1 PETER 5:4 - PATHIEN LEKHABU THIENGTHO (BSI)

⁴ Tichun, Belam Chingpa Lalpen chuh a hung kilak tieng leh, lopina lallukhuk, tuoi theilo chuh mu’n lau.

1 PETER 5:4 ပူးပေါင်းရင်းမြစ်များ

JAKOB 1:12

Thepna thuok hâm hâmte chuh a kipâk ui, patepa a um nung leh, hinna lallukhuk, Lalpa’n amah hehpihte kawma a tiem chuh mu ding ahi.

1 KORINTH 9:25

Guolsiek bawlna haw achun a bawl hâm hâm ta chuh bangakai ah a kidêk sek ui; amau haw chun lallukhuk sie thei mu dingin a bawl u a; ei uh vang chun Lallukhuk sie theilo mu ding I hi ngâl u a.

1 JOHAN 3:2

Deihtakte, tuhin Pathien chate I hiu a, bangti’n a I um dinguh tih vang a kichien tadih puoi; amah a hung kilak tieng le vang, amah bangin ki-um ina tih vang I heu hi, amah chuh a um ngei bang banga mu ding I hi ngâl uh a.

2 TIMOTHE 4:8

Tuhin chuh diktatna Lallukhuk chuh kei dingin kawih in a um ta a, zie chuh Lalpa a ngaihtuohpa diktat chun zie Ni chu leh ei pie’n a; kei kawm mah ah hilo in, a kilâkna ngai ta chengte kawma le hi’n a.

1 PETER 1:4

Go sie theilo, buok beklo, tuoi theilo van a nanguh dinga kawih a um chuh luoh dingin,

THUPHUON 3:11

Hung vak zieng ding ka hi, kuoma’n na lallukhuk chuh a hun lâksak lohna dingin, na thil neihsa khah vawp bit ah.

THUPHUON 2:10

Na thil thuok ding haw hi lau ki’n; ngaitie, patepa na um theihna dingin, Diabol chun na lak uh a mi khenkhat chuh suongkul a hun khum ding a hii; tichun, ni sawm sung gimtheihna thuok unlau. Himahlele, thih tiengin taksanum in na um in, tichun, hinna lallukhuk chuh hun pie’ng ka.

1 PETER 2:25

Belam mang guola mang na hiu a, himahlele, tuhin vang chuh, na thagau uh chingpa leh vawppa chuh zui dingin a kawm lam achun na kîkkit tau hi.

DANIEL 12:3

Chun, a chingte chuh van vak guolin vak un tin, mi tamtak diktatna lama kilehhei sak kitte chuh aksite bangin kumkhuotuong in vak tan au.”

ISAI 40:11

Amah chun belam chingpa bangin, a belamte chuh veng intin; belam note chuh a khut nih in pawm intin, a ângsung ah kawih in tin, chun, a pi-nokaite chuh awlcha cha’n chiehpih dên dên ina.”

1 PETER 5:2

Na lak uh a Pathien belam hawn um chuh enkawl un; hih ding mawng a hih ziek hilo in, Pathien phasak lam dungzuia ut kawm zaw’n, lepna diklo deih ziek le hi diek lo in, sep utna lunggil nei kawm takin,

HEBRAI 13:20

Chun, Chamna Pathien, I Lalpau Isu Krista mithi lak apat kaithopa, kumsawt thugawlhna thisan zâla belam Chingpa Lien chun,

EZEKIEL 37:24

Ka suok David chuh a chung u ah leng hi’n tin, a bawn u a chungah belam chingpa khat um ina: ka dante zui intin un, ka dân siemte nit intin un, hih in au.

SAM LEHKHABU THE PSALMS 23:1

Lalpa chuh ei chingpa ahi a, tasam hiel puo’ng ka.

ZEKARIA 13:7

“Aw chemzâm, kipan inla, ka belampu leh ka na seppih pa chuh do ah! Belampu chuh zêp inla, belam hawn chuh dalh u hen. A note chung achun ka khut tha ding ka hi.

THUPHUON 1:7

Ngaitiem u, amah chuh meipi haw chunga hung ding ahi ie! Mit tin chengin amah muu un tin uh, amah sunte mawng khan tawh; khawvel a nam chengcheng in le amah kahcham un au. A hi. Amen!

JOHAN 10:11

“Kei belam chingpa pha ka hi, belam chingpa pha’n belamte dingin a hinna a pie sek hi.

EZEKIEL 34:23

Chun, a chung u ah belampu khat kawih ing ka ting, ka suok David ngêi chuh; amah chun amau chuh vak intin, amau chingpa hi’n tin, amau chuh vak ina.