1 SAMUEL 10:19 - PATHIEN LEKHABU THIENGTHO (BSI)

¹⁹ himahlele tuni hin na lungkhamna chengcheng u leh na gimtheihna chengcheng u apat hun hukdawk na Pathien uh ngêi chu na deih ta puou a, a kawmah, Ahi puoh ie, leng ei siem sak in, na tiu a,’ ti’n. Zieziekchun tuhin a nam-a nam leh achi achi’n Lalpa ma ah hung kilak un,” a ti a.

1 SAMUEL 10:19 ပူးပေါင်းရင်းမြစ်များ

1 SAMUEL 12:12

Chun Ammon suonte lengpa Nahash chu nanguh hun do dinga ahung na het phet un, Lalpa Pathien chu na lengpau ahi tih hezing ngâl in, ‘Ahi puoh ie, leng in ei vaihawm sak hen,’ na tiu a.

1 SAMUEL 8:19

Himahlele mipite chun Samuel thu chu a pawm nuom puou a, “Ahi puoh ie, leng ka neih tei ding uh ahi;

JOSHUA 24:1

Chun, Joshua’n Israel nam chengcheng chuh Shekem ah a sam khawm a, Israel upahaw, a puitu teu, a vaihawm hawu, a lawiupa lien hawu a sama; chun Pathien masang ah a hung khawm tau a.

MIKA 5:2

Himahleh, Aw nang Bethlehem Ephrathah, Juda gamsung a khawpi te laka neupen na hi a, himahlele, nang apat in Israel te vaihawm ding tungdawk ing ka, a phunggui malai pek apat a sût a um ngêi chuh.

KISIMNA 17:2

“Israel chate hopih inla, a inkuon tin u a dingin tiengkhut khat chiet in, a inkuon tam dân bang zela a inkuon lawiupateu zah, mawlh sawmlenih la’n la; chun, a tiengkhut u achun a min chiet uh zik in.

KISIMNA 11:20

Tha khat lûm kêi khawp tak leh luoksuok hiel in ne’n lau: na lak u a um Lalpa chuh deih lo in, Bang a ti a Aigupta gam a pata kipawt ahim ti a a masanga na kah ziekun, hun ti’n,’” a ti a.

DAN NIHNA 17:14

Lalpa na Pathien un gam a hun piek chuh na va tun u a, na va luoh u a, na va chen u a “I kim I vel u a nam haw guol hin ei un le leng nei hitiu,” na tih tieng u leh;

VAIHAWMTE 8:23

Himahlele, Gideon chun a kawm u ah, “Ken vang na chung u ah vaihawm puo’ng ka ting, ka chapa’n le na chung u ah vaihawm diek puo’n a; Lalpa’n na chung u ah vaihawm zaw’n a,” a ti a.

1 SAMUEL 10:20

Khutichun, Samuel chun Israel nam chengcheng chu a kipuihkhawm a, chun, Benjamin phung chu teldawk ahi ta a.

1 SAMUEL 14:23

Khutichun zie ni chun Lalpa’n Israel te chu a hukdawk a, Bethaven khel lam tung hielin a kido pek tau a.

1 SAMUEL 14:38

Chun, Saul chun, “Nang haw mipite lawiupa cheng chengte, zie hin hung tiem u; tuni hin bang gitlohna ahim I bawl uh tih hetdawk guou in.

THUCHINGTE 16:33

Mi’n a pheichung ah phun a san sek u a, himahleh a dawnna vang chuh Pathien apat ahi.

1 SAMUEL 3:21

Chun Lalpa chu Shiloh ah a kilak kit a: Lalpa ngêi chu thu’n Shiloh ah Samuel kawmah a kilak ngâla.

1 SAMUEL 4:1

Chun, Samuel thu chu Israel te chengcheng lak ah athang suok ta a. Chun, Israel te chu Philistia te do dingin a kuon dawk u a. Eben-ezer kieng ah panmun a khawh u a; chun Philistia te chun Aphek ah panmun a khawh u a.

1 SAMUEL 8:5

a kawmah, “Ngaitie, na upa ten mai ta a, na chapate hin lah na umdan a la hiel puou a; nam dangte mah banga ka chung u a vaihawm dingin leng ei siem sak in,” a tiu a.