1 SAMUEL 1:20 - PATHIEN LEKHABU THIENGTHO (BSI)

²⁰ Khutichun hiti hi ahung hi a, Hannah chun nau a hun vawp a, chun, ahun ahung tun chun chapa ahun nei a; “Amah hi Lalpa kawma ka nget ahi,” ti’n amin dingin Samuel a sa ta a.

1 SAMUEL 1:20 ပူးပေါင်းရင်းမြစ်များ

THILSIEMBUL 16:11

Chun, Lalpa vânsâwlchâk mah chun a kawmah, “Ngaitie, nau na vawp ta a; chapa nei in na tin. Lalpa’n na gimtheih zie hi a het tâk ziekin a min in Ishmael na sak ding ahi.

THILSIEMBUL 30:22

Chun, Pathien in Rachel chuh a hezing a, tichun Pathien in a pauchamna a ngaitha a, a sûl a hawn sak ta a.

THILSIEMBUL 4:25

Chun, Adam in a zi a kuolpih kit a: tichun amah chun chapa a hing kit a, a min dingin Seth a sa a. “Pathien in Abel thasang in chisep ding dang ei guotsak tai, Kain in amah a that ta ngâl a,” a ti a.

THILSIEMBUL 5:29

Zie ngêi hin Lalpa hansie lawh lei a I nasepnau leh khut a I sepgimnau ahin ei thamuon tan a, ti’n a min dingin Noah a sa a.

1 KHANGTHUBU 4:10

Jabez chun Israel Pathien chu a sama, “Aw Pathien, ei vangsak tei tei inla, ka gamgi hi ei keklet sak tei inla; ei umpih inla, na khut in ei kai zingin la, thil phalo bang hitaleh, ei suna thei dingte lak apat chun ei vengbit tei in,” ti’n a paucham a. Tichun, Pathien in, a thil nget chu a lawhtit sak ta a.

SAM LEHKHABU THE PSALMS 120:1

Ka lungkhamna achun Lalpa chuh ka uou a: Tichun ama’n ei dâwng a.

PAWTDAWKNA 2:10

Chun, nausen chuh a hung khanglien a, Pharaoh chanu kawm achun a pui a, tichun a chapa’n a um ta a, “Tui apat a ka lâkdawk a hih ziekin, a min dingin Mosi sa’ng ka,” a ti a.

PAWTDAWKNA 2:22

Chun, chapa a hing a, Mosi chun, “Mi gama um ka hih ziekin a min dingin, ‘Gershom,’ sa’ng ka,” a ti a.

MATTHAI 1:21

Chapa hun hing in tin, a min dingin ISU sa’n la: amah chun a mite a thil hihkhelh nau apat hukdam ding ahi ngâl a,” a ti a.

HEBRAI 11:32

Chun, banga ka gen naklai ding leh? Gideon thu le, Samson thu le, Jeptha thu haw leh, David thu le, Samuel thu le, thiemgau haw thu le gen leng, hun in ei daih lo ding a hi ngâl a.