na tin, na kihei mangsan chun kumlekhuo’n hun paih tha’na.

HAGGAI 2:5

Aigupta apat a na hung pawt lai u khan le, na kawm u a um zel ding ka hi tin ka hun thutiem sa bang khan na lak uh ah ka thagau a cheng zing hi, lau kiu in.