1 SAMUEL 10:22 - PATHIEN LEKHABU THIENGTHO (BSI)

²² Khutichun Lalpa chu a dâwng kit u a “Mipa chu zie hin a hung hi?” a tiu a. Chun, Lalpa chun a dâwng a, “Ngaitiem u, thuomphuo laka amah leh amah kisel ahi,” a ti a.

1 SAMUEL 10:22 ပူးပေါင်းရင်းမြစ်များ

VAIHAWMTE 20:18

Chun, Israel chate chuh a kipan u a. Bethel ah a chieh to u a, Pathien a dawng u a, “Benjamin suonte do ding a chieh masa ding kuo a?” a tiu a. Chun, Lalpa’n, “Juda chieh masapen hen,” a ti a.

KISIMNA 27:21

Tichun, amah chuh thiempu Eleazar masangah ding intin, ama’n Lalpa masangah Urim leh Thumim mang in vaihawm sak intin: a thu’n pawt untin, a thu’n lut un au. Amah leh Israel suon chengcheng te, kikhawm khawm haw chengcheng tawh,” a ti a.

LUKE 14:11

Kingaisang ta chuh niem intin, kingainiem taphawtte chuh limbawl in um un au,” a ti a.

1 SAMUEL 15:17

Chun, Samuel chun, “Nang ngaih in mi neucha himahleh chin le, Israel namte luchang dinga siem hilo na hi? Chun, Lalpa chun Israel te leng dingin sathau a hun nuh a;

1 SAMUEL 9:21

Chun, Saul chun a dâwng a, “Israel nam laka a neupen, Benjamin nam hilo ka him? Chun, ka inkuon u le Benjamin nam a inkuon chengcheng laka neupen hilo ahim? Khutichuh hi ngâl a bang zieka ti a chu ka kawma thu gen na him?” a ti a.

VAIHAWMTE 20:28

Aron chapa Eleazar chapa Phinehas chuh a enkawl in a pang a). Mipite chun, “Ka suohpih pau Benjamin suonte chuh ka do kit ding um, ka haihsan mai ding um?” ti’n Lalpa a dawng u a. Chun, Lalpa’n, “Va do kit un, zing leh chuh na khut u a hun pie ding ka hi tai,” a ti a.

VAIHAWMTE 20:23

Tichun, Israel chate chuh a chieh to u a, Pathien masangah nitâk lam tiengin a kap u a, “Ka suohpih uh Benjamin suonte do dingin ka va kuon kit ding um?” ti’n Lalpa a dâwng u a.

VAIHAWMTE 1:1

Chun, hiti hi a hung hi a, Joshua thih nung chun Israel chate chun, “Kanaan mite do dinga kei uh thasang a va kuon masapen ding kuo a?” ti’n Lalpa a dâwng u a.

THILSIEMBUL 25:22

Chun, a gil sung achun a nauvawpte chuh a kisuol tau a; amah chun, “Hitibangpi hi ahih chun, bang ziekin e ka hin zing ding?” a ti a. Khutichun Lalpa dawng dingin a chieh ta a.

1 SAMUEL 10:21

Chun, Benjamin phung chu a inkuon kuon in a puihkhawm saka Matri inkuon chu teldawk ahi ta a; chun, Kish chapa Saul chu teldawk ahung hi ta a: himahlele amah chu a hawl u leh muh zawh ahi ta puoh a.

1 SAMUEL 14:37

Chun, Saul chun “Philistia te ka va do ding um? Israel te khut ah na pie die?” ti’n Pathien a dawng a. Himahlele, zie ni chun a dawng puoh a.

1 SAMUEL 22:10

Chun, amah chun amah dingin Lalpa a dawng a, nek ding a pie a, chun, Philistia mi Goliath chemzâm le a pie a,” a ti a.

1 SAMUEL 23:9

Chun, David chun, Saul in a chungah thil phalo a ngaihtuoh hi tih a na he a, thiempu Abiathar kawm achun, “Thiempu puonâk kha hun la tie,” a ti a.

1 SAMUEL 30:7

Chun, David chun Ahimelek chapa, thiempu Abiathar kawm achun, “Thiempu puonâk hun la tie,” a ti a. Khutichun Abiathar chun thiempu puonâk chu David kawmah a hun chawi a.

1 SAMUEL 30:8

Chun, David chun, “Zie mi buluhte chu ka delhzui dem? Delh leng ka delhpha zo dem?” ti’n Lalpa chu a dawng a. Amah chun, “Delhzui ah; delhpha tei tei in na tin, sala a matteu le abawn un hukdawk ngêi ngêi ding na hi,” ti’n a dâwng a.

2 SAMUEL 2:1

Chun, hiti hi ahi a, zie nung chun David chun, “Juda gama khawpi khawitak ahim ah ka va chieh in ka va la dem?” ti’n Lalpa a dawng a. Chun, Lalpa chun a kawmah, “Va chieh to in,” a ti a. David chun, “Khawitak ah ka va chieh die?” a ti a. Chun, amah chun, “Hebron ah” a ti a.

2 SAMUEL 21:1

Chun, David dam lai in a kum kizawm in kum thum kiel a kie a; chun, David chun Lalpa chu a dawng a. Chun, Lalpa chun, “Saul ziek leh a inkawte, thisan suohte ziekin leh Gibeon mite a thah ziek kha ahi,” a ti a.