1 PETER 4:4 - PATHIEN LEKHABU THIENGTHO (BSI)

⁴ Ziehaw achun, amau haw nawpsak bawl takluot banga na bawl lohnau ahin mak a hun sau a, a hun gensiet sek uh ahi.

1 PETER 4:4 ပူးပေါင်းရင်းမြစ်များ

MATTHAI 23:25

“Na chunguh a gik hi! Nanguh Danthuzik leh Pharisai gukhahte haw! khawn leh kuong pawlam na sawp ngim u a, a sunglam chuh la nekgûkna leh kidêklohna’n a dim ngâl in.

LUKE 15:13

Chun, ni sawtlo cha nung chun, a neu zaw pa chun, a chansik cheng chuh a lakhawm suok kêi a, khuol gamla tak ah a chieh ta a, tak achun nawp chin helo in a um a, a sum chuh a peimang maimai ta a.

NASEPTE 13:45

Himahlele, Judate’n mipite chuh a muh phet un, a mitthîp mah mah tau a; Paul thugen chuh a nielkalh u a, a zehawt ten tau a.

NASEPTE 18:6

Himahlele, a dodal u a, a gensiet phet un, Paul in a puon a thing a, a kawm u ah, “Na thihna mawh u chuh nangmau in kipuok un; kei vang ka thieng hi; tu a kipat Jentel te kawmah chieh ta’ng ka,” a ti a.

ROME 13:13

Sun a um guolin, hawih takin um hitiu, zu dâwn buoi leh zukham a um lo in, hûk leh kideihcha a um lo in, kisuol leh kimitthîp a um lo in,

EPHESI 5:18

Chun, uain kham in um kiu inla, zie tak a chun kidêklohna a um ngâl a; Thagau a dim in um zawu in.

1 PETER 2:12

Jentel te, laka na tawihzieu chuh kilawm tak hi hen, khutichun, thil gilo hihte guola a hun gensiet sek nau achun, na thilhih phat uh a muh hawu ziekin, veh a a um tieng u leh Pathien sulopi thei un au.

1 PETER 3:16

Zie chuh nunnem tak leh zah tak kawmin hih un. Na sielepha hetnau chuh thieng takin vawp zing un, tichun, Krista nungzuite na hihna ziekuh a, na umdan phateu a hun gensietnau a chuh, a hun gensiete chuh sukmuolpho a a um theihna dingun.

2 PETER 2:12

Himahlele, zie ganhing lunggelna neilo, mata sukmangthai mai dinga sa a piengte bang hin, thil a hetlohteu chuh a gensie sek ui. Zieziekchun, amau sietna ziekin beimang ding ahiu hi.

2 PETER 2:22

“Uicha a luok lam ah a kîkkit a, vawkpi kibuol ngimsa le, buonthuok laka kibuol dingin a kîkkit hi,” tih paunak diktak tawbang hi a chunguh a hung um ahi tai.

JUDA 1:10

Himahlele, ziete haw hin, thil a het loh chenguh a gensie sek uh a, gamsa haw banga pienpih hetna a neihteu chuh, ziete mawng chun amau haw chuh a sumangthai sek ahi.