1 PETER 5:1 - PATHIEN LEKHABU THIENGTHO (BSI)

¹ Khutichun, na lak uh a sapchuom lawiupate chuh, kei, na upatpih uh, Krista thuokna hetpihpa leh, lopina hung kilang ding chanpih ding pa hin ka hun tîl na hiu hi.

1 PETER 5:1 ပူးပေါင်းရင်းမြစ်များ

LUKE 24:48

Ziehaw thil chengcheng chuh a hetpihte na hiu hi.

THUPHUON 1:9

Kei Johan, na suohpihpau, Isu nungzui, lenggam mite chunga gimtheihna hungtung, thuokhat taka hun thuokpih pa chuh ka hi. Pathien thu leh, thu dik, Isu phuondawk chuh ka gen ziekin, Patmos tuikuol achun kawih in ka um a.

2 JOHAN 1:1

Upa keimah apat, Numei pha kiteng nu leh, a chate, tih tak zet a ka lungsiet te kawmah. Kei mai hilo in, thutak he ta chengin le a hun lungsiet uh ahi,

1 PETER 5:4

Tichun, Belam Chingpa Lalpen chuh a hung kilak tieng leh, lopina lallukhuk, tuoi theilo chuh mu’n lau.

1 JOHAN 3:2

Deihtakte, tuhin Pathien chate I hiu a, bangti’n a I um dinguh tih vang a kichien tadih puoi; amah a hung kilak tieng le vang, amah bangin ki-um ina tih vang I heu hi, amah chuh a um ngei bang banga mu ding I hi ngâl uh a.

1 PETER 1:7

Na taksannau patepna, sana, meia etchien a hih nunga mangthai sek sanga le lul zaw chun, Isu Krista hung kilak tieng leh, pahchakna leh, limbawlna leh, lopina ding a hung hih theihna dingin.

NASEPTE 14:23

Chun, sapchuom pawl tin achun a upa dinguh a guot sak zel u a, an ngawl kawma a paucham zawh un, a ginchak uh Lalpa kawm achun a vawpsak sek u a.

NASEPTE 11:30

Zie chuh a hih ta ngêi u a, Barnabas leh Saul khut achun, upate kawmah a thâk tau hi.

1 PETER 1:12

Zie thu haw chuh, amau haw phatchuomna ding hilo in, nangmau haw mawng phatchuomna ding ahi zawi tih, Pathien in thiemgaute kawm achun a hetsak tai; zie thu haw chuh, van apat a sawl dawk, Thagau Thiengtho thilhih theihna’n, nanguh Chanchin Pha hun hilhpa khan a hun hilh na hi tau hi. Zie thil haw chuh ahi, vânsâwlchâkte nasan inle hêtchet a nawp sek uh khah.

PHILIMON 1:9

Himahleh, kei Paul hi upa tak, Krista Isu palai leh, tu a amah min zieka suongkul tâng himahleng, ka hun lungsietna ziekin a nget a ka hun nget thawh na hi.

TITA 1:5

Thilhih bangkhaihaw chuh na hih tup zel na ding leh, ka hun thupiek banga khuo tina upate na guot zel na dingin, Kret tuikuol a ka hun nutsieh ahi. Ka hun thuhilhna kha hezing in:

2 TIMOTHE 4:8

Tuhin chuh diktatna Lallukhuk chuh kei dingin kawih in a um ta a, zie chuh Lalpa a ngaihtuohpa diktat chun zie Ni chu leh ei pie’n a; kei kawm mah ah hilo in, a kilâkna ngai ta chengte kawma le hi’n a.

1 TIMOTHE 5:19

Sapchuom upa a heknau chuh, hetpih nih ahim, thum ahim kam apat a hih loh chun pawm ki’n.

1 TIMOTHE 5:1

Teksie deuhte chuh gai ki’n la, pa bangin thêm zawh; tanglak deuhte chuh suohpih bangin,

PHILIPPI 1:19

Nei paucham sakna ziek u leh, Isu Krista thagau apat a panpihna hungte ziek chun thahdawk a um ding ka hi ngâl a.

2 KORINTH 5:1

I umnau lei In hi kiphie mahlele, van ah in, khuta sak loh, kumsawt a um ding, Pathien kawm apat in det chuh I nei ui tih I he ngâl u a.

NASEPTE 21:18

A zing chun Paul lawi in, Jakob kawmah ka lut u a, tak achun sapchuom upate chengcheng le a na um u a.

NASEPTE 20:28

Pathien sapchuom haw, amah thisan a a châwkte chuh vak dingin, nangmau haw leh na belam hawnteu chung achun chingthei un, Thagau Thiengtho in amau haw enkawl dinga a hun siem na hiu hi.

NASEPTE 20:17

Khutichun, Miletus khuo apat chun, Ephesi khuo ah mi a sawl a, sapchuom upahaw chuh a kawmah a sap sak a.

NASEPTE 15:6

Tichun, sawlchakte leh upa haw chuh zie thu ngaihtuoh ding chun a kikhawm u a.

NASEPTE 15:4

Chun, Jerusalem khuo a va tun u chun, sapchuomte, sawlchakte, leh upate chun a na lawp u a, tichun, Pathien in amau haw manga thil a hih chengcheng chuh a gen u a.

NASEPTE 2:32

Zie Isu chuh Pathien in thihna apat in a kaitho ngêi a, zie thudik hetpihte chuh I bawnchau hin I hiu ui.

NASEPTE 1:22

Johan in baptistma thu a gen apat, I kawm u apat van a puih toha a um ni tieng khan zie a I lak u a tel sekte laka hin mi khat, Lalpa Isu thawhkitna ei hetpih dingin a um ding ahi,” a ti a.

NASEPTE 1:8

Himahlele, Thagau Thiengtho chuh na chung u a a hungtun tieng leh, thilhih theihna hun nei unlau, tichun, Jerusalem khuo ale, Judea leh Samari gam khuo tin ale, kâwlmawng tiengin ka thu hetpihte hi’n lau,” a ti a.

2 KORINTH 5:8

Hangsan takin I um uh a, chun, zie phehlevo sapum in hi taihsan a, Lalpa tawh ina um chuh I nuom zaw ngâl u a.

NASEPTE 3:15

Hinna Siempa chuh na that u a; himahlele, Pathien in amah chuh mithi lak apat a kaitho kit a, zie chuh a hetpihte ka hiu hi.

HEBRAI 12:1

Khutichun, eihaw vang, hetpih meipi nasa takte um kimvela um I hih ziek u hin, ei sukawlawk ta cheng leh, gitloh eimau a bek chak hi mu’n paih thai tingun, I masang uh a kitaihsiekna um ahin, thuokhat takin tai hitiu.

1 PETER 4:13

Krista thawkna thuokpih te na hih ziekun, kipâk zawu un; khutichun, a lopina a hung kilak tieng leh, nanguh le lawp takin um thei unlau.

3 JOHAN 1:1

Upa keimah apat, deihtak, Gaia, tihtakzet a ka hehpihpa kawm achun: