1 PETER 5:2 - PATHIEN LEKHABU THIENGTHO (BSI)

² Na lak uh a Pathien belam hawn um chuh enkawl un; hih ding mawng a hih ziek hilo in, Pathien phasak lam dungzuia ut kawm zaw’n, lepna diklo deih ziek le hi diek lo in, sep utna lunggil nei kawm takin,

1 PETER 5:2 ပူးပေါင်းရင်းမြစ်များ

TITA 1:7

Sapchuom lamkai chuh Pathien nasep enkawl pên a hih ziekin dem umlo a hih ding ahi. Amah kithusak, lungna vak, zungawlvei nuom, mivelh nuom, lepna diklo a huoiham mi hi lo ding ahi.

1 TIMOTHE 3:8

Khutibang mah in, sapchuom nasep panpihte chuh, mi zahum hi ding ahiu hi; Kamtam te, uain heh te, lepna diklo a huoiham te ahi dinguh ahi puoi;

TITA 3:1

Vaihawmtute leh thuneitu te nuoia kitulut ding leh, a thuu zawp ding leh, thilpha bawlna lam chenga kisazo ding leh,

1 TIMOTHE 3:3

zungawl vei lo, thagumsuoh chîng lo, mi nunnem leh kinakpih ding hawl lo; dangka sum ngailul lo;

1 KORINTH 9:7

Sepaih kuo a, amah kivak a gâl kap sek? Kuo a, a gah ne sam lo a grep huon bawl sek? A hihloh leh, kuo a gan guol vak ngâla a nawitui nelo?

2 PETER 2:3

Chun, sumduh ziekin, lepchieh thu’n sumkawlveina’n hun mang un tin; himahlele, masang apat a a chungthuu tanna ding chuh guot zawhsa ahi ta a, amau haw hihsie ding pa chu le a ipmu diek puoi!

HEBRAI 12:15

Pathien hehpihna apat a kiheimang lo dingin kivêng phau un. Na lak uh a kuoma’n, khatna zung bang ahim hung khang dawk a, zie thihna gu a chuh buoina nasatak hun suohdawk sek bang hih hi hiel kiu in.

EZEKIEL 34:31

“Chun, nang haw chuh ka belamte, ka gan tatna muna belamte chuh na hiu a; ka mite na hiu a, kei hi na Pathien u chuh ka hi, Lalpa Pathien chun a tii,” ti’n.

TITA 1:11

Ziehaw kam chuh hup sak ding ahi, lepna diklo deih ziekin, thu sinsak loh ding pi sinsak in, mi a inkuon kuon un a chawk chavai sek ngâl u a.

LUKE 12:32

“Lawi tawmte haw, lau kiu in, nang haw kawma gam piek ding hi na Pau kipahlam tak a hi ngâl a.

MALAKI 1:10

“A thâwn mai a ka maichâm a chuh mei a kidet lohna dingin, na lak u a khat hin, Ho-In kawtkhak hi khâk zaw mai leh ka ut hi. Na chung u ah kipahna himhim ka nei puoh a, na khut u apat in thillat chule pawm diek puo’ng ka, Lalpa Bangkim hihthei chun a tii. Na chungu ah ka kipâk puoh a, ka kawma na thillat teu le pawm lo ding ka hi, Lalpa’n a tii.

ZEKARIA 11:17

Belampu mattakloh, a belam te taihsan te chung chuh a gik hi! Chemzâm chuh a khut leh a mit changlam achun chu hen la, a bân chuh gaw zo vek hen la; a mit changlam chuh thim chak kêi hen! ti’n.

MIKA 7:14

Lalpa, na mi telte a ding hin belampu leh mawlh hi’n la. Na go luoh gan guolte chuh na mawlh in veng in la; amau mai a gammâng leh huon gam lailung a chêngte chuh, malai nite guol khan Bashan leh Gilead gama hamhing mun haw achun kivâk u hen.

MIKA 5:4

Amah a hung tieng chuleh, Lalpa apat a hatna leh, Lalpa Pathien lopina ngêi chun, a mite vaihawm sak ina. Lei chung pumpi a mi chengcheng in a lopina chuh a het tâk ziekun, amau chuh bit takin um zing un tin; amah chu lei tâwp chanin lopi ding ahi ngâla.

MIKA 3:11

Khawpi a lawiupate chuh gawlhgukna kinem in vai a hawm tau a. Thiempute chun lawh kinem in dân a sinsak u a; thiemgaute chun, dangka muh kinem in kilâkna thu a gen u a, a bawn u chun, Ka kawmah Lalpa a um hi, a ti chiet u a. “Ka chunga ah thil phalo hungtung puo’n a, Lalpa chuh ka kawm u ah a um ngâl a,” a ti tei tei u a.

EZEKIEL 34:23

Chun, a chung u ah belampu khat kawih ing ka ting, ka suok David ngêi chuh; amah chun amau chuh vak intin, amau chingpa hi’n tin, amau chuh vak ina.

JEREMIA 13:17

Himahleh, na ngaihthak loh u chun na chapona ziekun ka hinna hi a gûk in kap in a. Ka mitthitui nasatak in luong zing in tin; Lalpa belam hawn chuh sala puih ahih tâk ziek un.

JEREMIA 6:13

A neupen apat a lienpen tieng in mitin chuh lawkna diklo in a huoiham u a; thiemgaute leh thiempute nasan chule, mitin in diklo takin a hih tau hi.

ISAI 63:11

Zielai chun, a mite chun, tuma lama Lalpa suok Mosi hun laite kha a hezing u a, hiti hin a tiu a “Tuisuohgiet apat a a belam hawn chingte tawh amau haw puidawkpa kha khawia um ahi ta’m? A Thagau thiengtho a lak u a kawihpa kha khawia um ahi ta?

ISAI 56:11

Ahi, uicha chuh a gawlsan a, ahun tai tih himhim a nei puou a; zie chuh belampu hetna neilote chuh ahiu a. amau lampi chiet ah a kihei u a; abawn un, amau lawkna ding chiet a kingaihtuoh ui.

ISAI 40:11

Amah chun belam chingpa bangin, a belamte chuh veng intin; belam note chuh a khut nih in pawm intin, a ângsung ah kawih in tin, chun, a pi-nokaite chuh awlcha cha’n chiehpih dên dên ina.”

ISAI 6:8

Ziephet chun, “Kuo a ka sawl ding, kuo a ei u dinga chieh ding?” ti’n Lalpa aw chuh ka za a. Tichun, ken, “kei zie hin ka um hi, ei sawl in,” ka ti a.

SOLOMON LA 1:8

Na hetloh chun, aw nang numei laka hawihpen, ganguol kengnung chu zui inla, belampute puon-In sika chun na kelnote vak in.

PHILIMON 1:14

Abang hileh, nang lung lo in bangmah hih ka nuom puoi; nangmah phasakna ngeia na hih chuh ka hun deihsak zawk ahi. Zieziekchun, nangin lem na sak loh chun bangmah hih puo’ng ka.

TITA 2:14

Amah chuh sukkhelhna chengcheng lak apat ei hukdawk ding leh, amah a mai hi a, a mi thiengthote I hih theihna dingun leh, thilpha hih a phachuom ngai dingin I sik un a hung kipie ta a.

ROME 1:15

Khutichun, nanguh Rome khuo a umte kawm ale Chanchin Pha ka zawh chana gen dingin ka kisazo zing hi.

NASEPTE 21:13

Himahleh, Paul chun, “Bang na tiu a ahim, na kah na kah uh a, ka tha na suksiet uh? Lalpa Isu min ziek chun, Jerusalem khuo ah kân maicha hi puo’ng ka ting, thih le hung thi ding ka hi a puo!” a ti a.

JEREMIA 13:20

Khawdak unla, mâllam a pata hung te khu vak en tie, Na kawma Belam hawn hun kipie haw kha khawi a um ahi ta, belam guol deihum tak haw khah?

JEREMIA 8:10

Zieziekchun, a ziteu chuh midang kawmah pie’ng ka ting, a lo hawu chule a hun luoh zo dingte khuta pie ding ka hi. A lienpen apat a a neupen tiengin mitin chuh awhchâk na’n a dim u a, thiemgaute leh thiempute tieng in mitin in lepchieh in na a sem ui.

KISIMNA 18:7

Himahleh, nang leh na chapa te hin maichâm leh puonzak sunga na thiempu nasep u chuh tihtakzet a nasep dinguh ahi; thiempu nasepna hi thilpiek a ka hun piek ahi a; gamdang mi a hung kigawlh khak chun suklup ding ahi” a ti a.

NASEPTE 20:29

Ka chieh nung leh, ngei hâng haw na laku ah hung lut untin, belam hawn chuh sit puo’n au tih ka hêi.

2 LENGTE 12:6

Himahlele, Leng Joash chun kum sawmnih leh kum thum vai a hawm nung in le, thiempute chun Ho-In chu a siempha diek puou a.

EZEKIEL 46:24

Chun, amah chun ka kawmah, “Ziehaw hi an huonna In ahi a, Ho-In a nasemte’n mite kithawihna sa a huonna mun u chuh ahi,” a ti a.