1 PETER 5:9 - PATHIEN LEKHABU THIENGTHO (BSI)

⁹ Na suohpihteu, khawvel a um haw chungah le, khutibang thuokna chuh a tung sek hi tih he’n, dettaka taksang in, amah chuh do un.

1 PETER 5:9 ပူးပေါင်းရင်းမြစ်များ

LUKE 22:32

Himahleh Simon, na taksanna a beih lohna dingin ka hun paucham sak zing hi. Khutichun, kei lama na hung kihei kit phat leh, na suohpihte suhat in,” a ti a.

JOHAN 16:33

Zie thu haw hi na kawm u ah ka gen ta hi, keimah a na um ziek u a lungmuonna na neih theihna dingun. Khawvela hin dahum thuok in na um sek ui. Himahlele, kipâk takin um un, ken khawvel ka zo tai,” a ti a.

NASEPTE 14:22

“Dahum tamtak thuokin, Pathien gam ah I lut ding him uh ahi,” ti’n, sinsakte haw lungthim a sudet u a, taksanna a chuh um zing dingin a tîl zel u a.

1 KORINTH 10:13

Mihiem thuok theih bang ngâllo chuh, thepna himhim na chungu ah a tung kha ngâl puoh a. Pathien in a thutiem chuh a vawp zing a, na thuok theih val u chuh, na chung u a thepna a tun phal puo’n a; thepna na tuok phat u leh, zie do zawhna ding chun hatna hun pie’n tin, tichun, taih dawkna ding hun siem sak zaw’na.

EPHESI 4:27

Diabol chuh mun awt hiel kiu in.

EPHESI 6:16

Ziehaw lo chule, taksanna phaw kilak unla, zie chun, migilo thal kuong thei chengcheng chuh sumit thei un lau.

KOLOSSA 2:5

Taksa’n na kawm u ah um kimahlengle, kipâk taka um in, na kitûp zieu leh Krista na taksan det zieu en in, thagau achun na kawm u ah ka um zing ngâl a.

1 THESSALONIKA 3:3

Zie sukgimtheihna thuokna zieka hi kuomah na kihei kit lohna dingun. Nangmau haw mawng in le, zie sukgimtheihna haw hi, keihaw dinga Pathien phasak lam a hi tih na he ngâl u a.

1 TIMOTHE 6:12

Taksanna kitaihsiekna pha chuh bawl inla, kumsawt hinna chuh changin, zie chang dinga chuh sap na hi a, hetpih tamtak te mitmuh achun dettak in na phuong ta kha.

2 TIMOTHE 3:12

Ahi, kuole, Krista Isu tawh kipumkhata, Pathien khawksak a um guo chun, sukgimtheihna haw chuh thuok ina.

2 TIMOTHE 4:7

Guolsiek pha chuh ka bawl zo ta a; ka kitaihsiekna lam chuh ka siek zo ta a, taksanna chuh ka kivawp zing ahi tai;

HEBRAI 11:33

Ziete haw chun Taksanna ziekin gam bang a lau a. diktat takin thil a hih uh a, thutiem haw chuh a chang u a, sakeibaknei kha haw le a sukchih sak uh a.

HEBRAI 12:8

Cha chengcheng lawh sek, thununna chuh lawh lo a na um uh chun chuh, cha tak tak hilo in, zaucha hilo ding na hiu hi?

JAKOB 4:7

Khutichun, Pathien thu thu’n um un. Amahvang chuh, Diabol chuh do un, tichun, hun taih mangsan ina.

1 PETER 1:6

Zie thu ahin, tuhin hun chawmcha sung chuh, patepna tin cheng leh, thuokna tin cheng ziek hin, lungkham taka na um uh kiphamawh mahleh, nasa takin lawp un;

1 PETER 2:21

Zie tawbang hih dinga chuh Pathien in a hun sap na hiu a puo; Krista ngêi khan le nang haw sika thuokin; a nunga na zuih dingun, etkal ding a hun nutsieh na hiu hi.

1 PETER 3:14

Himahlele, diktatna zieka na thuoksa bang na hih tak uh chun, kipâk unlau! Kuomah lau kiu inla, lung le lungkham diek kiu un.

1 PETER 4:13

Krista thawkna thuokpih te na hih ziekun, kipâk zawu un; khutichun, a lopina a hung kilak tieng leh, nanguh le lawp takin um thei unlau.

THUPHUON 1:9

Kei Johan, na suohpihpau, Isu nungzui, lenggam mite chunga gimtheihna hungtung, thuokhat taka hun thuokpih pa chuh ka hi. Pathien thu leh, thu dik, Isu phuondawk chuh ka gen ziekin, Patmos tuikuol achun kawih in ka um a.

THUPHUON 6:11

A kawmuh achun puon vam a pie chiet uh a. Chun, a sawntawlawi chanpihteu leh, a suohpihteu, amau haw bang mah a thaha um dingte chuh a kim masang sieh uh, chawmkhat a na ngak tadih dingin a hilh uh a.

THUPHUON 7:14

Kei chun a kawmah, “Hepu, ka he puoi, nangin na he’i” ka ti a. Amah chun ka kawmah, “Ziehaw hi, gimtheihna nasatak apat a pawtte khah ahiu a, Belamno thisana a puon uh sawp vamte ahiu hi.