1 SAMUEL 12:10 - PATHIEN LEKHABU THIENGTHO (BSI)

¹⁰ Chun, Lalpa chu a sam u a, ‘Lalpa chu I kinungheisan u a, Baal haw leh Asteroth haw na ka nasep ziekun ka na gilo tau ahi: himahlele ka melmateu khut apat hi ei hukdawk inla, tichun na na sem ing kau,’ a tiu a.

1 SAMUEL 12:10 ပူးပေါင်းရင်းမြစ်များ

VAIHAWMTE 10:10

Chun, Israel chate chun, “Ka Pathien u chuh ka na kihei mang san u a, Baal te na chuh ka nasep tâk ziekun na chungah thil ka hihkhiel tau hi,” ti’n Lalpa a sam u a.

VAIHAWMTE 2:13

Tichun, Lalpa chuh a kiheimang san u a, Baal te leh Ashtaroth te na chuh a sem tau a.

VAIHAWMTE 3:9

Chun, Israel chate chun Lalpa a sap phet u chun, Lalpa’n Israel chate hukdawk dingin Kaleb naupa Kenaz chapa Othniel chuh a hun pie ta a.

VAIHAWMTE 3:7

Chun, Israel chate chun Lalpa mitmuh in thil gilo a na hih tau a. Lalpa a Pathien u chuh a hengilh u a, Baal haw leh Ashtaroth na a sem tau a.

ISAI 33:22

Lalpa chuh I vaihawmpau ahi a, Lalpa chuh dân ei piepa ahi a; Lalpa chuh I leng uh ahi a, amah chun ei hukdam ina.

ISAI 26:16

Aw Lalpa, a lungdawn lai un a hun hawl u a, na mite chuh na thunun tieng leh na masang ah a paucham sek ui;

SAM LEHKHABU THE PSALMS 106:44

Khuti nasan chun le amah chun, a kiko husau a het tieng leh A lungkham u chu a limsak a:

1 SAMUEL 7:2

Chun, hiti hih ahi a, Kiriath-jearim a thuthun bawm a um sung chu sawttak ahi a, kum sawmnih hiel ahi: chun, Israel phung cheng chengin Lalpa lam chu a lunggulh kit tau a.

VAIHAWMTE 6:7

Chun, hiti hi a hung hi a, Midian te zieka Israel chate’n Lalpa a hun sap phet u chun,

VAIHAWMTE 4:3

Jabin chun thik kangtalai zakuo hiel a nei a; kum sawmnih sung chuh nunsie tak leh ningkhel takin Israel chate chung achun vai a hawma; ziephetchun, Israel chate chuh Lalpa kawmah panpihna ngên in a kiko tau a.

VAIHAWMTE 3:15

Himahleh, Israel chate chun Lalpa a sap phet u chun Lalpa’n Gera chapa Ehud, Benjamin chi, mi veilawng chuh amau haw hukdawk dingin a hun guot sak ta a; Israel chate chun Moab leng Eglon kawm achun thilpiekte leh sieh a pie tau a.

JOSHUA 13:31

Chun, Gilead gam kimkhat leh Bashan a Og lalgam a Ashtaroth te, Edrei te tawh; ziehaw chuh Manasseh chapa Makir suon, Makir suon kimkhatte dingin, a inkuon uh bang zel a guot ahi.

VAIHAWMTE 2:11

Chun, Israel chate chun Lalpa mitmuh in thil gilo a hih u a, Baal na a sem u a.

1 SAMUEL 7:6

Tichun, Mizpah a chun a chieh khawm tau a, tui a khâi uh a, Lalpa ma achun a sungthau a, zie ni chun an a ngâwl uh a, zie tak achun, “Lalpa chungah I na gilo tau hi,” a tiu a. Chun, Samuel chun, Mizpah achun Israel te vai a hawm a.