1 PETER 5:10 - PATHIEN LEKHABU THIENGTHO (BSI)

¹⁰ Chun, lungsietna Pathien, a kumsawt lopina chang dinga Krista a nanguh hun sampa chun, chawmkhat na thuok nung uh leh, hun siempha bukim in, hun sudet in, hun suhat ina.

1 PETER 5:10 ပူးပေါင်းရင်းမြစ်များ

2 KORINTH 4:17

Chun, zie buoina neucha, mitphetlohkal a beimang ding ka thawk u hin, zie buoina sanga leh tamtak a nasa leh, kumsawt a lopina mun achun ei tun ding ahi ngâl a.

2 THESSALONIKA 3:3

Himahlele, Lalpa chuh a taksanum a, amah chun hun suhat in, Thil gilo laka kipat chun nanguh hun vengbit ina.

JUDA 1:24

Tichun, na kipalpuk lohna dinguh a hun veng thei leh, amah lopina ângsung a nin beklo hiela, kipâk taka nanguh hun tun theipa,

SAM LEHKHABU THE PSALMS 138:7

Buoina lak ah leng mahleng le, ka melmate lungnatna lak apat nangin nei vengbit a: Ei dote lungnatna suol ding in na khut zak in na tin, Na khut changlam in nei hukdam in la.

1 TIMOTHE 6:12

Taksanna kitaihsiekna pha chuh bawl inla, kumsawt hinna chuh changin, zie chang dinga chuh sap na hi a, hetpih tamtak te mitmuh achun dettak in na phuong ta kha.

2 THESSALONIKA 2:17

hun tîlkhoh in, thilhih leh thugen phat tin cheng ah hun suhat ta hen.

2 KORINTH 13:11

A tawpna dingin, suohpihte, chibai! ka hun ngetna hi ngaithau unla; Pha bukim in um guou in, kituok takin um unla; thamuong takin um un. Hehpihna leh, chamna Pathien chuh na kawm u a um ding ahi.

1 KORINTH 1:9

Pathien, a chapa Isu Krista, I Lalpau tawh pumkhat hi dinga nang haw hun sampa, Pathien ngêi chuh taksan ding ahi.

1 THESSALONIKA 2:12

hun lungmuon a, hun hettuoksak zinga, na chung chiet u a ka hih zieu kha na he ngâl u a.

ROME 16:25

Pathien chuh lopina piei tiu. Amah chun, Chanchin Pha, Isu Krista chanchin ka gen guol ngêi leh, tuma a pata na kisel gu, thudik hung kiphuong dungzui chun, na taksannau achun a hun sudet thei ngâl a.

ZEKARIA 10:12

Chun, amau haw chuh suhat ing ka ting, amah min in asuk ato in chieh un au,” Lalpa’n a tii.

ZEKARIA 10:6

Chun, Juda insung chuh suhat ing ka ting; Joseph insung chuh hukdawk ing ka, puikit ing ka ting, amau haw ka lainat ngâl a. Ka paih thak loh bang mai in, Kei, Lalpa a Pathien u chuh ka hi ngâl a, a pauchamnateu chuh dâwng ing ka.

2 PETER 1:3

Amah lopina leh phatna zâla ei sampa, a chanchin het ziekin, a Pathien thilhih theihna’n, hinna leh Pathien khawksakna lam thu ah chun, thil chengcheng ei pie ngâl a.

1 PETER 1:15

A hun sampa chuh a thientho bangin, nanguh le, na nunlekhan u ah na thiengtho zaw tau un;

PHILIPPI 4:13

Ei suhatpenpa achun thil bang cheng ka hih thei ahi.

2 TIMOTHE 2:10

Krista Isu zâla hukdamna chuh, kumlekhuo a lopina tawh a muh theihna dingun, Pathien mi telte ziekin thil bang cheng chuh ka thuok muolsuok sek hi.

2 THESSALONIKA 2:14

Zie a ding chun Pathien in, Chanchin Pha ka genteu hin a hun sap na hiu hi; Lalpa Isu Krista lopina chang ding leh, kikawppih dingin a hun sap na hiu ui.

LUKE 22:32

Himahleh Simon, na taksanna a beih lohna dingin ka hun paucham sak zing hi. Khutichun, kei lama na hung kihei kit phat leh, na suohpihte suhat in,” a ti a.

SAM LEHKHABU THE PSALMS 86:5

Aw Lalpa nang chuh na pha a, na ngaidam seka, A hun sam tapoh chungah zahngaihna na hau ngâla:

2 TIMOTHE 1:9

Amah chun ei hukdam ta a, amah mipite ngêi hi dingin ei sama, I thilhih teu ziek hilo in, amah guot ngêi leh a hehpihna ziekin a hi zawi. Zie hehpihna chuh leisiet kisiem masang in Krista Isu achun ei piek uh I hiu a,

SAM LEHKHABU THE PSALMS 86:15

Himahlele, Aw Lalpa, nang chuh lainatna a dim Pathien, mi lungsiet thei, Lungnieng, chitna leh thutak a dim na hi.

KOLOSSA 2:7

Amah achun zung thuk taka khawh in, na hinnau chuh amah a lemto in, na taksannau achun hung hât deuh deuh tau in, sinsak a na um tâk bang u khan. Chun, kipah thugenna ngen a dim in hung um zawu in.

ROME 15:5

Khutichun, I Lalpau Isu Pathien leh Pa chuh, lungthim munkhat leh kilungguol taka I limbawl theihna ding un,

1 JOHAN 2:25

Chun, ziehi ahi, Krista mawng in thu ei tiem khah, kumsawt a hinna hih.

HEBRAI 9:15

Zieziekchun, Krista chuh Thugawlh Thak palai a hii, thugawlh masa nuoia sukkhelhna haw laka pat tatna’n, mi a hung thih tâk ziekin, sap a umte chun kumsawt goluoh ding thutiem chuh chang thei un au.

ROME 15:13

Thagau thiengtho thilhih theihna zieka kinepna na hauh theihna dingun, kinepna Pathien chun, na ginchak ziekun, a kipakna leh chamna tin chengin hun hihdim hen.

ROME 9:11

Thilhih ziek hilo in, a sampa deih lam zawk in, tel a hihna lam thu a Pathien thuguot chuh a det theihna’n a kawmah,

1 PETER 4:11

Mi kuo’nle, thu a gen chun, Pathien thu bangin gen hen, mi kuo’nle a zenviel chun, Pathien in utna a piek dungzui in zenviel hen; khutichun, Isu Krista vangin Pathien chuh thil bangakai ah limbawl in um thei ina; lopina leh vaihawmna chuh kumkhuotuong in amah a ahi ngâl a. Amen.

ROME 9:24

Zie khuotuohna belhaw chuh Judate lak apat mai hilo in, Jentel te lak apat a sapte le I hiu ui.

SAM LEHKHABU THE PSALMS 119:28

Ka hinna hi lungkham ziekin a zun mang sek a: Na thu bang zel in ei hih hât in.

1 KORINTH 1:10

Chun, suohpihte, na bawn u a na thugen hawu a na kithuguol u a, na lak u a kibungkhenna a um lohna dingin, Lalpa Isu Krista min in ka hun nget na hiu hi. Ngaihtuoh munkhat leh, tup kibang in dettak in um un.

1 PETER 4:10

A mitakip in, thilpiek na muh dungzui un, Pathien lungsietna tincheng vawp sawntawlawi phate bangin, zie chun kizenviel tuoh chiet un.