1 PETER 5:6 - PATHIEN LEKHABU THIENGTHO (BSI)

⁶ Zieziekchun, a phatcha a chuh nanguh a hun chawihsân theihna dingin, Pathien khut tha hattak nuoi achun nuoilutchuh un.

1 PETER 5:6 ပူးပေါင်းရင်းမြစ်များ

JAKOB 4:10

Lalpa masang achun kingainiem un, tichun, ama’n hun chawisâng ina.

LUKE 14:11

Kingaisang ta chuh niem intin, kingainiem taphawtte chuh limbawl in um un au,” a ti a.

THUCHINGTE 29:23

Chapona chun mi a suniem a, himahleh kingainiem te chun limbawlna mu’n au.

MATTHAI 23:12

Kuole, amah kingailul ta chuh niem intin, kuole amah kingainiem ta chuh chawihsân in um ina.

LUKE 18:14

Ziephet chun Isu’n, “Ka hilh na hiu, Pharisai chuh hilo in, siehdawlpa zaw chuh in lam ah thiemchang in a kileh kit tai. Zieziekchun, kuole, kingailul ta tawm un tin, kingaitawm ta chu limbawl in um un au,” a ti a.

LUKE 1:52

Leng lopi takte chuh a lalchutphah uh apat chun a luoi tha a, dinmun niemte chuh a chawisâng ta a.

2 KHANGTHUBU 32:26

A tâwp chun, Hezekia leh Jerusalem a mipite chu a hung kingainiem tau a, khutichun Hezekia damsung chun Lalpa’n mipite chu a gawt ta puoi.

2 KHANGTHUBU 12:12

Chun, Lalpa kawma a kikhiekniem tâk ziek chun a sukmangthai loh na ding in a chunga Lalpa lungnat na chu a kithiel dawk ta a; chun, Juda gam ale thil chieh dân chuh a pha zing tai.

2 KHANGTHUBU 33:12

A thuok gimtheihna apat chun Lalpa lam a nga kit a, a pilepute Pathien masang achun nasatak in a kingainiem a.

ISAI 40:4

Guom tin chuh sun dim hi’n tin, tâng tin muol tin le sukniem hi’n a; lam kawite chuh sukzang in um intin, lam kiguol lohna haw chuh sukguol hi’n a.

JEREMIA 44:10

Tuni tieng hin a kisik nai diek puou a, nang uh hun suon te leh nanguh masanga ka taklat, ka dân leh ka thuguot haw chuh na zui puou a, lauh le na lau diek puou hi.’

SAM LEHKHABU THE PSALMS 75:10

Minunsie te kihaw chuh tan tha’ng ka ting; Mahleh, mi diktatte ki vang chuh dawpsân in um ina.

ISAI 2:11

Zie ni chuleh mi kingaisangte chuh sukniem in um untin, mi chapote chuh tawh niemin um in au; Lalpa chauh chuh chawihsân in um ina.

2 LENGTE 22:19

‘Zie mun leh a sunga chêngte hi gawt leh, hansie dawl in hung um un au, tih thu ka gen kha na zak a, na lunggilte a nem a, Lalpa masanga na kingaihniem a, na puonte na bawhthek a, ka masanga na kah ziekin, Ken le na thu chu ka na zai,’ Lalpa’n a tii.

1 LENGTE 21:29

“Ka masang a Ahab kingaihniem dân hi na mu? Ka maa a kingaihniem ziek hin amah hun sung hin thil phalo tun sak puo’ng ka ting, a chapa hun sung in vang a inkawte chungah thil phalo tun sak ing ka,” a ti a.

MIKA 6:8

Aw mihing, Lalpa’n thilpha chuh a hun hilh ta a. Lalpa’n a hun ngêk pên chuh ziehi ahi: Thil dik hih leh, lungsietna suklat zing leh, I Pathien u tawh kingainiem taka kipawlkhawm zing hi ahi.

ISAI 57:15

“Chungnung pên Pathien lopi, chawihsân a um, kumlekhuo a hing zing Amin Thiengtho kiti chun hiti hin a gen hi: ‘Mun sang leh Mun Thiengtho achun ka chênga, kingainiemte leh lunggil kisik vulvul te hihhalh ding leh lungthim thasie te chuh suhalh dingin.’

PAWTDAWKNA 10:3

Khutichun, Mosi leh Aron chuh Pharaoh kawm achun a valut u a, a kawmah, “Lalpa, Hebraite Pathien in, ‘Ka masang ah bang chan ahim kingainiem nuom lo a um na guot? Ka mite hin kei ei ho theihna dingun pawtsak in.

ROME 5:6

I hât loh lai u khan, a phatcha’n Krista chuh mi gilote sik in a na thi ta ngâl a.

DANIEL 5:22

“Himahlele nang a chapa, Belshazar hin, ziehaw cheng chuh na he ta na a, na lunggil na khieniem puoh a.

JEREMIA 13:18

Leng leh a nu kawm achun, “Kingainiem un, na lallukhuk teu a ketha ta ngâl a. Na lallukhuk uh, na lopi nau chuh” tiu in.

SAM LEHKHABU THE PSALMS 89:13

Nang chun bân thilhih thei tak na nei a; Na khut a hât a, na khut changlam chu limbawl in a um a.

2 KHANGTHUBU 30:11

Himahleh Aser te leh Manasseh te leh Zebulun te tamtak chu a na kingainiem u a, Jerusalem ah a chieh u a.

2 KHANGTHUBU 33:23

Himahleh a pa banglo tak in, kingainiem in Lalpa lam a nga kit nuom puoh a; a pa sangin a gilo zaw ta a.

2 KHANGTHUBU 36:12

Lalpa a Pathien mitmuh in thil phalo a hih sek a; Lalpa apat a thugen thiemgau Jeremia ma achun a kikawihniem nuom puoh a,

1 KORINTH 10:22

A hihloh leh, Lalpa chuh itthik dinga chawhtho I guot uh ahi maw? Amah sangin I hatzawu a ahi?

EZEKIEL 21:6

Zieziekchun, mihing chapa, mau vungvung inla, thasie takin a muh nau achun mau vungvung in

JOB LEHKHABU THE BOOK OF JOB 36:22

Ngaitie, Pathien chuh A thilhih theihna chun sang takin a chawisâng a, amah tawbang sinsakpa kuo a um le?

2 KHANGTHUBU 33:19

Chuleh, a pauchamnate leh, Pathien in a dawnna thute, a kikawihniem ma a a gitloh na chengcheng, milim ho na a siem, Asher pathien lim leh milim siemkawm a tundawkna mun chengcheng te chuh thiemgau chanchin zik na bu ah a kizik vek hi.

DAN NIHNA 32:35

Phubalak leh ditthuk chuh Kei hih ding ahi; a kalbiu ateu tieng leh, A sietna ding niu chuh a nai tai, Thil hung tung ding haw chuh a chung u ah tung pai ta’n a.

THIEMPUDANTE 26:41

Melmate khuta pie a, amau haw do ding khawpa ei suklungnat ziek un a gitlohnau chuh phuong un au. Atawp a, na tu leh chateu chuh a hung kingaihniem u a, a helnau leh a gitlohna ziek u a gawt a hih nung u chuleh,

PAWTDAWKNA 32:11

Himahleh, Mosi chun Lalpa a Pathien kawmah, “Lalpa, thilhih theihna nasatak leh, khut hattak a na mi, Aigupta gam apat a na hun puihdawkte chung ahin bangati a na lungnatna chuh sosak na hi?

PAWTDAWKNA 3:19

Himahleh, Aigupta lengpa chun khut hattak a a chamlo a thil kihih tello in hun pawtsak puo’n a tih ka hêi.

JAKOB 5:10

Suohpihte haw, Lalpa min a thugen, Thiemgaute chuh, thuokna leh thuokhat dân lam achun, etkal dingin mang un.

TITA 1:3

A hun cha chun a thu achun a hun sulang ta a. Zie a thu chuh kei kawma vawp saka um in, Pathien, I Hukdampau thupiek dungzui zel chun ka phuong dawk ta a.

EZEKIEL 17:21

Chun, a sepaihte laka a taisie chengcheng chuh chemzâm in thiu intin, a suokcha sunsun te chuh muntina thehzak in um in au; chun, kei, Lalpa hin ka na gen ahi tai tih hun hedawk in lau,” ti’n.

1 TIMOTHE 2:6

Mi chengcheng tatna dinga kipiepa chuh ahi.

JAKOB 4:7

Khutichun, Pathien thu thu’n um un. Amahvang chuh, Diabol chuh do un, tichun, hun taih mangsan ina.