1 SAMUEL 1:10 - PATHIEN LEKHABU THIENGTHO (BSI)

¹⁰ Chun Hannah chu a lungkham mah mah a, Lalpa kawmah a paucham a, thasie takin a kap a.

1 SAMUEL 1:10 ပူးပေါင်းရင်းမြစ်များ

JOB LEHKHABU THE BOOK OF JOB 7:11

Zieziekchun thugen kisûm ta puo’ng ka ting, Lungthim gimthei tawpkhawk in thu gen ing ka ting; Lunggil na tun tun in phunchiek ding ka hi.

LUKE 22:44

Chun, lungthim gim taluo chun, phachuomngai zaw diek in a paucham a; a khawsa-ul chuh thisan tang lientak guolin tuola chun a va tha a.

JOB LEHKHABU THE BOOK OF JOB 10:1

Ka tha’n ka hinna hi a chimchâk a, Ka nawpchin in phunchiek ing ka; Lunggil na mah mah kawmin pau ding ka hi.

SAM LEHKHABU THE PSALMS 91:15

Amah chun ei sam intin, tichun dâwng ing ka; A lungkham pet in kei a kawmah um ing ka ting; Amah chauh humbit ing ka ting, tichun limbawl ing ka.

HEBRAI 5:7

Amah chun, phehlevo a a umlai nihaw khan, thihna laka amah hukdawk theipa kawm achun hahpi a kiko leh, mitthi thiek kawmin, pauchamna leh ngetna a nei a. Tichun, a kingaihniem ziek leh, a kipumpiek ziek chun, Pathien in a ngaitha ta a.

ISAI 54:6

Vanglai zi ngaihsakloh a um, lunggil a thasie, sapkit guol in ka hun sam kit hi, Lalpa’n a tii!

VAIHAWMTE 21:2

Khutichun, mipite chuh Bethel ah a chieh u a, ngeihtak a kiko in, hahpi’n a kap u a.

SUNNA LA 3:15

Thil tui kha ka gawl ah a sung lut a; gamsai ei dâwn kham sak u a.

JEREMIA 22:10

A thisa chuh kah kiu inla, sun le sun diek kiu in, mi, a chieh mang sate vang chuh nasatak in kah un; hung vaikit ding ahi ta puoh ngâl u a. A pienna gam hi a muh kit tâk loh ding ziekin.

ISAI 38:15

Himahleh, Lalpa’n ziehi a hih ta a, banga ka gen theih ding? ka hin haksat bek ziek khan, ka damsung kum um nalaite a chun awlcha cha’n chieh dên dên tang ka.

SAM LEHKHABU THE PSALMS 50:15

Chun, lungkham ni leh ei sam inla; Hun humbit ing ka, khutichun nangin nei limbawl ding hi chin a,” a ti a.

JOB LEHKHABU THE BOOK OF JOB 9:18

Amah chun ka hat lak ding le ei phalsak puoh a, himahleh, haksatna’n ei sudim zaw ta a.

2 LENGTE 20:3

“Aw Lalpa, Nanga dinga thutak leh, lunggil phabukim pua na ka sep sek zie leh, na mitmuha thilpha ka hih sek dân te kha, lungsiet takin hezing in!” a ti a. Tichun, Hezekia chu hah kah in a kap ta a.

RUTH 1:20

Amah chun a kawm u ah, “Naomi ei ti kiu in, Marah ei ti zawu in; Bangkim hihtheipa chun kha takin ei gawt ta ngâl a.

JEREMIA 13:17

Himahleh, na ngaihthak loh u chun na chapona ziekun ka hinna hi a gûk in kap in a. Ka mitthitui nasatak in luong zing in tin; Lalpa belam hawn chuh sala puih ahih tâk ziek un.

2 SAMUEL 13:36

Chun, hiti hi ahi a, a gen zawh phet chun. leng chapa te chu a hungtung u a, a awu suoh hiel in a kap u a: chun leng chule a suokte chu tawh hah kah in a kap tau a.

THILSIEMBUL 50:10

Chun Jordan lui gala Atad buhphuol chuh a tung u a, zie chun nasa takin a kah tau a: Joseph in a pa sûnna ni sagih sung a siem a.

2 SAMUEL 17:8

Chun, Hushai chun, “Na pa leh a mite chu na he a, sepaih hâng tak, gamlaka savawm a no kilaksak tawbang hiel ahiu a: na pa chu kido mi ahi a, mipi lak ah giek khel puo’n a.

1 SAMUEL 1:9

Khutichun, Shiloh a a nek u a, a dâwn zawh un Hannah chuh a dingdawk a. Chun, thiempu Eli chuh Lalpa Ho-In kawtkhak khuom bula chutna achun a chu a.

1 SAMUEL 1:11

Chun thu a tiem a, “Aw, sepaihte Lalpa, na suoknu lunggim zie hih na het takzet a, nei hetzing, na suoknu hi nei hetngilh loh a na suoknu hih chapa nei piek chun, a damsung cheng Lalpa pie’ng ka ting, a sam le met hi himhim puo’n a,” a ti a.

THUCHINGTE 14:10

Na lungthim natna chuh nangin na kihet a, hêtkhâk loh mi chun na kipahna chuh a hun kipahpih thei puou hi.

THILSIEMBUL 30:1

Chun, Rachel chun Jakob chuh cha himhim a hinsak puoi tih a kihet phet chun, a suohpihnu chuh a itthik ta a; Jakob kawm achun, “Cha haw ei pieh, ahihloh leh thi ding ka hi,” a ti a.