1 PETER 4:19 - PATHIEN LEKHABU THIENGTHO (BSI)

¹⁹ Zieziekchun, Pathien phasak lam banga thuokte chun, thilpha bawl in, a thagau uh chuh a Siempa taksanum tak kawm achun vawp sak hen.

1 PETER 4:19 ပူးပေါင်းရင်းမြစ်များ

SAM LEHKHABU THE PSALMS 37:5

Na umdan ding chuh Lalpa chungah nga’n la; Amah chuh muong in la, A man hih vek ina.

2 TIMOTHE 1:12

Zieziekchun ahi, zie thil haw hi ka thuok chuh. Himahlele, ka zakcha a puoi, ka taksan pên pa chuh ka he a, a kawma ka vawp sak chuh zie Ni a ding chun a vawppha thei hi tih chientakin ka he ngâl a.

1 PETER 3:17

Thil gilo hih zieka thuok sang chun, Pathien phasak lam a hih chun, thilhih phat zieka thuok chuh a phazaw ngâl a.

SAM LEHKHABU THE PSALMS 138:8

Lalpa chun ka chung a ahih ding chu guitun sak in a: Aw Lalpa, na zahngaihna chuh kumlekhuo’n um in a; Na khut suok te hi hengilh ki’n.

1 PETER 2:15

Mingawlte thugen ngawlhuoi takte, thilpha hih a na sukthip uh hi, Pathien deihlam tak ahi ngâl a.

ROME 2:7

Thilpha bawl hâmhâm a, lopina leh limbawlna leh, manthai theih lohna hawlte kawm achun Pathien in kumsawt hinna pie’n tin,

SAM LEHKHABU THE PSALMS 31:5

Na khut ah ka thagau ka hun kawlsak hi; Aw Lalpa, thutak Pathien, nangin nei tan tai.

DANIEL 6:22

ka Pathien chun a vânsâwlchâk a hun sawl a; sakeibaknei kamte chuh a suchih a, bangmah ei lawh puou hi. A mitmuh achun mawhna neilo leh nang chunga le, Aw lengpa, bangmah hihkhelh ka nei puoi, tih a he a ahi,” a ti a.

NASEPTE 7:59

Khutichun, Stephan in, “Lal Isu, ka thagau la ta’n,” ti a Lalpa a sap lai in, suongin a sep sausau u a.

LUKE 23:46

Tichun, Isu chuh ngeih tak in a kiko a, “Hepa! na khut ah ka thagau ka hun vawp sak hi,” a ti a. Zie chuh a gen zawhin, a thagau a thah ta a.

ISAI 43:21

Gamgaw a chuh tui haw ka um sak ziek leh lui haw ka luon sak ziekin, gamsa haw chun le ei zah untin, si-alhaw, vangawngsau ten le ei limbawl tan au.

ISAI 43:7

Ka minpu mimal tin te chuh, ka lopina dinga umlo apat ka um sak leh ka guonggalh leh ka siem na hiu, hun ti ding ka hi.”

ESTHER 4:16

“Chieh inla, Judate chengcheng chuh Susan achun samkhawm in; an ngawl unla, kei a dingin paucham unla, Ni thum leh zan thum chuh an ne kiu inla, tui le dâwn diek kiu in. Kei leh ka suok nungakte hin le tawbang chun hih ung kau. Dan lo guolin leng kawmah lut ing ka ting, chun, ka thih leh ka thih himai ina,” a ti a.

1 PETER 3:20

Ziehaw chuh Noah kuong tuk laia, Pathien in thuokhat taka a ngak laia le, a thu zawp nuom lote thagau haw khah ahiu ui. Kuong achun mi tawmcha, a bawn u a giet chauh chuh, tui apat hukdawk in a um u a;