7 Chun, zie melchikna haw hi na chunga ahung tun tieng leh ahun ahun a thil umdan dungzuia na hih zieng sek ding ahi: Pathien in a hun umpih na hih tâk ziekin.
Na khut in sep ding a neih taphawt chuh theihtawp in sem in; na chiehna ding than achun nasep ding ahim, ngaihtuoh ding ahim hetna ahim, pilna ahim um talo ding ahi ngâl a.
“Ngaitie, nungak thiengtho chuh gai intin, chapa hing intin, a min dingin Immanuel sa’n au,” ti a a gen kha. (Zie chuh “I kawmah Pathien a um” tihna ahi.)
Chun, thu ka hun piek chengcheng hi pawm dingin hilh un. Chun, ngaitiem u; Kei, kumkhuo’n, khawvel beih tiengin le na kawm u ah um zing ing ka,” a ti a. Amen.
“Na melmateu do dinga na kuon u a, sakawl haw, kidona kangtalai haw leh nang u sanga tamzaw sepaih na muh tieng u leh amau chuh na lauh dinguh ahi puoi; Aigupta gam apat hun puidawk Lalpa na Pathien u chuh na kawm u ah a um ngâla.
Na lungput uh chuh, dangka ngaihlul na tello hi hen; na thil neih hawu chung achun lungkim un; amah chun, “Bangtik chan inle hun kangbawl hiel puo’ng ka ting, thah le hun thahthawt puo’ng ka,” a ti ngâl a.
Na damsung chengin kuoma’n hun zo thei puo’n a; Mosi kawma ka um bang khan na kawma le um ding ka hi: hun thahtham puo’ng ka ting, hun taihsan puo’ng ka.
Thu ka hun pie hilo maw? Hattak leh hangsan takin um in; lau ki’n la, lungkie diek ki’n: Lalpa na Pathien chuh na chiehna tak ah na kawma um zel ding ahi,” ti’n a gen a.
Tichun, hiti hi hi’n tin, zingkala ni a hung suok tieng kipan unla, khuo chuh hun do mai in; Gaal leh a mite chun hun do thuk ding ahiu hi. Pha na sak bang bangin a chung uh ah hun bawl mai in,” ti a hilh dingin mi a sawl a.
Chun, zie hih nang dingin melchikna hi’n a, na chapate hih, Hophni leh Phinehas chunga thil hungtung ding chuh; ni khat sungin a nih un thi gêl gêl in au.
Chun, ka pa’n na chungah thil phalo hih nuom ta leh, ka hun hilh loh a lungmuong taka na chieh theihna dinga ka hun thâk loh chun, Lalpa’n Jonathan hi a nawp nawp lawh henla, zie sanga chu nasazaw’n le; chun, Lalpa chu na kawmah um hen, ka pa kawma a um sek guolin.