1 PETER 5:14 - PATHIEN LEKHABU THIENGTHO (BSI)

¹⁴ Krista lungsietna a kichawp in, khatlekhat kichibai un. Na lak uh a Krista a um ta chengte kawm achun chamna um hen.

1 PETER 5:14 ပူးပေါင်းရင်းမြစ်များ

ROME 16:16

Kichawp thiengtho in kichibai un. Krista a Sapchuom haw lawi cheng chengin a hun chibai ui.

EPHESI 6:23

Pa Pathien leh Lalpa Isu Krista kawm apat, kichamna leh taksanna tel, hehpihna chuh suohpihte kawma khan um hen.

ROME 8:1

Khutichun, tuhin vang Krista Isu a umte ding chun, mawh chansakna himhim a um ta puoi.

1 KORINTH 16:20

Suohpihte chengcheng hin a hun chibai na hiu hi. Kichawp thiengtho in kichibai chiet un.

ROME 1:7

Pathien deihtak, mi thiengtho hidinga sap Rome khuo a um cheng chengte kawmah: Pathien I Pau leh Lal Isu Krista apat chun hehpihna leh lungmuonna na kawm u ah um hen.

2 KORINTH 5:17

Zieziekchun, kuole. Krista a um chuh, a kisiemthak a hung hi ta a, thil lui chengcheng chuh a mang ta a, ngaitiem u; a hung thak kit tai!

1 KORINTH 1:30

Himahlele, nang haw vang chuh, amah zalin Krista tawh pumkhat in a hun siem a, amah chuh Pathien apat ei uh a ding a chitna, diktatna, thienthona leh tatdawkna dinga siem ahi.

JOHAN 20:26

Chun, ni giet nung in, Sinsakte chuh In sung ah a umkhawm kit u a, Thoma le a laku ah a um ta a. Kawthaw chuh khaksa ahi a, himahleh, Isu a hung a, a laku ah a hung ding a, a kawm u ah, “Na chungu ah lungmuonna um hen,” a ti a.

JOHAN 20:19

Chun, zie ni, ni sagih ni masapen a nitâk lam a hung hih phet chun, Sinsakte chuh Judate a lauh ziekun, kawt kisungkam khum in a um khawm u a. Zie chun Isu a hung a, a laku ah a hung ding ta a, a kawm u ah, “Na chungu ah lungmuonna um hen,” a ti a.

JOHAN 16:33

Zie thu haw hi na kawm u ah ka gen ta hi, keimah a na um ziek u a lungmuonna na neih theihna dingun. Khawvela hin dahum thuok in na um sek ui. Himahlele, kipâk takin um un, ken khawvel ka zo tai,” a ti a.

JOHAN 14:27

“Lungmuonna ka hun nutsieh na hiu hi; keimah lungmuonna ka hun piek na hiu hi; khawvel in a hun piek guolin ka hun piek na hi puou hi.

1 THESSALONIKA 5:26

Suohpih cheng chengte khah, châwp thiengtho in nei hun chibai sak un.

2 KORINTH 13:12

Suohpih kilungsiet na a kichawp thiengtho in khat leh khat kichibai un.

1 PETER 1:2

Isu Krista thisan theh khum zâla thu zawp ding leh Thagau Thiengtho a sukthientho, Pa Pathien hetlawk dungzuia teldawkte kawmah, Hehpihna leh thamuonna na kawm u ah sukpun in um hen.

MATTHAI 5:47

Chun, na suohpihteu mai na chibai u hin mi dangte sanga banga na hih phat diek uh? Siehdawlte nasan in zie bang chuh a hih sek uh hilo maw?

3 JOHAN 1:14

Chawmlo kal a hun muh ka kinema, zie tieng chuleh kimaichangtuoh in holim nai ti.