1 PETER 4:7 - PATHIEN LEKHABU THIENGTHO (BSI)

⁷ Himahlele, thil chengcheng tawpna ding chuh a nai ta a. Zieziekchun, na paucham theihna dingun, lungthim diktak pu’n, chingkieu in um un.

1 PETER 4:7 ပူးပေါင်းရင်းမြစ်များ

THILSIEMBUL 19:35

Tichun, zie zan chun le a pau chuh uain a dâwn sak u a, a naupang zaw chuh a chieh a; a kawmah a va kuol ta a, chun, amah chun a va kuol lam le a he puoh a, a thawhkit lam le a he diek puoi.

THILSIEMBUL 6:13

Chun, Pathien in Noah kawm achun, “Phehlevo chengcheng tawpna chuh ka ma ah a hung tung tai; amau haw ziekin lei hi kipawngbawlna’n a dim zo ta ngâl a; tichun ngaiin, a lei pum in sumangthai ding ka hi.

THUGENPA 7:2

Lusûn In a chieh chuh, guolvakna In a chieh sangin a phazawi, ziehi mi cheng cheng a dinga tawpna ahih ziekin; zie hi mihingte lungthim put ding dân chuh ahi.

JEREMIA 5:31

Thiemgaute chun lepchieh thu ngen a genlawk u a; thiempute chun la a thu thuu in vai a hawm u a; ka mite chun khutibang hih chuh a nawp lam uh ahi. Himahleh, a tâwp a hung tun tieng bangti’n na hih ta ding u le?

EZEKIEL 7:6

Tawpna a hung tung ie, tawpna chuh a hung tung ie; nang dingin a hung kipan tai; ngaitie, a hung tai!

MATTHAI 24:42

Khutichun, khawthengai un, na Lalpau chuh bang ni a hung ding ahi tih na he puou hi.

MATTHAI 25:13

“Khutichun, kiging zingin um un, a ni leh a phat na he ngâl puou in.

LUKE 21:34

“Amahvang chuh, chingthei un! khutilochun, nek vah tâk luot tawh, zukham tawh, damsung khawsak ngaihtuohna tawh, na lungthim uh dim val taluo kha’n tin; zie Ni chu leh, thang âwk guolin thakhat in, na chungu ah hungtung phut ina.

LUKE 21:36

Zieziekchun, zie thil hungtung dingte chuh pel tâk leh Mihiem Chapa masanga ding tâka guot na hih theihna dingun, bangtik lai inle paucham kawmin khawningai un,” a ti a.

LUKE 22:46

Tichun, a kawm u ah, “Bangati a ipmu na hiu hi? Tho unla, thepna a na lut lohna dingun paucham un,” a ti a.

ROME 12:12

Kinepna lam u achun kipâk takin um unla; gimtheih thuokna lam achun, thuokhat takin um unla; pauchamna lam achun paucham tuntun un la,

1 KORINTH 15:24

Chun, a tawpna chuh hungtung intin, zie nung chuleh, vaihawmna cheng chengte, thuneihna cheng chengte leh thilhih theihna cheng chengte chuh, a sukbeih nung leh, Pathien lenggam chuh. Pa kawm ngêi achun pie’n a.

1 KORINTH 7:29

Himahlele, suohpihte, ziehi ka tih ahi: Tu a kipat hin, zi neite chuh neilo guola a umna ding u leh;

EPHESI 6:18

ziehaw chuh, bang hun ale, Pathien kawmah paucham in ngên zawu in. Hun tin ah, thagau in a hun puih bang zelin paucham un. Zie ziek tak hin, kivêng phau inla, Pathien mite dingin paucham zingun.

PHILIPPI 4:5

Na dawhhatnau chuh mi chengcheng het hi he’n. Lalpa chuh hung pai ding a hi ngâl a.

KOLOSSA 4:2

Paucham hâm hâm unla, zie achun kipahthu gen kawmin khawningai un.

2 TIMOTHE 4:5

Nang vang chuh bangakai ah pilkieu inla, haksa thuok inla, Chanchin Pha gen lam na sem inla; na zenviel nasep kha muolsuoh ah.

TITA 2:12

Kinepna thatnawp-um, I Pathien uh lopitak Hukdampa Isu Krista lopi hung kilâkna chuh ngak in,

HEBRAI 10:25

Mi khenkhatte hih dân guola, I kivawpkhawmna sekteu haihsan diek lo in, kitîlkhoh tuoh zawi tiu, Lalpa Ni chuh hung nai tel tel a na het u hin, kihah tîl zawsem sem un.

HEBRAI 9:26

Khuti hi kileh, khawvel kisiem a thak, vel tamtak a thuok ding ziekin. Himahlele, tulai hun tâwp ahin, gitloh lâkmangna dingin amah mawng kithawihna dinga hung kipie’n, khatvei a hung kilak a hi tai.

1 PETER 1:13

Zieziekchun, na lungthim uh puontum chengin, pilkieu unla, Isu Krista a hung kilak tieng leh, vangsakna a hun piek ding chuh lungthuoi lo in kinem zingun.

1 PETER 3:7

Nanguh pasalte, khutibang mah in, numei hi bel kek vak zaw ahih ziek u leh Pathien thilthawnpiek hinna chuh I chan khawmpih uh ahih ziekin, hethiem tak kawmin na ziteu chuh pakchau in. Ziehaw chuh na pauchamnau dala a um lohna dingin hih un.

1 PETER 5:8

Pilkieu unla, khawthengai un! na kilanpih uh Diabol chun, keipi bakkai kitum sek bangin, a nek theih ding hawl in a kipei hethut sek hi.

THUPHUON 16:15

“Ngaiin! gucha guola hung vak ding ka hi ie! Kiging a, puontum chengsa a um zingte chuh a hamphau ui; khutilochun, sangawn a vakin, mite mitmuh in zahhuoi takin um kha’n au ie!” ti’n.