1 PETER 5:3 - PATHIEN LEKHABU THIENGTHO (BSI)

³ Pathien gochan haw chungah kilalsak lo in, belam hawn ettawn dingin kisiem zaw’n, lawi un.

1 PETER 5:3 ပူးပေါင်းရင်းမြစ်များ

SAM LEHKHABU THE PSALMS 33:12

Lalpa Pathien a nei nam chuh a hamphau hi; A mah go luoh dinga a tel mite chuh.

SAM LEHKHABU THE PSALMS 74:2

Malai pek a na na châwksa na mi kikhawm haw kha hezing in, Na go dinga na tatdawk namte khah; Na chênna Zion tâng chuh hezing in.

EZEKIEL 34:4

A zawngkhal haw la na suhat puou a, a damlo haw na sudam puou a, a keng bawng haw na tuom puou a, a vakmang haw na hun puikit puou a, a mang haw le na hawl diek puou a; khauh tak leh nunsie takin na enkawl zawu a.

MIKA 7:14

Lalpa, na mi telte a ding hin belampu leh mawlh hi’n la. Na go luoh gan guolte chuh na mawlh in veng in la; amau mai a gammâng leh huon gam lailung a chêngte chuh, malai nite guol khan Bashan leh Gilead gama hamhing mun haw achun kivâk u hen.

KISIMNA 18:7

Himahleh, nang leh na chapa te hin maichâm leh puonzak sunga na thiempu nasep u chuh tihtakzet a nasep dinguh ahi; thiempu nasepna hi thilpiek a ka hun piek ahi a; gamdang mi a hung kigawlh khak chun suklup ding ahi” a ti a.

JOHAN 13:15

Na chung u a ka hih guola hi, nang haw’n le na hih na dingun ka hun lam pat sak ahi.

NASEPTE 20:28

Pathien sapchuom haw, amah thisan a a châwkte chuh vak dingin, nangmau haw leh na belam hawnteu chung achun chingthei un, Thagau Thiengtho in amau haw enkawl dinga a hun siem na hiu hi.

1 KORINTH 11:11

Himahleh, Lalpa a I hinnau a hin, numei chuh pasal lo in a um thei puoh a; pasal le numei lo in a um thei kit diek puoi.

1 KORINTH 3:5

Apollos chuh kuo ahi leh? Paul chule kuo a hi? Nang haw, ginna lama hun pui dinga Pathien suokte ka hi chauh uh a puo! Zie chule, Lalpa’n keimau kawm chieta ei piek guol zelin ka sep uh ahi nalai hi.

1 KORINTH 3:9

Kei u chuh, Pathien naseppihte ka hiu a, nang haw Pathien lo ma chuh na hiu ui. Chun, Pathien insakte le na hiu hi.

2 KORINTH 1:24

Na taksan tei dinguh ahi ti a, na chung u a hun hih ka hi puou a; taksanna achun na ding det ui tih ka heu a. Nangmau mawng kipahna dingin. nang haw tawh sem khawm ka hi zawu hi.

2 KORINTH 4:5

Ka thugen u hi keimau chanchin ahi puoh a, Krista Isu chuh Lalpa ahi tih ka gen zaw sek uh a, chun, keimau ngêi hile, Isu vangin na sawntawlawi uh ka hiu tih ka gen zawk sek uh ahi.

DAN NIHNA 32:9

Lalpa chanvo chuh a mite ahiu; Jakob suonte chuh a gochan ahiu.

PHILIPPI 3:17

Suohpihte, ka umdan late hung hiu un, nang haw dinga ettawn ding kei haw nei nei u a, ka umdan bang u a umte chuh entawn un.

PHILIPPI 4:9

Na thil sin hawu, na thil muh hawu, na thil zak hawu, keimah a na thil muh hawu khale, zie tawbang ngêi kha hih sek un; tichun, lungmuonna Pathien chun nanguh hun umpih hen.

1 THESSALONIKA 1:7

Khutichun, Makedonia leh Akaia gama gingchate chengcheng ettawn na hung hi tau kha.

2 THESSALONIKA 3:9

Nei panpihnau ngek thei lo ka hih ziekuh hilo in, nanghaw’n na zuih ding u a, hun tatmuh dingin ka hih zawk uh ahi.

1 TIMOTHE 4:12

Na chapanna kuoma’n ngaidau kihen, thugen lama le, tawihzie lama le, hehpihna lama le, thagau lam ale, taksanna lama le, thienthona lama le a gingchate tatmuh hi zaw’n.

TITA 2:7

Langkhat a pang te laka mi’n I chunguh a thu phalo himhim gen ding a neih loh ziekuh a a zahchâk theihna dingun,

1 PETER 2:9

Himahlele, khawthim apat a pawt a, a vak maktak a lut dinga hun sampa phatna chuh na etsak theihna dingun, nanguh vang nam ten, leng thiempute, nam thiengtho, Pathien mite ngêi; na hung hi tau hi.