1 PETER 5:8 - PATHIEN LEKHABU THIENGTHO (BSI)

⁸ Pilkieu unla, khawthengai un! na kilanpih uh Diabol chun, keipi bakkai kitum sek bangin, a nek theih ding hawl in a kipei hethut sek hi.

1 PETER 5:8 ပူးပေါင်းရင်းမြစ်များ

EPHESI 6:11

Diabol lungthimbawlna chuh na do zawh theihna dingun Pathien gâlvan bukim in kivan un.

JAKOB 4:7

Khutichun, Pathien thu thu’n um un. Amahvang chuh, Diabol chuh do un, tichun, hun taih mangsan ina.

JOB LEHKHABU THE BOOK OF JOB 2:2

Chun, Lalpa chun Setan kawmah, “Khawilam a kipata hung na hi?” a ti a. Chun, Setan chun Lalpa chuh a dâwng a, a kawmah, “Lei chunga ka vakvielna apat leh zie a ka chieh suk ka chieh tohna apat chun,” a ti a.

EPHESI 4:27

Diabol chuh mun awt hiel kiu in.

1 PETER 1:13

Zieziekchun, na lungthim uh puontum chengin, pilkieu unla, Isu Krista a hung kilak tieng leh, vangsakna a hun piek ding chuh lungthuoi lo in kinem zingun.

1 PETER 4:7

Himahlele, thil chengcheng tawpna ding chuh a nai ta a. Zieziekchun, na paucham theihna dingun, lungthim diktak pu’n, chingkieu in um un.

LUKE 21:36

Zieziekchun, zie thil hungtung dingte chuh pel tâk leh Mihiem Chapa masanga ding tâka guot na hih theihna dingun, bangtik lai inle paucham kawmin khawningai un,” a ti a.

LUKE 22:31

“Simon, Simon! ngaitie, nang haw chengcheng hi Setan in buh ngelh guola a hun ngelh theihna dingin, nanguh lawi hi ahun ngên a puo.

TITA 2:12

Kinepna thatnawp-um, I Pathien uh lopitak Hukdampa Isu Krista lopi hung kilâkna chuh ngak in,

THUPHUON 12:12

Zieziekchun, vante leh a sunga umte haw kipâk un! Himahleh, lei leh tuisuohgiet chung chuh a gik ie! Diabol chun, hun tawmcha mai a nei tai tih a kihet zieka, lungna mah mah puma, na kawmuh a a hung suktak ziekin,” a tih ka za a.

JOHAN 8:44

Nang u chuh na pau Diabol chate na hiu a, na pau deih guol zuih na nuom uh ahi. A tunga kipatin tuolthat a hi a, thudik lam ah a pang ngei puoi, thudik amah a a um loh ziekin. Lepchieh thu a gen tieng leh, amah ngeina mawng hih a hi a, amah chuh lepchieh a hi a, lepchieh pa le ahi.

MATTHAI 13:39

buhlem thehpa kha Diabol ahi; buh ât hun chuh khawvel beihna ding ahi a, buh-âthaw chuh vânsâwlchâkte ahiu ui.

THUPHUON 12:9

Chun, Dragon lien tak, gulpi têk, Diabol leh Setan a tih uh, khawvel pumpi thempa chuh a paih tha tau a. Tichun, amah leh a sawlchakte chuh leia paihthâk khawm in a um tau hi.

MATTHAI 24:42

Khutichun, khawthengai un, na Lalpau chuh bang ni a hung ding ahi tih na he puou hi.

THUPHUON 20:10

Tichun, amau haw thempa Diabol chuh. sahang leh thiemgau lêm umna, mei leh kât dîl achun a paih tau a; tichun, kumkhuotuong in, a sun a zan a sukgimtheih in um ta’n au.

LUKE 21:34

“Amahvang chuh, chingthei un! khutilochun, nek vah tâk luot tawh, zukham tawh, damsung khawsak ngaihtuohna tawh, na lungthim uh dim val taluo kha’n tin; zie Ni chu leh, thang âwk guolin thakhat in, na chungu ah hungtung phut ina.

ZEKARIA 3:1

Chun, thiempu lien Joshua, Lalpa vânsâwlchâk maa ding leh, amah hêk dinga Setan, a changlam panga ding chuh ei etsak a.

TITA 1:8

Mi lawpdan thiem, a phalam deih mi hi ding ahi. Amah kithunun thei, diktaka um, thiengtho leh kisawizawi mi a hih ding ahi.

2 TIMOTHE 4:17

Chanchin Pha kei zieka gen kima a um theihna’n leh, Jentel te chengcheng chun a zak theihna dingun, Lalpa chun ei hum a, ei sukhat zawk ahi a, chun, sakeibaknei kama um kha hukdawk in ka hung um zaw ahi tai.

AMOS 3:8

Sakeibaknei a ngîk tieng leh kuo a lau lo a um? Lalpa Pathien in thu a gen tieng leh, kuo a hilhlawk lo a um thei ding?

TITA 2:6

Khutibang mah in, tangvalte chuh lungthim diktak pu dingin tîl ah.

TITA 2:2

Upate chuh kidêk thei, zahum, lungthim diktak, taksanna leh hehpihna leh thuokhatna nei hi dingin tîlkhoh ah.

HOSEA 11:10

“Lalpa chuh zui un tin, sakeibaknei banga ngîk ding chuh: ahi, hun ngîk ngêi intin, chun, tumlam apat in a chate chuh hung tai duom duom un au.

ISAI 50:8

Pathien chuh a nai a, ka thiemna thu chun hun sulang intin; kuo a kei ei do thei ding? Ei kimaituohpih u hen la! Ei hêkna thuu chuh hun gen u hen!

THUCHINGTE 20:2

Leng lungnatna chuh sakeibaknei kitum tawbang ahi a, kuole, a sulungna taphawt chun a hinna chan ina.

SAM LEHKHABU THE PSALMS 104:21

Sakeibaknei thahat lai haw chun a samat ding humham khum in, Pathien kienga kipat a nek dinguh a hawl sek ui.

1 TIMOTHE 2:15

Himahlele, numei chuh, taksanna leh, hehpihna leh thienthona nei a, lungthim thieng tak tawh mahni kithununa a um zing u chun, cha neihna ah hukdam in um un au.

THUPHUON 20:2

Chun, dragon, gulpi têk, (zie chuh Diabol ahim, Setan ahim a hii) chuh a man a, a kân a.

TITA 2:4

Numei naupang zaw deuhte chuh a pasalteu leh a chateu lungsiet a, thilpha hih kisin dingin tîl ah.

1 TIMOTHE 3:11

Zie tawbang mah chun, a ziteu chule, nungchang pha leh mawk holim hât hilo in; bang chenga pilvang tak leh taksanum a hih dinguh ahi.

JOEL 3:16

Lalpa chuh Zion tâng apat in kiko in tin; Jerusalem khuo apat in a aw suoh in tin; vante leh lei kilîng ina. Himahlele, Lalpa chuh a mite dingin kihumbitna hi’n tin; Israel suonte dingin kulh insang hi’n a.

1 TIMOTHE 2:9

Khutibang mah in, numei haw le, hawihtak a um a, a silhlechen thuu a chuh chingthei taka um a; kitûp taka kichei a, samphek ahim, sana kicheinate ahim, tuikawkchang mantam ahim; puon mantam tak haw a kichei lo in,

MATTHAI 4:1

Zie zawh chun Isu chuh Diabol thepa um dingin gamthip ah thagau puih lut in a um ta a.

HOSEA 13:8

Savawm a no cha’n guolin hun suol ing ka ting, hun luoi zak ing ka. Zie nung chu leh, sakeibaknei bangin a mun ah hun ne zo ing ka ting, gamsa guolin luoi tel dik dek ing ka.

1 TIMOTHE 3:2

Khutichun, sapchuom lamkai chuh, paulap bei, zi khat nei, kikhitthei, lungthim diktak pu, mi kitûp, mi lawpdan thiem, sinsak dân thiem,

MATTHAI 25:41

“Zie zawh chu leh, a veilam a mite kawm achun, ‘Hansie dawlte haw, kumkhuo mei, Diabol leh a sawlchakte dinga a guot sak uh achun nei chieh mangsan un.

MATTHAI 4:11

Zie nung chun Diabol in a taihsan ta a; tichun Vânsâwlchâkte a hung u a, a na a hung sep sak tau a.

AMOS 3:4

Sakeibaknei in gammânga sa a mat lai chauh lo chun a hum hâm ngei em? Sakeibaknei vanglai in bangmah a mat loh chun a kawhawm sung ah a ngîk dinga ahim?

DANIEL 6:24

Ziephet chun, leng chun Daniel hekte cheng chuh mat dingin thu a pie a, tichun amau haw leh a ziteu tawh, a chateu tawh sakeibaknei a dim, kul achun a paih lut tau a. Tuol a tun mau chun sakeibakneite chun a na mantan u a, a thing tâwp tâwp u a, a guh hawu chuh a sugawp dimdem u a, a kul taw le a tung man puou hi.

EZEKIEL 22:25

Sakeibaknei in hâm kawma a sapeh a lawih tel guolin na sung ah na thiemgaute phielgukna a um ahi; mihing hinna a ne zo u a; go leh thil mantam haw a kilak u a; na sung achun meithai tamtak a siem ui.

THUCHINGTE 19:12

Leng lungnatna chuh sakeibaknei kitum tawbang a hi a, a deihsakna chuh hampa chunga dâitui kie tawbang ahi.

ESTHER 7:6

Esther chun, “Ka melmapa leh ei sugimthei pa, zie migilo pa Haman hi ahi,” a ti a. Khutichun, Haman chuh lengnu leh lengpa masang achun kithing sie ta a.

VAIHAWMTE 14:5

Khutichun, Samson chuh a nu leh a pa tawh Timnah khuo achun a va chieh u a; Timnah khuo a grep huon khat hi a va tung u a, chun ngaitie, zie tak achun sakeibaknei vanglai khat hin a na ngîk a.

ZEKARIA 11:3

Belampute kahlemau git chuh ngaitie; a lopina teu chuh a sie zo ta ngâl a. Sakeibaknei kitum git khu ngaiin! Jordan gammâng chuh suksiet ahi ta ngâl a.

EZEKIEL 19:7

Chun, a kulhpi haw chuh a lawm a um ahi tih a he a; a khawpiteu chuh a suhawm zo ta a.

JEREMIA 51:38

Sakeibaknei lun lai guol in, a guol in kitum lûtlût un tin uh, sakeibaknei no bangin ngîk ngum ngum un au.

JEREMIA 2:15

Sakeibaknei vanglai te chun a ngîk u a, ngeih tak in a chung ah a kitum u a; a gam chuh a susie zo tau a, a khawpi te le a luoh ding umlo in a kâng tum zo tai.

SAM LEHKHABU THE PSALMS 109:6

Nangin amau kalh dingin minunsie kawih inla: A khut changlam ah a hektu ding hen.

AMOS 1:2

Amos chun, “Lalpa chuh Zion tâng apat chun kiko intin, Jerusalem apat in a aw chu gi dawk intin; gancha tatna munte chuh gaw zo intin, tichun, Karmel tânga hampa haw chuh vuoi zo ina,” a ti a.

THUCHINGTE 28:15

Sakeibaknei humham bang leh savawm suklungnat guolin, vaihawmtu nunsie chun mi chagahte chungah vai a hawm sek hi.

MARK 4:15

Lampi panga kie haw chuh ziehaw hi ahiu: Thu a zâk zâk un, Setan in a lungthim u a thu kitheh haw chuh a lâksak pai zieng a.

2 KORINTH 2:11

Khutilochun, Setan in I chungu ah a khut hun lek ding ahi, a thil ngaihtuoh haw chuh I haih puoh ngâl u a.

THUPHUON 12:10

Chun, van a kipat chuh aw ngeih tak in, “Tuhin chuh I Pathien uh hukdamna leh, thilhih theihna leh gam chuh a hungtung tai! Tuhin, Krista chun a thuneihna chuh a sulang tai! Tuhin, I Pathien uh masanga dinga, I suohpihteu sun leh zan a hêk sekte khah, van apat a paihthâk in a um tau hi.