1 PETER 5:12 - PATHIEN LEKHABU THIENGTHO (BSI)

¹² Ka suohpihpa, taksanum taka ka ngaih, Silvanas kithuohpihna zalin, zie lehkhathawn chawmcha hi na kawmuh a ka hun zik ahi. Nang haw hun tîlkhoh nuom leh, ziehi Pathien hehpihna tak tak chuh a hii tih, ka hetpihna thu hun hilh ka nawp a hii. Ziehaw achun ding det un.

1 PETER 5:12 ပူးပေါင်းရင်းမြစ်များ

HEBRAI 13:22

Himahlele, suohpihte, zie kitilna thu hi ngaitha hâm hâm dingin ka hun ngên hi. Na kawmuh a thu tawmcha cha ka hun zik ahi.

NASEPTE 11:23

Amah chuh a va tun phet chun, Pathien in a mite a lungsiet zie chuh a mu a, a kipâk mah mah a, Lalpa a dinga ginum tak leh, tupna det taka um zing dingin, a bawn u chun a tîlkhoh ta a.

2 KORINTH 1:19

Pathien chapa Isu Krista, a thu, kei leh Silvanas leh Timothe’n, na lak uh a ka gen u khah; “A hi” tih leh “A hi puoi” tih ahi gêl gêl puoh ngâla; Pathien achun, “A hii” tih ahi zawi.

1 KORINTH 15:1

Chun, suohpihte, tuhin, Chanchin Pha na kawm u a ka gen, zie chuh na na lawp u a; ginna det taka na dinnau ngêi khah hun hetsak kit ka nawp ahi.

NASEPTE 20:24

Himahlele, kitaihsiekna lampi, ka maban muolsuoh ding leh, Pathien lungsietna Chanchin Pha phuong dinga Lalpa Isu’n nasep ding ei piek chuh sem buting phawt leng, ka hinna le thaklah takin ka ngai puoi.

2 THESSALONIKA 1:1

Paul leh Silvanas tawh Timothe apat chun Pathien I Pau leh Lalpa Isu Krista a um, Thessalonika khuo a Sapchuom haw lawi kawmah;

1 THESSALONIKA 1:1

Paul leh Silvanas tawh Timothe apat chun: Pa Pathien leh, Lalpa Isu Krista sapchuom, Thessalonika khuo a umte kawmah: Lungsietna leh chamna um hen.

JUDA 1:3

Deihtakte, a tângpi a hukdamna I chan danteu thu khah na kawmuh a hun zik ka guot lai takin, mi thiengthote kawma taksanna thu khatvei vawp saka umna thu lam ah chun, thanuom taka bawla, nanguh hun tîl dingin, na kawmuh a lehkha zika taimat suoh ding tih, ka hun he dawk a.

3 JOHAN 1:12

Demetria chun mi cheng cheng pahchak a lawh a, thutak mawng chun le a hetpih ahi. Chun, kei un le ka hetpih u a, ka hetpihnau hi a dik hi tih na hêi.

2 PETER 2:15

Beor chapa Balaam, lawh deihna zieka thil sukhielpa lampi chuh a hawh tâk ziekun, lampi dik chuh a pet mangsan tau a, a vakmang tau hi;

2 PETER 1:12

Chun, thutak na muh uh khah na hetsau leh, zie a chuh dettaka um hita mahleu chin le, zie thu haw khah hun hetsak kit zing ding ka hi.

KOLOSSA 4:9

A taksanum dingin, suohpih taksanum leh deihtak, nangmau haw laka mi ngêi Onesma hi tawh. Amau chun, zie lama thil umzie chengcheng hi nanguh hun hetsak na’nau.

KOLOSSA 4:7

Lalpa a suohpih deihtak, zenvielpa taksanum, ka suok chanpih uh Tukika hin ka chanchin cheng chenguh, nanguh hun hetsak ina.

KOLOSSA 1:7

Chun, Epaphra, ka namkawl puokpih uh deihtak, keihaw sika Krista zenviel taksanum tak apat hin, Pathien hehpihna chuh na na za tau a.

EPHESI 6:21

Himahlele, nang un le bangti’n a ka um, tih na het theihna dingun, Tukika, Lalpa a suohpih deihtak leh zenvielpa taksanum tak hin, bangakai hun hetsak ina.

EPHESI 3:3

Pathien in a thil guonggalh gûk chuh phuong dawkin, ei hetsak ahi tai. Zie thu chuh chawmcha’n ka hun zik a;

2 KORINTH 1:24

Na taksan tei dinguh ahi ti a, na chung u a hun hih ka hi puou a; taksanna achun na ding det ui tih ka heu a. Nangmau mawng kipahna dingin. nang haw tawh sem khawm ka hi zawu hi.

ROME 5:2

Amah ziek mah chun, zie lungsietna a I din detnau ahin, taksanna’n I lut tau a; Pathien lopina kinem in kipâkin um hitiu.

JOHAN 21:21

Peter in amah chuh a muh phetin Isu kawmah, “Lalpa, zie pa hin bang a hih die?” a ti a.

NASEPTE 15:22

Chun, sawlchakte, upate, sapchuom chengcheng chu tawh kigawm in, a lak u a mi tel a dawk u a, Paul leh Barnabas chu tawh Antiokei khuo a sawl pha a sau a. A telteu min chuh, Juda (Barsabas a tih uh) leh Silas a hiu a, ziete chuh suohpihte laka lawiupa deuh te ahiu hi.

1 PETER 1:13

Zieziekchun, na lungthim uh puontum chengin, pilkieu unla, Isu Krista a hung kilak tieng leh, vangsakna a hun piek ding chuh lungthuoi lo in kinem zingun.

1 PETER 4:10

A mitakip in, thilpiek na muh dungzui un, Pathien lungsietna tincheng vawp sawntawlawi phate bangin, zie chun kizenviel tuoh chiet un.