1 SAMUEL 10:1 - PATHIEN LEKHABU THIENGTHO (BSI)

¹ Khutichun, Samuel in sathau um chu a ladawk a, a luchang ah a sung a; a chawpa, chun, “Lalpa chun a gochan Israel te chunga lawiupa hi dingin sathau a hun nuh hilo ahim?

1 SAMUEL 10:1 ပူးပေါင်းရင်းမြစ်များ

2 SAMUEL 1:14

Chun, David chun a kawmah, “Lalpa thaunuh bangti dân a that ngam na hi?” a ti a.

2 SAMUEL 19:39

Chun, mipi chengcheng chu Jordan gâl a kai u a, chun, leng chule a galkai a: leng chun Barzillai chu a châwp a, vangsaka; chun amah mun lam ah a chieh kit ta a.

2 SAMUEL 20:19

Kei hi Israel laka kicham nuom leh ginum lawi a mi ka hi a: nang chun Israel khuo, a khuo bulpi hi hihsiet na guot ahi a; Lalpa chanvo chu bangati a hihmang guo?” ti’n a gen a.

2 SAMUEL 5:2

Tuma a Saul ka chungu a a lal lai a Israel te puidawk leh puilutpa na na hi sek a: chun Lalpa chun na kawmah, ‘Ka mi Israel te chu vak-in na tin, Israel te chunga lawiupa’n um inla,’ a ti a,” a tiu a.

1 LENGTE 1:34

Chun, thiempu Zadok leh thiemgau Nathan in Israel te leng dingin sathau nuh u hen. Chun, pengkun mût unla, ‘Leng Solomon damsawt hen,’ tiu in, a ti a.

1 LENGTE 19:18

Himahlele Israel gam ahin Baal maa khupdin ngeilo leh, a lim uh châwp ngeilo mi sangsagih kei a dingin ka kawih nalai hi,” a ti a.

2 LENGTE 20:5

“Vaikit in la ka mite lawiupa Hezekia kawmah zie thu hi gen in; Lalpa na pu David Pathien chun hiti hin a tii, Na pauchamna kha ka za a, na mittui kie le ka mûi. Ngaitie, hun sudam ing ka ting, ni thum sungin Ho-In ah chieh inla.

2 LENGTE 9:1

Chun, thiemgau Elisha chun, thiemgau tangval haw laka khat a sama, a kawmah, “Na kâwng gâk inla, zie thau bawm hi chawi inla, Ramoth-gilead khuo ah va chieh in.

2 LENGTE 9:12

Amau chun, “Ka he kha puou hi, ei vak hilh tie!” a tiu a. Amah chun, “Hiti bang tak hin ei tii: ‘Lalpa chun hiti hin ei tii; Israel te chunga leng dingin thau ka hun nuh hi’ ti’n,” a ti a.

SAM LEHKHABU THE PSALMS 135:4

Lalpa chun Jakob chuh amah dingin a tel ngâl a, Israel hi a go ding chuom in a tel a,

SAM LEHKHABU THE PSALMS 2:12

Chapa chuh châwp u uo, khutilochun lungna kha’n tin, lamkal ah beimang kha’n lau; kintaka lungna phut ding ahi ngâla A mah a ginna nga chengcheng chuh a hamphau hi.

SAM LEHKHABU THE PSALMS 78:71

A mi Jakob te leh a goluoh ding Israel te vak dingin, a belam nokaite chinna lak apat in a puidawk a,

PAWTDAWKNA 30:23

“Gimlim, lim pên chi murra tui sekel zanga leh, thingguithak gimlim, zie kimkhat sekel zanih leh sawmnga leh kawl chuh gimlim sekel zanih leh sawmnga leh,

JEREMIA 10:16

Jakob chanvo vang khutibang chuh ahi puoi. Amah chuh thil chengcheng bulpi ahi ngâla. Israel hi a goluoh nam ahi a, A min chuh Sepaihte Lalpa ahi.

EZEKIEL 16:13

Khutichun sana leh dangkaguo a chei na hi ta a, na silhlechen chuh patngatpuon leh sil puon leh puon zie nei ahi a; na nek chuh changbuong nêl tak leh khuoizu leh thau ahi. Na hung hawih mah mah a, lengnu na tuk hiel ta a.

HOSEA 13:2

Tichun, tuhin gitlohna a bawl beh beh nalai u a, milim pathiente a kisun kawm u a; a dangkaguo teu chuh khutthiemte chun milim in a sung u a, a bawnin khutthiemte nasep vek ahi a; “Amah kawm ahin kithawi un,” a tiu a. Mite chun bâwngno lim chuh a châwp u a.

NASEPTE 13:21

Chun, leng a hun nget phet u khan, Pathien in, Benjamin nam a mi, Kish chapa Saul khah kum sawmli sunga dingin, a leng dingun a pie ta a.

DAN NIHNA 32:9

Lalpa chanvo chuh a mite ahiu; Jakob suonte chuh a gochan ahiu.

1 THESSALONIKA 5:26

Suohpih cheng chengte khah, châwp thiengtho in nei hun chibai sak un.

HEBRAI 2:10

Pathien, thil chengcheng siem a, vawpbitpa ding chun, cha tamtak a lopina kikawppih dingin, Isu thuokna bukim zieka siem chuh hih ding him a hi ngâl a. Isu mawng chuh Hukdamna a puilut pa khah a hi ngâl a.

THUPHUON 5:8

Ziephet chun, ganhing lite leh, upa sawmnih leh lite chuh Belamno ma achun a bawkkhup tau a. Amau haw chun kingkang leh sana belhbu, gimlima dim a kichawih chiet uh a, zie chuh Pathien mite pauchamna chuh a hii.

1 SAMUEL 12:3

Ngaiun, zie hin ka um hi: Lalpa leh sathau a nuh pa masang ahin ka phatlohna gen tiem u le; Kuo bâwngchal ka chuh kha? Kuo sabiltung ka chuh kha? Kuo ka dawha bawl kha? Kuo ka pawngbawl kha? Ka mit ei sukdûk sak dingin kuo khut apat gawlhgukna ka la kha? Hun pekit vek ing ka,” a ti a.

1 SAMUEL 13:14

Himahlele, na lenggam chu bei ta’n a; Lalpa’n thu ahun piek na zuih loh ziekin Lalpa chun amah lunggil bang pu mi a hawla; amah chu a mipite chunga leng dingin Lalpa’n a guot tai,” a ti a.

1 SAMUEL 15:1

Chun, Samuel chun Saul kawmah, “Lalpa’n a mite Israel te chunga leng hidinga thau hun nuh dingin ei sawl ahi kha; zieziekchun, tuhin Lalpa thugen hi ngaitha’n.

1 SAMUEL 15:17

Chun, Samuel chun, “Nang ngaih in mi neucha himahleh chin le, Israel namte luchang dinga siem hilo na hi? Chun, Lalpa chun Israel te leng dingin sathau a hun nuh a;

1 SAMUEL 16:1

Khutichun, Lalpa chun Samuel kawmah, “Israel te leng dinga ka deih tâk loh Saul ziek hin bang chana na lungkham ding? Na saki chu thau thun dim inla, chieh in, Bethlehem mi Jessai kawma hun sawl ding ka hi; a chapate laka khat leng dinga ka tel tâk ziekin,” a ti a.

1 SAMUEL 16:13

Khutichun Samuel chun sathau bawm saki chu a la a, a suohpihte laka chun sathau a nuh a; tichun zie ni apat chun Lalpa Thagau chu David chungah nasatak in ahung tung ta a. Khutichun Samuel chu a kipan a, Ramah khuo ah a chieh ta a.

1 SAMUEL 2:10

Lalpa dote chu phieh dimdem in au, Vana pata vanpi git in do intin: Lalpa chun kâwlmawng tiengin vaihawm in tin; A leng chu hatna pien tin, a thaunuh ki chu dawmsang ina,” a ti a.

1 SAMUEL 24:6

Khutichun, a mite kawm achun, “Lalpa sathau nuh ahi tih hezing ngût a, a chunga khut pan a, Lalpa sathau nuh ka pu chunga zie thil ka na hih hi akilawm mawhna hiel e,” a ti a.

1 SAMUEL 26:11

Lalpa thaunuh chunga khut ka thâk loh ding zie mai chuh: a lu lama tiengcha leh tui-um khu hun la’n la chieh hiti” a ti a.

1 SAMUEL 26:9

Chun, David chun Abishai kawm achun, “Sumangthai kih, Lalpa thaunuh chunga khut tha kuo a thiemchang thei ding?” a ti a.

1 SAMUEL 8:19

Himahlele mipite chun Samuel thu chu a pawm nuom puou a, “Ahi puoh ie, leng ka neih tei ding uh ahi;

1 SAMUEL 8:9

Zieziekchun a thuu chu ngaitha’n: amahvang chuh guntak in vau inla a chunguh a vai hun hawm ding lengpa hung tawih dân ding chu hilh in,” a ti a.

1 SAMUEL 9:16

“Zing leh tuhun vel hin Benjamin gam a pat in pasal khat hun sawl ding ka hi a, ka mi Israel te chunga lawiupa hiding in thau nuh in na tin, amah chun Philistia mite khuta pat in ka mite hukdam ina: a kiko thawm uh ka kawm ahung tun tâk ziekin ka mite chu ka ngaihsak ahi,” ti’n ana gen ta a.

1 SAMUEL 9:27

Khawpi pawlama a chieh suk lai u chun Samuel chun Saul kawmah, “Suokpa hi I ma lam ah chieh sak in (amah chu a chieh ta a) nang vang chu ding tadih inla Pathien thugen ka hun hilh theihna dingin,” a ti a.