1 SAMUEL 1:8 - PATHIEN LEKHABU THIENGTHO (BSI)

⁸ Chun a pasal Elkanah chun a kawmah, “Hannah, bang zieka kap na hi? Bang zieka an nelo na hi? Bang zieka na lunggil lungkham a hi? Chapa sawm sangin nang dingin ka phazaw hilo maw?” a ti a.

1 SAMUEL 1:8 ပူးပေါင်းရင်းမြစ်များ

2 LENGTE 8:12

Chun, Hazael chun, “Hepu, bang zieka kap na him?” a ti a. Elisha chun a dâwng a, “Israel chate chunga thil tizat-um tak na hun hih ding hi ka mu a, a kulhpi dettak teu chu mei in hâl siet sak in na tin, a tangvalteu chuh chemzâm in that in na tin, chun, a naupangteu chuh leivui tawh chilkhawm in na tin, a numei nauvawp teu chuh phil kek sak ding na hi ngâla,” a ti a.

JOB LEHKHABU THE BOOK OF JOB 6:14

Pathien chuh kiheimang san in kihei mangsan kileng le, Zie tawbang buoi hun hin guol ginum ka pawimawh hi.

SAM LEHKHABU THE PSALMS 43:4

Khutichun Pathien maichâm kieng ah chieh ing ka ting, Pathien ka lawpna mah mah kawm achun: Aw ka Pathien, ka Pathien kingkang in hun pakcha’ng ka ting.

ISAI 54:1

Aw chîng, nang cha hing khalo! himahleh, tuhin kipâk takin la sa’n kiko in! Pasal neinu chate sang chun, thawmhau nu chate chuh a tam zaw ngâl u a! Lalpa’n a tii.

ISAI 54:6

Vanglai zi ngaihsakloh a um, lunggil a thasie, sapkit guol in ka hun sam kit hi, Lalpa’n a tii!

JOHAN 20:13

Amau chun a kawmah, “Numei, bang dinga kap na hi?” a tiu a. Amah chun a kawm u ah, “Ka Lalpa a chiehmangpih u a, a kawihna chin uh ka het loh ziekin,” a ti a.

JOHAN 20:15

Isu chun a kawmah, “Numei, bang dinga kap na hi? Kuo a na hawl?” a ti a. Amah chun huon ngakpa kha a sa a, a kawmah, “Hepu, amah taka pat hi na lak chawn a hih chun, na kawihna ei hilh in, tichun, chieh ka ting, la’ng ka,” a ti a.

1 THESSALONIKA 5:14

Ka suohpihte haw, ka hun nget uh na hiu hi, kituok lo taka umte chuh gai un la, mi dawilawkte chuh tîlkhoh un la, zawngkhalte chuh panpih un la, mi chengcheng lak ah thuokhat takin um un.

RUTH 4:15

Chun, amah chuh na hinna tungdawk leh na teklam a hun chawm pa hung hi’n tin, na monu nang hun hehpih a, chapa sagih sanga nanga dinga phazaw chun amah chuh a hing ta ngâl a,” a tiu a.

1 SAMUEL 1:7

Chun, ti a chu kum cheng a a hih sek ziekin, Lalpa ina a va chieh cheng leh a phin seka; tichun a kap a kap a, an le a ne puoh a.