1 PETER 4:5 - PATHIEN LEKHABU THIENGTHO (BSI)

⁵ Amau haw chun, mihing leh mithite ngaihtuoh dinga kisazosa, Pathien kawm achun a chanchin uh hun gen ding ahiu hi.

1 PETER 4:5 ပူးပေါင်းရင်းမြစ်များ

JAKOB 5:9

Ka suohpihte haw, mawhchang a na um lohna dingun, kimukphun kiu in; ngaitiem u, Vaihawmpa chuh kawtkhak bul ah a ding zing hi!

NASEPTE 10:42

Chun, amah chuh, mi thite leh mi hingte chunga vaihawm dinga Pathien guot chuh ahi, tih mite kawma tângsappih leh hetsak dingin, Pathien in thu ei piek ahi.

2 TIMOTHE 4:1

Zieziekchun, Pathien mitmuh a mihingte leh mithite vaihawm sak ding pa, Krista Isu mitmuh achun, Leng guola vaihawm a hung kilak ding a hih ziekin, phachuomngai taka ka hun hilh na hi:

NASEPTE 17:31

Khutichun, khawvel pumpi, a mitelte manga vaihawmna dika thu a tan khumna ding chuh a guot ta a. Zie chuh, Pathien in, amah chuh mithi lak apat kaitho in, mi chengcheng kawmah a hetsak tai,” ti’n.

MATTHAI 12:36

“Chun, ka hilh na hiu hi, Min, thumanloh a gen chun, ziete chanchin mah chuh thupi kitan ni leh gen un au.

LUKE 16:2

Tichun, amah chuh a sama, a kawmah, ‘Na chungchâng thu ka het hi bangti a? Na sum vawp dân chanchin kimtak in hun zik inla, ei hun pie’n, tu a kipat sum vawp in pang thei ta puo’n la,’ a ti a.

EZEKIEL 18:30

“Zieziekchun, Aw Israel insung mite haw, mitin a umdan bang zela na chung u a vaihawm ding ka hi, Lalpa Pathien chun a tii. Lunghei unla, na bawhsietna teu chengcheng chuh haihsan un; phatlohna chuh na siet lawh lohna dingun.

THUGENPA 12:14

I thilhih chengcheng uh, a sie leh a pha le, a gûka thilhih cheng le Pathien in ei vaihawm sak ding ahi ngâl a.

SAM LEHKHABU THE PSALMS 1:6

Lalpa chun mi diktatte lampi chuh a he ngâl sek a; Himahleh, mi dukdaklote lampi vang chuh beimang in a.

ROME 14:9

Krista thihna leh, a hung hin kitna ziek chuh, mihing leh mithite Lalpa a hih theihna dingin ahi ngâl a.