1 SAMUEL 12:19 - PATHIEN LEKHABU THIENGTHO (BSI)

¹⁹ Chun, mipite chengcheng chun Samuel kawm achun, “Ka thih lohna dingun Lalpa na Pathien kawm achun na suokte dingin ngên in: zie thil phalo tak, leng ka na nget u hin ka gitlohna chengcheng uh behlap ka na hi tau hi,” a tiu a.

1 SAMUEL 12:19 ပူးပေါင်းရင်းမြစ်များ

PAWTDAWKNA 9:28

Lalpa kawmah ngên un, zie van gi dul dul leh giel haw hi a hun tai; tichun nanguh hun pawtdawk sak ing ka ting, um sawt ta puo’n lau,” a ti a.

1 JOHAN 5:16

Kuo’n le a suohpih, thihna kham hilo gitlohna hihin mu ta leh, nget sak intin, tichun, Pathien in a ngen pa kawm achun, thihna kham hilo gitlohna hihpa ding, chun hinna pie’n a. Thihna kham gitloh a um a, khutibang lam achun a nget sak ding ka tih ahi puoi.

1 SAMUEL 12:23

Zie mai chule hilo in kei ding vangin, nang haw dinga paucham haihsan a Lalpa chunga gitlohna hih ding chu thil hithei lo hiel ahi; lampi pha leh dik chu hun kâwkmuh zel zaw’ng ka.

PAWTDAWKNA 10:17

Khutichun, ka gitlohna hi tuchung mai hin ei ngaidam un, ka hun nget na hiu hi, zie thihna hi ei lâkmang sak dingin Lalpa na Pathien u kawm achun ngên un,” a ti a.

JAKOB 5:15

Tichun, taksanna zieka pauchamna chun damlo chuh hihdam intin, Lalpa’n amah chuh dam sak kit intin; chun, gitlohna a na hihte chuh, ngaihdam sak hi’n a.

NASEPTE 8:24

Chun, Simon in, “Na thil gen u hi ka chunga bangmah a tun lohna dingin, nangun Lalpa kawmah ei paucham sak un,” ti’n a dâwng a.

MALAKI 1:9

Tuhin, nang haw, thiempute, Pathien chuh I chung u a pha dingin ngên un la, bawl tiem u! Na pauchamna teu dâwng puo’n tin. Zie chuh nangmau haw dikloh hi ding ahi, Lalpa chun a tii.

JEREMIA 15:1

Chun, Lalpa chun ka kawmah hiti hin a gena, “Mosi leh Samuel ka masang ah hung ding mahleu le; ka lunggil in zie mite lam hi nga diek puo’n a. Ka muh phakloh in nawhdawk inla, chieh mang u hen!

ISAI 26:16

Aw Lalpa, a lungdawn lai un a hun hawl u a, na mite chuh na thunun tieng leh na masang ah a paucham sek ui;

JOB LEHKHABU THE BOOK OF JOB 42:8

Khutichun, tuhin bâwngchal sagih leh belamchal sagih keng in ka suok Job kawm achun chieh unla, nang u a dingin hâlmang kithawihna va siem unla. Khutichun ka suok Job chun hun paucham sak intin, zie chuh a na pawm ing ka ting, na ngawl dân tak u chun hun thuk puo’ng ka. Ka suok Job guolin ka chungchâng thu dik takin na gen puoh ngâl u a,” a ti a.

1 SAMUEL 7:8

Tichun, Israel te chun Samuel kawmah, “Philistia mite khut apat ei hukdam dinga Lalpa ka Pathien uh nei sap sak chu hai ki’n,” a tiu a.

1 SAMUEL 7:5

Chun, Samuel chun, “Israel te chengcheng chu Mizpah ah samkhawm unla, Lalpa kawmah hun paucham sak ing ka,” a ti a.

THILSIEMBUL 20:7

Khutichun, tuhin mi zi kha piekit in; amah chuh thiemgau ahi ngâl a, hun paucham sak intin, chun, hung dam inla: na piek kit loh le vang thi tei inla tih he’n nang leh na mite chengcheng tawh,” a ti a.

KISIMNA 21:7

Mipite chuh Mosi kawmah a chieh u a, “Lalpa leh nangmah kalh a ka na pau tâk ziek u hin ka na gilo tau hi, gûl haw hi ka lak u apat sumang dingin Lalpa kawmah paucham in,” a tiu a. Khutichun mipite a ding chun Mosi chuh a paucham ta a.

1 SAMUEL 12:13

“Zieziekchun tuhin en un, na deih u leh na tel uh lengpa hi! Lalpa chun leng a hun siem sak na hi tau hi.

1 SAMUEL 12:17

Tuni hi buh-ât hun ahi paw maw? Van gitsak ding leh guoh zuk sak dingin Lalpa chu sam ing ka ting; tichun leng na nget u hi Lalpa mitmuh a nasa taka hihkhiel na hiu hi tih he’n na tin un, hun mu’n lau,” a ti a.

1 SAMUEL 12:20

Chun, Samuel chun mipite kawm achun, “Laukiu in, zie thil phalo tak hi na na hih ngut tau a, ahihziekin Lalpa na zuihnau apat hin petmang kiu inla, na lungthim chengcheng un Lalpa na chu sem zawu in;

JOB LEHKHABU THE BOOK OF JOB 37:13

Hilhgaihna ding ahim, a gam ziekin ahim, A hihloh leh lungsietna ziek ahim in a hun um sak ahi.

JEREMIA 27:18

Himahleh, amau chuh thiemgau ahi ngâl u a, Lalpa thu a kawm u a um ahih takzet chun Lalpa In leh Juda leng In leh Jerusalem a ûmlebel nutsieh a umte chuh Babulon a puoklut a hihloh na’n Sepaihte Lalpa kienga nget hi’n a.”

JEREMIA 42:2

Thiemgau Jeremia kawmah, “Na masanga ka nget nau hi pawm hi henla, kei uh zie a nutsieh a umte a ding hin, Lalpa na Pathien kienga ei paucham sak dingin ka hun ngên ui. Nei muh bang in mi tamtak laka pat in tawmchah mai nutsieh a um ka hi ngâl u a.

PAWTDAWKNA 32:30

A zing chun Mosi’n mipite kawm achun, “Thil gilo huoisie tak mai na na hih tau a. Himahleh, tângah Lalpa ma ah va chiehto ing ka; na gitlohnau ahin ngaihdamna ka va siem thei kha mawh die,” a ti a.

1 SAMUEL 8:6

Himahlele a kawma, “Vai ei hawmsak ding leng ei pie’n,” a tih thuu chun Samuel chu a sukipak lo mah mah a.

JEREMIA 37:3

Chun, leng Zedekia chun Shelmia chapa Jehukal leh Maaseiah chapa thiempu Zephania chuh thiemgau Jeremia kawmah a sawl a, “Lalpa ka Pathien kieng ah ei paucham sak ah,” a ti a.