1 PETER 5:5 - PATHIEN LEKHABU THIENGTHO (BSI)

⁵ Khutibang mah in, nanguh tanglak deuhte haw; upate kawmah kitulut un. A hii, na bawn uh a kizen tuoh chiet dingin, nuoilutchuhna’n kivan un; Pathien in mi husiete a do a, kingainiemte vang chuh lungsietna a pie sek hi.

1 PETER 5:5 ပူးပေါင်းရင်းမြစ်များ

JAKOB 4:6

Himahlele, Pathien in hehpihna ei piek chuh a hât zawsem ngâl a. Pathien Lehkhabu’n, “Pathien in mi husiete a do a, mi kingainiemte vang chuh vang a pie sek hi,” a tih guolin.

THUCHINGTE 3:34

Muhsit chîngte chuh a musit sek a, himahleh, kingainiemte chuh zahngaihna a pie sek hi.

EPHESI 5:21

Krista na limbawlnau in kitulut tuoh chiet un.

ROME 12:10

Suohpihte, kihehpihna lam achun, kihehpih takin kilainat tuoh chiet un; kilimbawlna lam achun, kideihsak tuoh chiet un.

PHILIPPI 2:3

Nangmau a ding mai ngaihtuoh a kiletsak zieka bangmah hih lo in. mi tinin kingainiem takin, amah sanga mi dang phazaw’n ngai chiet he’n;

KOLOSSA 3:12

Khutichun, Pathien mi tel, mi thiengtho leh deih takte bangin, kilungsietna lunggil haw, zahngaihna haw, kingaihniemna haw, lungchuolna haw, thuokhatna haw chun kivan un.

ISAI 66:2

Zie thil haw cheng hi keimah khut ngeia ka siem ahi a! tichun, keia ahi tau hi, Lalpa’n a tii. Himahleh, mi gimthei, thagau a kisik tuntun leh ka thu a kithing sek te lam chuh en zawng ka.

ROME 13:14

Lalpa Isu Krista chun kithuom zawu inla, na phehlevo utnau pitin dingin bangmah hih kiu.

1 PETER 4:5

Amau haw chun, mihing leh mithite ngaihtuoh dinga kisazosa, Pathien kawm achun a chanchin uh hun gen ding ahiu hi.

ISAI 57:15

“Chungnung pên Pathien lopi, chawihsân a um, kumlekhuo a hing zing Amin Thiengtho kiti chun hiti hin a gen hi: ‘Mun sang leh Mun Thiengtho achun ka chênga, kingainiemte leh lunggil kisik vulvul te hihhalh ding leh lungthim thasie te chuh suhalh dingin.’

HEBRAI 13:17

Na chunguh a lawiupate thu’n nung un la, a thu thuu in um un. na chungthuu gen ding a hih ziekun, chawllo in, na thagau uh a hun ven sak uh ahi ngâl a. A thuu na zawp uh chun vang, kipâk kawmin na sem un tin; khutilo a, lungkham tak kawma a gen u chun chuh, nang haw dingin khawk ding ahi ngâla.

THIEMPUDANTE 19:32

“Luchang a kelsam kekte masanga chuh na din zel sek ding ahi a, têk mel chu na zah ding ahi; tichun, Pathien zah hiding na hiu hi. Kei hi Lalpa chuh ka hi.

1 PETER 4:1

Khutichun, Krista’n taksa ngeia a thuok ziekin, nanguh le zie tawbang ngaihtuohna chuh nei in, kisuhat un: kuole, taksapum ngeia thuoksa te chun gitloh a haihsan sek ngâl a.

SAM LEHKHABU THE PSALMS 132:9

Na thiempute chu diktatna’n kivan u hen la; Na mi thiengthote chu lawp in kiko u hen.

JOB LEHKHABU THE BOOK OF JOB 29:14

Kitûpna puon in ka kithuom a, ei tuom vel u a, Ka dikna chuh puonâk chuol leh dielkawp in ka mang a.

JOB LEHKHABU THE BOOK OF JOB 22:29

Midang te chuh tawhniem a a um tieng u leh a chapo ziekuh ahi na ti a, Mi kingainiemte chuh a hukdam sek ngâla.

ISAI 61:10

Lalpa achun nasa takin kipâk ing ka ting, ka lungthim le ka Pathien chung ah kipâk in a; amah chun hukdamna puon ei silh saka, diktatna puonâk chuol in ei thuom ta ngâla. moneipa chuh pakchavui a a kithuom a, mo chuh sana khite a a kichei bangin.

2 KHANGTHUBU 6:41

Aw Lalpa Pathien, na Ho-In mun achun chieh to in, nang leh thugawlh kawihna thingkuong chu lut in, Aw Lalpa Pathien, na thiempu te hukdamna’n van inla, na mi thiengtho te chu phatna achun kipâk u hen.

SAM LEHKHABU THE PSALMS 132:16

A thiempute chuh hukdamna’n thuom ing ka ting: A mi thiengtho haw chuh kipâk takin kiko un au.

SAM LEHKHABU THE PSALMS 138:6

Lalpa chuh chungnung tak ahi na a, mineute le a limsak zel sek a: Himahleh, mi kisathei haw chuh gamla taka kipan in a muchien sek hi.

EZEKIEL 26:16

Tuipi chunga hotu namtinte chuh a lalchutphah u apat kum intin un, a puon thupi teu kawih dawka, a puon cheihawihteu hâwktha a, kithinna a kithuom in leituol ah puk intin un, na chunga thil tung chuh maksa’n kithing kithing zieng in au.

LUKE 22:26

Himahlele, nang haw vang chuh khutibang chuh hi ding nei puou ui; na lak u a lopipen chuh a naupangpen guolin um hen la, a lalpen chuh a tawiviel pên in um hen.

1 TIMOTHE 5:1

Teksie deuhte chuh gai ki’n la, pa bangin thêm zawh; tanglak deuhte chuh suohpih bangin,

1 PETER 3:8

A chaihna kêi in, na bawn un lungthim munkhat in um unla, kilainat tuoh unla, suohpih bangin kihehpih unla, kilungsiet tuoh unla, nuoilut chuh in um un.

THUCHINGTE 25:7

Mi lopite masanga sukniem a um sangin; “Zie lam ahin hung chun la, chutna pha ahin hung chu to tie” tih chuh nanga dingin a phazawi.

DANIEL 11:12

A gâlhât na ziek leh sepaih tamtak a thahna ziek chun kisuong mah mah intin, himahleh guolzawhna chuh chang den puo’n a.