1 SAMUEL 1:26 - PATHIEN LEKHABU THIENGTHO (BSI)

²⁶ Chun amah chun, “Aw, hepu, na hinna sâlin ka gen hi, kei hi aw, hepu, zie taka na kienga dinga Lalpa kawma paucham numei khah ka hi.

1 SAMUEL 1:26 ပူးပေါင်းရင်းမြစ်များ

2 LENGTE 4:30

Chun, naupangpa nu chun Elisha kawmah, “Lalpa hinna leh na hinna sâlin ka gen hi, hun taihsan hiel puo’ng ka,” a ti a. Tichun, a nih u chun a kipan dawk khawm tau a.

2 LENGTE 2:6

Chun, Elija chun, Elisha kawmah, “Zie taka hin a na um in, Lalpa’n Jordan a chieh dingin ei sawl ahi,” a ti a. Himahleh, Elisha chun, “Lalpa hinna leh na hinna sâlin ka gen hi, hun taihsan hiel puo’ng ka,” a ti a. Tichun, a nih un a chieh khawm zel tau a.

2 LENGTE 2:4

Chun, Elija chun Elisha kawmah, “Taka hin a na um in, Lalpa’n Jerikoh a chieh dingin ei sawl ahi,” a ti a. Himahleh, Elisha chun, “Lalpa hinna leh nangmah hinna sâlin ka gen hi, hun taihsan hiel puo’ng ka,” a ti a. Tichun, Jerikoh khuo ah a chieh khawm tau a.

2 LENGTE 2:2

Chun, lampi achun Elija chun Elisha kawmah, “Zie taka hin a na um in; Lalpa’n Bethel tienga chieh dingin ei sawl hi,” a ti a. Elisha chun, “Lalpa hinna leh na hinna sâlin ka gen hi, hun taihsan hiel puo’ng ka,” a ti a. Tichun, Bethel ah a chieh suk khawm tau a.

2 SAMUEL 11:11

Uria chun David kawmah, “Pathien bawm leh Israel te leh Judate chu puon-In ah a um u a; chun, ka pu Joab leh ka pu mite phûllak ah a kikulh u a; kei ka In a chieh in ka ne’n ka dâwn in, ka zi kawmah ka kuol diek dinga ahim? Na hinna leh na thagau salin ka gen hi, zie chu hih hiel puo’ng ka,” a ti a.

1 SAMUEL 20:3

Chun David chun, “Na pa chun nei lungsiet dân hi a he chien mah mah ngâla; ‘Jonathan in zie hi chu hese dah hen, dân leh lungkham taluo khâna,’ a ti a hi’n a: ahih ziekin Lalpa hinna leh nang hinna sâlin ka gen ahi, thihna tawh ka kikal uh kal khat mai ahi,” ti’n pap takin a gena.

1 SAMUEL 17:55

Philistia pa kidopih dinga David kuon dawk a muh phet chun Saul in sepaih lawiupa Abner kawm achun, “Abner zie tanglakpa hi kuo chapa ahi?” a ti a. Chun, Abner chun, “A dam in dam mai in, aw lengpa, ka he hiel puoi,” a ti a.

2 SAMUEL 14:19

Chun, leng chun, “Zie thu ahin Joab in telna a nei himhim hi?” a ti a. Chun, numei chun a dâwng a, “Lengpa hepu, na thagau hinna sâlin ka gen hi, lengpa ka pu’n a gen tâksa chu kuoma’n changlam ahim, veilam ahim ah pumpelh thei puou intin: na suok Joab chun ei sawl a, zie thu haw chengcheng hi na suoknu a mawp suok kêi hi:

THILSIEMBUL 42:15

Hitihin etchet in um in lau: na nau neupen u chuh zie ahi a hung loh chun Pharaoh hinna sama kihâksiel in, zie apat hin chiehdawk hiel puo’n lau ka hun tih na hiu hi.

1 SAMUEL 25:26

Zieziekchun, tuhin, ka lalpa, Lalpa hinna leh nang hinna’n ka kihâksiel hi, Lalpa’n thisan suoh lo ding leh na khuta phuba kilakloa a hun kawih tâk ziekin, tuhin na melmate leh ka lalpa dinga sietna hawlte chengcheng chu Nabal tawbang hiu hen.

1 KHANGTHUBU 4:10

Jabez chun Israel Pathien chu a sama, “Aw Pathien, ei vangsak tei tei inla, ka gamgi hi ei keklet sak tei inla; ei umpih inla, na khut in ei kai zingin la, thil phalo bang hitaleh, ei suna thei dingte lak apat chun ei vengbit tei in,” ti’n a paucham a. Tichun, Pathien in, a thil nget chu a lawhtit sak ta a.